Isaya 37:2 - KITABU KITAKATIFU

² Yatuma Eliakimu, mutumikiri wasingilira inyumba yu vwami, Shebuna, mung'odi wi kiyaalo, kandi harara na vasaalisi vaduukiru ligali ku Muporofeti Isaya muyaayi wa Amozi. Navo kandi vaali niviviiki zinguvu zia magunia.

Isaya 37:2 Iomraidhean Croise

2 Avami 18:18

Maku valanga mwami Hezekia, yaze na vavaga ku vanene veve vazia kuvaaganira. Eliakimu muyaayi wa Hilikia, uwasingilira inyumba yu vwami; Shebina, mung'odi wi kiyaalo; na Joa muyaayi wa Asafu, wasingilira vitabu vie zing'inga.

2 Avami 19:2

Yatuma Eliakimu, munene wasingilira inyumba yu vwami, Shebina, mung'odi wi kiyaalo, kandi avasaalisi vaduukiru kuzia ku muporofeti Isaya, muyaayi wa Amozi. Vaali kandi ni viviki zinguvu zia magunia.

2 Kyetsinyinga 20:20

Mugambazuri lidiku lialonda ku, avandu vatura kuzia mwigendanyama lia Tekoa. Lwa vaali nivaziizaa, mwami Jehoshafati yasingira navavoolera, “Avasaza vi Ivuyuda na Jerusalemi; musuuviri Yahova Nyasaye winyu, kandi musingiri vudinyu. Musuuviri aga vaporofeti veve vamuvolera, na mulaguuta.”

Esther 4:1

Lwa Modekai yahulira goosi agaali nigakoleeywi yatandula zinguvu zizie mu vovereri niyiviika zinguvu zia magunia nu kwibuuga ligoke. Yazia naavitira hagati hi lidaala linene nakubaa izikwiri zinene nuvuzunu,

Isaya 1:1

Kitabu yiki keveeye mu na makuva kigira Ivuyuda na Jerusalemi aga Nyasaye yavulira Isaya muyaayi wa Amozi, ing'inga lwa Uzia, Jozamu, Ahazu na Hezekia vaali avami vi Ivuyuda.

Isaya 20:2

Lwi mihiga jivaga jaali nijiviti, Yahova yaali niyavoolera Isaya mwana wa Amozi atulizi virato mu virenge vivie, kandi atulizi zinguvu zizie ziamagunia zia yaali niyiviiki. Isaya yalonda lilago lia yahova, na yagenda chahonyo kandi vugira vilato.

Isaya 22:12

Mwami munene, Yahova Wuvunyali yamulanga muduuki kulira kandi musiome, muvege amasu ginyu kandi mwiviki zinguvu ziamagunia.

Isaya 22:15

Mwami munene Yahova Wuvunyali yambolera nzie ku Shebuna, mulindi wi vindu vie inyumba yu vwami nu kumuvolera ndi,

Isaya 22:20

Yahova yavolera Shebuna, “Lwayaga galiekoleka, ndakakutumili mutumikiri wange Eliakimu mwana wa Hilikia.

Isaya 36:3

Avayuda vavaga vatura kuzia kumwaganira: Mutumikiri wasingilira inyumba yu vwami, Eliakimu muyaayi wa Hilikia; mung'odi wekoti Shebina, kandi Joya muyayi wa Asafu, mutumikiri wasingilira agang'odwa.

Isaya 37:14

Mwami Hezekia yavugula ibarwa zana kutura ku vatumwa ma naagesoma. Maku yazia mu Litembeli, naviika ibarwa zana imbiri wa Yahova,

Isaya 37:21

Maku Isaya mwana wa Amozi yatuma likuva ku mwami Hezekia namuvolera mu litivula kolondekana ni lisaala lilie ndi,

Isaya 38:1

Ing'inga yene yeyo, mwami Hezekia yaali mulwaye kali kuduuka ahimbi ku likuza. Muporofeti Isaya mwana wa Amozi yazia kumulora, kandi namuvolera, “Yahova avoora, ulungikize vindu viosi kigira siulahona mba, navuzwa ulakuza.”

Joeli 1:13

Mwiviki zinguvu ziamagunia na muliri, munyi avasaalisi vayinzira ku vwali! Muzie mu Litembeli na musiome uvudiku vwosi! Sihaveeyeho nu vuswage anoho iwaini yu kuhaana ku Nyasaye winyu mba.