Isaya 36:6 - KITABU KITAKATIFU

⁶ Uganaganaa vandu va Egebeti valaza kukokonya, navuzwa yaga galava kuli utumikira kidundu chavunika kuva imbimbu yokogendela, kilavunika kandi kilatooza mukono gugwo. Nindio mwami wa Egebeti aveeye ku uyu woosi usuviraa muye ovokonyi.

Isaya 36:6 Iomraidhean Croise

2 Avami 17:4

Navuzwa muhiga mulala, Hoshea yatuma makuva ku mwami So wa Egebeti, namuteeva ovokonyi vwivwe, ma kandi yalekera kutunga uvusuuru ku mwami wa Asiria vwa vuli muhiga. Lwa Shalimanaseri yamanya makuva yaga, yagumira Hoshea naamuvoha mu vuhambe.

2 Avami 18:21

Usuviraa Egebeti valaza kokohonyia, navuzwa galava kuli kutumikira kidundu kuli imbimbu yokogendela. Lwivunika ilakotoza mu mukono gugwo. Nindio kuli mwami wa Egebeti aveeye lwu mundu woosi amusuuvira nu kwiidila kuye.”

Zaburi 146:3

Mutaviika lisuuvira lienyu mu avanene vilirova, avandu vuzwa sivanyala kumuhonyia mba.

Tsing'ano 25:19

Kusuuvira mundu utaveeye musuuvirifu mu ing'inga yu vudinyu, gaveeye kuli kogeriza kulia noveeye ni linu liadengeya, anoho kogenda ne kelenge chafogoya.

Isaya 31:1

Avandu vazizaa Egebeti konyoora ovokonyi vaveeye mu kivi! Vasuuvira mu liihi lia Egebeti lie zinguru, lie zibarasi ziu kunina ku lia magare gu vulwani kandi lia vasikari. Navuzwa si vasuuvira mu Yahova, Nyasaye Mutakatifu wa Isiraeli mba, anoho si vateevaa ovokonyi kutura kuye mba.

Isaya 31:3

Avandu va Egebeti sivaveeye vanyasaye mba, navuzwa vaveeye vuzwa avandu. Zibarasi ziavo si ziveeye roho mba, navuzwa ziveeye izinyama. Lwa Yahova ahaanaa amageri, ihiiri eveeye yi zinguru ilikigatala, kandi ihiiri eveeye endedekele yakonywa ilagwa. Vombi valadivizwa.

Ezekieli 17:17

Kali Mwami wa Egebeti harara ni liihi lilie lie zinguru sialamukonya kulwaana lwa vandu va Babiloni vumbaka vitumi nukuyava malina nukwita vandu vanyingi mba.

Ezekieli 29:16

Avandu va Isiraeli si naverede kumunyi kigira vokonyi mba. Lidivizwa lia vandu va Egebeti nalizulizi avandu va Isiraeli ndi, vaakora vudamanu kwereda ku vandu va va Egebeti. Maku avandu va Isiraeli navamanye ndi Inzi mbeeye Yahova Wuvunyali.”