Isaya 34:6 - KITABU KITAKATIFU

⁶ Kivavi chiche kilakave na masahi nizitinya, kuli amasahi ga magondi nizimbuli zie visiuviliru. Yahova alahaana kisiuviriru yiki mu lidaala linene lia Bozira. Alakole liitwa yili kuva linene mukivala cha Edomu.

Isaya 34:6 Iomraidhean Croise

2 Samweli 1:22

Uvuta vwa Jonazani vwali vwukwita ligali, kivavi cha Saolo chaali vugira livererera nivuduyaa avizingulu nukwita umusigu.

1 Kyetsinyinga 1:44

Lwu mwami Bela yakuza, Jobabu muyaayi wa Zera kutura mu kivala cha Bozira, yamiha mu vogono vwivwe.

Zaburi 137:7

O, Yahova, wizulizi aga vandu va Edomu vaakora ku lidiku lia Jerusalemi liagumirwa. Wizulizi kuli vavoola, “Mu livululi lidaala linene lia Jerusalemi yilio! Muyavugululi kali mise jalio!”

Isaya 29:2

maku kandi Nyasaye alaleeta ikivi ku lidaala linene lilangwa “Uvwali vwa Nyasaye.” Halakave ho ni lilira kandi nilisioma, na lidaala linene liosi lilakave kuli uvwali vukunikiywi na masahi.

Isaya 34:5

Yahova umali kwetegekiza kivavi chiche mu ligulu, na kalunu keveeye ahimbi kotema avandu vi kivala cha Edomu, ava Yahova amali kukalagira lidivizwa.

Isaya 63:1

“Nivwaha uyu uzaa kutura mu lidaala linene lia Bozira mu kivala cha Edomu? Nivwaha uyu, uwiviiki zinguvu zinzakanyu, na ziuvukumi, uzizaa imbiri mu vonene vwi zinguru zizie?” “Ni Yahova, wizingulu okohonyia, uzaa kulandiza uvuguuti vwivwe.”

Isaya 63:3

Yahova yativura, “Inzi mali kuduvaga zihiiri kuli mazabibu, na siali ho nu mulala waza kongonya. Ndaziduvaga ligali mu vutima vwange, na amasahi gaavo giivaki ku zinguvu ziange ziosi.

Isaya 65:12

Munyi vosi muliitwa ni kivavi, mulinama na mulasinzwa, kigira, lwa ndamulanga si mwahaana amativuli mba, kandi lwa ndamoloma ku munyi, simwahulira mba, navuzwa mwakora agaveeye amadamanu imbiri wange, kandi mwatovora agandavula kuyaanzizwa nago.

Jeremia 12:12

Engereka wivisuru vie viangalangwi, avandu vamali kuuza ku valanya. Mali kutuma uvulwani kwononyia kivala choosi; siaveeyeho kali mulala oveeye mumirembe mba.

Jeremia 25:34

Muliri, munyi aviimiliri, munyi aviimiliri va avandu vange, mukubi zikwiri vudinyu! Musiome kandi mugalagale mu luguchi. Ing'inga imali kuduuka kumunyi kusinzwa kuli amagondi amamigu.

Jeremia 46:10

Yili nilidiku liu Mwami munene Yahova Wuvunyali: kalunu alavaanza kisaalia; kalunu alahaana amageri ku avasigu veve. Kivavi chiche kilavalia kuduuka lwa chizula, kandi kilanwa masahi gaavo kuduuka lwa chiguta. Kalunu Wuvunyali alahaana kisiuviriru mu kivala chi Ivaale ku mugera gwa Efurate.

Jeremia 49:13

Inzi mwene mali kwisuha ndi lidaala lia Bozira lilava havundu hukutihiza kandi changalangwi; avandu valali kolera kehenyahenye nukutumikira lieta lialio kuli kilaamo. Amadara goosi gahimbi galava hazwa kazozo. Inzi Yahova mali kovora.”

Jeremia 49:7

Yaga nigo aga Yahova Wuvunyali yavoola kigira avandu va Edomu: Avandu va Edomu vagotiza likalaga liavo lilahi? Avahaani viziganagani vaavo vanyara kuvavolera chokokola? Vogeri vwavo vwosi vwagota?

Jeremia 50:27

Mwiti avasikari vaavo vosi! Muvasinzi! Avandu va Babiloni vadiviziywi! Ing'inga imali kuduuka iyavahevwa mageri!”

Jeremia 51:40

Ndavahila vasinzwi kuli amagondi, vimeme kandi zimburi. Inzi, Yahova Wuvunyali mali kovora.”

Ezekieli 21:10

Kishagaliywi kiduuki kwita, keng'ereng'anaa nokohemahema kuli loheni. Vusangali si voveeye ho mba, kigira avandu vange vamali kusura kuhulira lieganihiza liosi kandi nilihevwa mageri.

Ezekieli 35:15

kuli mwasangalira lidivizwa lia vandu Vaisiraeli miandu jange, kunangwa inzi ndamukora kuva hazwa, kiguru cha Seiri, yee, kivala choosi cha Edomu, ndakikola kuva hazwa. Maku vuli mundu woosi alakamanye ndi inzi mbeeye Yahova.”

Ezekieli 35:8

Ndakunika vigulu viosi ni miviri ja vakuzu, kandi miviri ja yavo aviitirwa mu vulwani jirakunika amavoona goosi, kandi jirasiuvwa mu migera ja mazi.

Amosi 1:11

Yahova avoora, “Avandu vi kivala cha Edomu vamali kokora uvwoni haali kanyingi, na kigira yaga ndavaha amageri. Vaahiima avamwavo vaavo vandu va Isiraeli ni kivavi, na sivaveererera mba. Vutima vwavo sivwaali ne keheri mba. Sivaaloleka vahomati mba.

Zefania 1:7

Lidiku liveeye ahimbi lia Yahova ahaanaa likalaga, kulwayago muchiring'ane imbiri weeve. Yahova alohizaa kuhaana vandu veve kuli kisiuviriru, kandi umali koleta vasigu kwingilira kivala chi Ivuyuda.

Kwidzulitsa 32:14

Yavaha isiagi, maguta namaveere kutura ku mitugu jaavo; zing'ombe ni zimburi ziavo ziahaana maveere manyingi. Vaali na magondi mamigu zimburi, nizing'ombe zindahi ligali kandi, viayo vie mitugu ja Bashani. Ingano indahi ligali kandi vanwa iwaini imbia.

Kwidzulitsa 32:41

ndi ndahiagala kivavi change kehemahemaa, nokolola ndi uvulungi vokoleywe. Ndavanza kisaalia ku avasigu vange. Kandi mbane amageri ku yavo avandunyira.