Isaya 34:2 - KITABU KITAKATIFU

² Yahova aveeye nu vutima ni zihiiri ziosi harara na mahi gaavo goosi. Umali kuvakalagira likuza.

Isaya 34:2 Iomraidhean Croise

Zaburi 2:5

Maku aviganihizaa mu vutima vwivwe nukuvatiihiza mu livihirirwa lilie.

Kutwula 8:14

Avandu va Egebeti vagavungiza mu vitumi vinene, kuduuka kivala choosi nikifwunya uvugundu.

Isaya 10:5

Yahova yavoola, “Ivi Asiria! Ndumikila avandu va Asiria kuli imbimbu kuhaana amageri kuyavo avambeeye nu vutima navo.

Isaya 13:5

Amahi yaga galaaza kutura mu kivala chihale, kali kutura ku keheri chi lirova. Yahova alaza nu vutima harara ni viugi vivie kudiviza kivala choosi.

Isaya 13:6

Mukubi zikwiri kigira lidiku lia Yahova liveeye ahimbi! Yahova Wuvunyali alaleeta lidiviza.

Isaya 26:20

Avandu vange, muzie mu zinyumba zienyu, kandi muhaane viliango. Mwivisi ku ing'inga engekeeke kuduuka lwu vutima vwa Nyasaye vovomboloka.

Isaya 30:25

Ku ing'inga yene yeyo, lwa minaara javasigu vinyu jirakagumilwi na vandu vaavo kwitwa, migera ja amazi jilakatuli kutura kuvuli kiguru kitambi.

Isaya 61:2

Yaanduma kwilwaza ndi, ing'inga imali kuduuka, lwa Yahova ahonyia avandu veve, kandi alaguuta avasigu veve. Yaanduma koleminya mioyo ja yavo vosi avasioma.

Isaya 63:6

Ndaaduvagira hasi avandu vi zihiiri mu vutima vwange. Ndavakora vahambiki mu vutima vwange vululu. Ndasundura masahi gi livamwoyo liavo hasi ku lirova.”

Isaya 65:12

Munyi vosi muliitwa ni kivavi, mulinama na mulasinzwa, kigira, lwa ndamulanga si mwahaana amativuli mba, kandi lwa ndamoloma ku munyi, simwahulira mba, navuzwa mwakora agaveeye amadamanu imbiri wange, kandi mwatovora agandavula kuyaanzizwa nago.

Isaya 66:14

Lwa muloraa yaga nigekoleka, mulasangale. Galamukola muve nizinguru kandi avalamu. Maku mulamanya ndi inzi Yahova, ngonyaa yavo avambuliranga, kandi manyianga uvutima vwange ku vasigu vange.”

Isaya 66:16

Yahova alaleeta likalaga lilie liu muliru kandi alahaana amageri gi kivavi ku vandu vosi. Yavo ava Yahova aliita valava vanyingi.

Jeremia 25:31

kandi mwoyo gwigwe gulahulirikira ku keheri chi lirova. Yahova aveeye ni liyaala ku zihiiri. Alakalagira avandu vosi, kandi aliita avandu vachamu vosi. Yahova amali kovora.’ ”

Jeremia 25:32

Yahova Wuvunyali avoora ndi, kivi kilaaza ku ihiiri ndala inyima wi yindi, kandi imbuza yi kiihi enene ilaaza kutura ihale ku keheri chi lirova.

Jeremia 25:33

Ku lidiku yilio, miviri ja avandu va Yahova amali kwiita jirasalanywa kutura kolovega lulala lwi lirova kuduuka ku lovega lundi. Mundu kali mulala si alajisiomera, kinga si jilavugulwa nukuzia kuyavirwa mba. Miviri yiji jirakave kuli kitumi chi isiina kumalova.

Ezekieli 36:5

“Inzi Yahova Wuvunyali mali kovora mu vutima vwange vululu ku zihiiri ziamukumbeliza, kukila ligali avandu va Edomu. Vaavugura kivala change harara ni miandu jacho josi ni liekonya kandi ni lilegeriza.

Zefania 3:8

Yahova avoora, “Kulwayago mulindi kuduuka lwi lidiku liduka lwa singira kukalagira zihiiri.” Inzi mali kusaavira kuvungiza zihiiri kandi uvwamihi, kunangwa vaduuki kuhulira zinguru ziu vutima vwange vululu. Muliru gwu vutima vwange vululu guladiviza lirova liosi.

Zekaria 14:3

Maku Yahova alakatuli nu kulwaana zihiiri yizio kuli yakola maziambiri.

Varumi 1:18

Nyasaye umali kololekiza vutima vwivwe kutura mwigulu ku vwoni vwosi, nu ku vudamanu vwosi vwa vandu, vi zinzira ziavo zindamanu zigaliraa agiligali gavuli kumanyikana.

Joshua 11:20

Yahova yaali navakoli avagulu kulwaana Avaisiraeli, kunangwa vaduuki kukalagirwa lidivizwa ligali kandi vosi vaduuki kwitwa vugira liverererwa. Yaga nigo aga Yahova yaali nalagi Musa.

Likunula 20:15

Umundu woosi wi lieta liilieliavula kong'odwa mu kitabu chi livamwoyo, yasiuvwa munyanza yu muliru.

Likunula 20:9

Vaasalana mu lirova liosi kandi nivakumbiriza amadara ga vandu va Nyasaye ni lidaala lia yayanza. Navuzwa umuliru gwatura mwigulu niguvadiviza.