Isaya 33:5 - KITABU KITAKATIFU

⁵ Yahova aveeye munene ligali! Yamiha vuli kindu. Alahana ku Jerusalemi likalaga lirungi kandi nuvulungi

Isaya 33:5 Iomraidhean Croise

Zaburi 118:16

Zinguru zizie zileeti liguuta ku kunyi! Kandi zikoli gokogenyia mu vulwani!”

Zaburi 123:1

O, Yahova, ng'ingaa zimoni ziange ku ivi, kuduuka mwigulu, wa ivi wamihila!

Kutwula 15:1

Maku Musa na avandu va Isiraeli vimbira Yahova ulwimbu yilu: “Ndimbira Yahova, kigira umali kuguuta liguuta liu vukumi: Umali kusiuva zibarasi harara navahili vazio munyanza.

Kutwula 15:6

“Mukono gugwo mulungi, O, Yahova, goveeye nizinguru. Guvunaganyia avasigu mu vidonye.

Kutwula 18:11

Kalunu inzi manyi ndi Yahova aveeye munene kuvita avanyasaye vosi, kigira yakola yaga lwa vandu va Egebeti vadambiza vandu va Isiraeli nilielora kuli yili.”

Isaya 12:4

Lidiku lizaa lwa vandu valimba, “Musandize Yahova! Mwanili kuye amukonye! Muvoolere zihiiri ziosi icha amali kokora! Muvavolere kuli aveeye munene!

Isaya 2:11

Ing'inga yiza lwu luyaayi lwu mundu lulakahere, kandi liegingira liu mundu liradivizwa. Maku Yahova yeng'ine alakahevwe luyali.

Isaya 2:17

Luyaayi lwu mundu lulagehizwa, kandi liegingira liu mundu lilikizwa. Maku Yahova yeng'ine alakahevwe luyali mu lidiku yilio.

Isaya 26:1

Lidiku liizaa lwa vandu valakimbi lwimbu yilu mu kivala chi Ivuyuda: Lidaala linene lietu liveeye lie zinguru! Nyasaye mwene akingaa madigi galio nizimbinga zialio!

Isaya 28:6

Alakahaane zing'anagani zie likalaga lirungi ku yavo avatumikaa kuli vakalagi, na uvuluviliri ku yavo avakingaa virivwa via madaala manene kutura ku lingilirwa.

Isaya 30:18

Navuzwa Yahova alindiliraa kumuvererera zimbavasi. Aveeye mwetegeke kumanyia zimbavasi ku mwinye kigira akolaa agaveeye malungi kazozo. Vaveeye nu vugasu yavo avasuuviraa mu Yahova.

Isaya 32:1

Lidiku lilala alakaveho Mwami uliamiihi ni likalaga lirungi, kandi aviimiliri vizihiiri valakimiliri nu vulungi.

Isaya 33:10

Yahova avoora ku zihiiri; “Kalunu ndasingira! Kalunu ndiiginga igulu inzi mwene! Kalunu ndakuminywa.

Isaya 33:4

Kunyi kwingiliraa avasigu viitu kuli kekoonya chi zisigi; kunyi kuvuguraa ivindu viavo viosi.

Isaya 37:20

Kalunu, O, Yahova Nyasaye wiitu, okosoole kutura ku vandu va Asiria, kunangwa zihiiri ziosi zie kivala ziduuki kumanya ndi ivi weng'ine oveeye Nyasaye.”

Isaya 5:16

Navuzwa Yahova Wuvunyali amanyia ovonene vwivwe mu likora lilie lirungi, kandi avuulaa uvutakatifu vwivwe mu likalagira avandu veve.

Isaya 52:1

Avandu va Jerusalemi, muve nizinguru zinene kandi! Lidaala litakatifu lia Nyasaye, mwiviki munyi aveene vukumi! Avandu vatamanyi Nyasaye, sivalingira mu virivwa vivio kandi mba.

Isaya 56:1

Yahova avolera avandu veve ndi, “Mukore likalaga lieligali kandi liveeye lilungi, kigira ovohonyi vwange ku munyi voveeye ahimbi kuza, na ovohonyi vwange vulalang'aminywa vwangu ligali.

Isaya 57:15

“Inzi mbeeye Nyasaye oveeye igulu kandi mutakatifu, omenya mihiga ni mihiga. Inzi menyaa havundu haveeye igulu kandi hatakatifu. Kandi menyaa harara na vandu avahocha kandi aviganiri, kunangwa nduuki kuvilanyira kelemamwoyo chavo kandi mbiki zinguru mu lisuuvira liavo.

Isaya 60:21

Avandu vinyu vosi valava avalungi, kandi valavugula miandu ji kivala chavo mihiga ni mihiga. Inzi ndaavaleta kandi nimbaviiki mu kivala yiki; ndakora ndio kandi nduuki kukuminywa.

Isaya 61:11

Kuli ivitagwa vitomboka ma viviruka, Yahova Nyasaye alaleeta uvulungi kandi lizominywa imbiri Mwami Munene Yahova alahonyia avandu veve, kandi zihiiri ziosi zilamwizominya.

Isaya 61:3

Yahova yanduma kuhaana uvusangari kandi uvuyanzi havogono hi lisioma, ku yavo avaveeye mu Ziyoni. Kandi kuhaana lwimbu lwu kwizominya havogono hovoveleri. Valava kuli misaala ja Yahova mwene umali kusimika, vaduuki kokora agaveeye amalungi; kandi vaduuki kwizominya Nyasaye kugoosi agaamali kuvakolera.

Isaya 66:1

Yahova avoora, “Ligulu liveeye endeve yange yu vwami na lirova liveeye endeve yukuviika ku virenge viange. Kunangwa mulanyumbakira inyumba ya lugano ki; havundu hange hokomenya halava ha lugano ki?

Jeremia 23:5

Yahova avoora, “Ku ing'inga yiza lwa nandovole mwami mulungi mu kisukururwi cha Daudi. Mwami mwene oyo nayamiihi novogeri kandi yaza akole agaveeye malahi kandi malungi mukivala choosi.

Jeremia 23:6

Lwaveeye mwami, avandu vi Ivuyuda navahone, kandi avandu va Isiraeli navamenye mumirembe. Kunangwa navamuguliki ‘Yahova muhonyi wiitu.’ ”

Jeremia 31:23

Yahova Wuvunyali, Nyasaye wa avandu va Isiraeli avoora, “Lwa naziranyie avandu mukivala chavo, vaza viraniri kovora mukivala chi Ivuyuda kandi namadaala gayo gene, ‘Yahova agaasizi kiguru kitakatifu cha Jerusalemi, havundu hatakatifu ahamenyaa.’

Danyeli 4:37

“Kalunu, Inzi Nebukadineza ndizominya, nimbana luyali kandi nu vukumi ku mwami wu mwigulu. Vuli kindu choosi chakolaa keveeye kilungi kandi chi likalaga lirungi, kandi agehizaa vuli mundu woosi oveeye ni liegingira.”

Varumi 11:26

Kandi nindio vandu va Isiraeli vosi valihonywa. Kuli Mang'oda Matakatifu gavoora, “Muhonyi alatula Ziyoni, kandi alatuliza uvudamanu vwosi kutura ku visukululwi vosi via Yakobo.”

Varumi 3:26

Gaali kololekiza ku ing'inga ya lero ndi, Nyasaye mwene aveeye mulungi, kandi akolaa uyu oveeye ni lisuuvira mu Yeso kuva mulungi.