Isaya 32:2 - KITABU KITAKATIFU

² Vuli mulala kuvo alakave kuli chukwikinga kutura kumbuuza kandi havundu hu kwivisa kutura kumbula yikiihi. Valakave kuli migera ja mazi jiturukaa kutura mu changarangwi, kandi kuli chiriri chu lwanda lonene mu kivala kitaveeye ni liama.

Isaya 32:2 Iomraidhean Croise

Zaburi 143:9

O, Yahova, nziza ku ivi osoore, ombonyie kutura ku vasigu vange,

Zaburi 32:7

O, Yahova Ivi oveeye havundu hange hu kwivisa, ulambonyia kutura mu vudinyu vwange vwosi. Ndimba vudinyu zinyimbu ziu kwizominya ovohonyi vuvwo kigira ukingaa inzi.

Zaburi 63:1

O, Nyasaye, ivi oveeye Nyasaye wange. Na inzi ngwenyererizaa nu mwoyo gwosi. Mwoyo gwange goveeye nuvuluhu vonene ku ivi. Liiva liange liosi liegombanga ivi kuli kivala ichumu, kuli ichangalangwe chegombaa amazi.

Zaburi 91:1

Uyu omenya isi wi likingwa lia Nyasaye oveeye Igulu Ligali, uyu omenyaa isi wi chiriri cha Yahova Wuvunyali,

Isaya 12:2

Nyasaye aveeye muhonyi wange; ndamusuuvira, kandi sindatia mba. Yahova Nyasaye aveeye zinguru ziange kandi lwimbu lwange; aveeye muhonyi wange.

Isaya 16:3

Vavoolera avandu vi Ivuyuda, “Mukovolere icha kokora. Mukukingi kuli musaala guhaanaa ichiriri kikindu mu vuhiu, inyinga yu mbasu hagati, na muleke kosose muchiriri chienyu. Kunyi koveeye avahaali, mukuvisi humundu atakonyoola.

Isaya 25:4

Avadaka navatiinyalizaa virukiyi ku ivi na vahoni mu zing'inga ziuvudinyu. Uvahezaa likingwa kutura kumbula yi imbuza enene kandi ichiriri kutura ku vuhiu vwi liuva. Avandu valulu vatulira kuli imbuza enene yu vukindu,

Isaya 28:17

Likalaga lirungi lilava mugoye gwi kibimu chu musingi na uvusuuvirifu vulava kibimu chi kabiro yagwo.” Imbura yamagina ileeya ovovehi vwosi vwa musuuviraa mu na migelera gilononyia liekinga lienyu liosi.

Isaya 41:18

Ndakakole migera ja mazi kwituruka ku vigulu viumu viosi, kandi visenukiru via mazi kwituruka hagati ha mavoona. Ndakagilunganyie changarangwi kugwa madavalia ga amazi, kandi ndagilung'anyia vivala viumu kugwa visinukiru via amazi.

Isaya 43:19

Heenzi kindu kihia icha nziza kokora. Chekoleka kalunu, na munyi munyala kokelola kalunu! Ndalomba inzira mwigendanyama, nukusinukiza migera mu changalangwi.

Isaya 43:20

Kali zinyama ziumbulimu zilamba uluyali; ivivwi na mavudu vilanzizominya, lwa ngola migera kuvitira mu changalangwi ukuhaana mazi ku avandu vange vatovole.

Isaya 44:3

“Ndahaana mazi ku yavo avaveeye nuvuluhu. Kandi ndakora migera ja mazi kogenda ku kivala chumu. Ndahaana Roho wange ku vana vovo, kandi ndahaana uvugasu vwange ku visukululwi vivio.

Isaya 7:14

Kigira yaga, Yahova mwene alamuha kelolero: Henza, mukaana mugima alavereka na alivula mwana muyaayi na alamugulika lieta ‘Imanueli’!

Isaya 9:6

Mwana wivuliiywi ku kunyi! Koheveeywe mwana muyaayi! Naye alakave mwamihi wiitu. Alalaangwa, “Wokogenyia, umwideeri,” “Nyasaye Wuvunyali,” “Baba wimihiga ni mihiga,” “Mwami wi mirembe.”

Jeremia 33:14

Yahova avoora, “Ing'inga yiza lwa inzi ndiduukiza lilagana liange liandalomba ku avandu va Isiraeli ni Ivuyuda.

Lisyoma lya Jeremia 4:20

Avasigu viitu vagumira uwaali kuli kisinukiru chi livamwoyo lietu, umwami wa Yahova yaali natovoye, kandi wakwali kwamusuvira alakukinga kutura ku avasigu viitu.

Zekaria 13:7

Yahova Wuvunyali avoora, “O, kivavi, vuka ulwaane mwayi wange! Oveeye ahimbi ni Inzi! Kuya mwayi uyu, na magondi galasalanywa. Inzi ndalwaana vimeme viago.

Yohana 7:37

Ku lidiku liu kumaliriza nalio ni lidiku linene lie lisavo. Lidiku yilio Yeso yasingira navoora nu mwoyo munene, “Oveeye nuvuluhu yaaze ku inzi nainzi ndamuha ichukunwa.

Likunula 22:1

Engelosi yamanyia kandi umugera gwa amazi gi livamwoyo, amalengeeru ligali, gasinukaa mundeve yu uvwami vwa Nyasaye kandi yu Mwana wi Ligondi.