Isaya 32:14 - KITABU KITAKATIFU

¹⁴ Kali inyumba yu vwami ilakalekwe, kandi lidaala liveeye linene ligali lilakang'anywi. Hango ho vomenyo kandi, minaara jaavakinga vilava amang'anye mihiga ni mihiga. Zibunda ziu mumulitu zilagendagenda mu, kandi amagondi galakanyole yo uvwayiru.

Isaya 32:14 Iomraidhean Croise

2 Avami 25:9

Yasamba Litembeli lia Yahova, inyumba yu vwami, harara ni zinyumba zia avandu vanene mu Jerusalemi,

2 Kyetsinyinga 33:14

Inyima wa yaga, Manase yameda kwumbaka uvutambi igulu wi lidigi lie chova ku lovega lwi Ivugwi lwi Lidaala linene lia Daudi, kutura havundu mu livona ahimbi ni kidaho cha Gihoni ivaale wi Kirivwa chi Zisuzi kandi havundu hi lidaala linene ahalangwa Ofeli. Yavika kandi munene wi liihi mu vuli lidaala linene liumbakirwa zimbinga lie Ivuyuda kuliliinda.

Nehemia 3:26

na vatumikiri vumulitembeli avamenyaa ku kagulu ka Ofeli vumbaki vuhia kuduuka havundu hahenza Kirivwa cha Mazi kuzia ivugwi kandi munara gwayeka ichova.

Zaburi 104:11

Kunangwa zinyama ziu mu vulimu ziduuki kunwa amazi yaga; kandi zibunda ziduuki kunwa amazi no kogotiza uvuluhu.

Isaya 22:2

Avandu vi lidaala linene liosi vaveeye ni lihanzuka kandi liyoga liu vusangali vonene. Avasaza vinyu vakuzira mu vulwani yivu sivakuza nivalwana mba.

Isaya 24:10

Vindu viagoyana mu lidaala linene, vuli mundu yihaniyi munyumba avuli kusalilizwa.

Isaya 24:12

Lidaala linene lilekeywe mu vwoneku uvwere, na virivwa vialio vivunagiywi.

Isaya 25:2

Umali kokora madaala manene kuva mang'anye nukwononyia zimbiga ziago. Zinyumba ziuvwami zia vasigu viitu vumbaka zituliho mihiga ni mihiga.

Isaya 27:10

Lidaala linene liembinga litigaye mang'anye. Liing'anyiywi kuli ligendanyama iliere. Ligwiyi uvwayiru vwi mitugu, aha ginyala kososera nukwaaya.

Isaya 3:26

Avalindi vu mu virivwa viavo valakaliri nu kusioma. Lidaala linene lia Jerusalemi lilatigala liere, kuli mukali walekwa yikaye hasi naveeye chahonyo.

Isaya 5:9

Inzi mali kuhulira Yahova Wuvunyali navoora, “Ligali zinyumba ziosi ziveeye zinene kandi zindahi ligali zilatigala mang'anye. Mundu sialamenya muzio kali mulala mba.

Isaya 6:11

Ndaateva, “O, Yahova, yaga galava kuli ndi kuduuka ing'inga ki?” Yativura, “Kuduuka lwa madaala manene gadivizwa ligali nokokorwa hazwa, kuduuka lwi zinyumba zitigala vugira mundu, kandi kuduuka lwi kivala chene kidivizwa ligali.

Isaya 7:23

“Lwa ing'inga yeyo iliduuka, vuli mulimi gwi vizabibu vilahi, vuli mulala ni mizabibu elefu ndala, iviali nuvuguli vwi vidonye viefeza elefu ndala, vuli kilala kilakunikwa nulutavati kandi na mafwa givigunzanguva.

Jeremia 14:6

Zisukiri ziu mu vulimu zisingiraa ku zindongozi zie vigulu kandi zigamulaa mwika kuli vivwi. Zimoni zia zio si zilolaa vulahi mba, kigira si ziveeye ni chukulia mba.

Jeremia 33:4

Inzi Yahova Nyasaye wa avandu va Isiraeli, mboraa ndi, ndasambura zinyumba ziosi zia Jerusalemi kandi ni zinyumba ziu vwami zie Ivuyuda lwa avandu va Babiloni vavakumberiza kandi vavingilira.

Jeremia 52:27

mukivala cha Hamazi. Hene yaho, mwami yalaga vakuywi ma viitwi. Kunangwa avandu vi Ivuyuda vaahirwa ihale mu vuhambe kutura mukivala chavo.

Jeremia 6:5

Kulingilira havudiku; kuladiviza zimbinga zielidaala.”

Hosea 2:3

Niiva si alaleka mba, ndamutuliza zinguvu atigale chahonyo kuli yiivulwa. Ndamukora ave kuli changalangwe kandi kuli kivala chumu, kandi alakuza kigira uvuluhu.

Mika 3:12

Kunangwa, kigira munyi, Ziyoni ilalimwa kuli umulimi, Jerusalemi lilava kitumi cha amang'anye na kiguru chi Litembeli kilagwa umulitu.

Zefania 2:15

Yaga nigo galiekoleka ku lidaala liu kwigingira kigira zinguru zialio, niliganagana ndi liveeye mu mirembe. Avandu vi lidaala yili vagagana ndi lidaala liavo liveeye linene ligali mu kivala. Lidaala yili lilakave havundu haveeye vuzwa, havundu hi zinyama ziu muvulimu zilakasosere! Vuli mundu woosi ulivitira ahimbi nalio alakegose nuvuti.

Zefania 2:7

Avandu vi Ivuyuda avalihononoka valakavuguli kivala chiinyu. Valakaye mu viayo viavo uwene yeyo kandi valakagone mu zinyumba zia vandu va Ashikeloni. Yahova Nyasaye wavo alakave harara navo kandi alakavilanyiri miandu jaavo.

Luka 21:20

“Lwa mulilora Jerusalemi nilikumbiriziywi namahi, mulamanye ndi lidivizwa lialio liveeye ahimbi.

Luka 21:24

Avalala valakitwi nikivaavi, na avandi valagumirwa kuli avahambe nukuhirwa muvivala viosi. Lidaala linene lia Jerusalemi liladuvagwa na Avandu vizihiiri avatamanyi Nyasaye kuduuka lwi zing'inga ziavo ziliduukizwa.