Isaya 32:1 - KITABU KITAKATIFU

¹ Lidiku lilala alakaveho Mwami uliamiihi ni likalaga lirungi, kandi aviimiliri vizihiiri valakimiliri nu vulungi.

Isaya 32:1 Iomraidhean Croise

2 Samweli 23:3

Nyasaye wa Isiraeli umali komoloma; mukingi wa Isiraeli yambolera: “Mwami wamihaa nuvulungi, uwamiha mu liitia Nyasaye.

Zaburi 45:1

Mwoyo gwange gwizuuyi makuva malahi, ulwa ndohizaa kandi kuhandika lwimbu yilu ku mwami. Nyimbiraa umwami lwimbu yilu, lulimi lwange lwetegeki kwimba lwimbu lulahi, kuli ikalamu yu mung'odi mulahi.

Zaburi 99:4

Ivi oveeye mwami wizingulu ligali uyanzaa agaveeye malungi; umali kusingiriza likalaga lirungi mu kivala cha Isiraeli; umali koleta vulungi kandi likalaga lia giligali vugira liyaanzilira.

Isaya 11:4

Alakalagira avadaka nuvulungi kandi alakinga avatinyaliza nuvulungi. Ku likuva lie lilaga lilie, avandu valahevwa mageri, kandi avandu vadamanu valitwa.

Isaya 11:5

Alamiiha avandu veve nuvulungi kandi nu vusuuvirifu.

Isaya 16:5

Maku mulala ku visukululwi via Daudi alava mwami, kandi alamiiha avandu nu vusuuvirifu kandi nuvuyanzi. Alava mwangu kokora agaveeye malungi, kandi alalola ndi likalaga liuvulungi likoleywe.

Isaya 28:6

Alakahaane zing'anagani zie likalaga lirungi ku yavo avatumikaa kuli vakalagi, na uvuluviliri ku yavo avakingaa virivwa via madaala manene kutura ku lingilirwa.

Isaya 33:5

Yahova aveeye munene ligali! Yamiha vuli kindu. Alahana ku Jerusalemi likalaga lirungi kandi nuvulungi

Isaya 4:6

Vukumi vwivwe vulaleta chiriri ing'inga yu muvasu mululu gwi lidiku, kandi halava havundu hu kwilukira ing'inga yi imbura kandi yi chihi.

Jeremia 33:14

Yahova avoora, “Ing'inga yiza lwa inzi ndiduukiza lilagana liange liandalomba ku avandu va Isiraeli ni Ivuyuda.

Jeremia 33:15

Ing'inga yene yeyo ndakatovole kisukururwi kilungu cha Daudi kuva umwami. Mwami oyo alakakole agaveeye amalungi kandi likalaga lirungi mukivala choosi.

Ezekieli 37:24

Mwami kuli mutumikiri wange Daudi naave mwami wavo. Vosi valakave nu mwami mulala kandi navatie malago gange Mu vusuuvirifu.

Hosea 3:5

Navuzwa ing'inga yiza lwa avandu va Isiraeli valakagirung'ane nukuzia ku Yahova Nyasaye wavo, kandi ku kisukururwi cha Daudi mwami wavo. Maku valatie Yahova kandi valakanyore vihaanwa vivie vilahi.

Zekaria 9:9

Musangare, musangare, avandu va Ziyoni! Muhanzuki kigira vuyanzi, munyi avandu va Jerusalemi! Henza, mwami winyu yaazaa ku munyi! Yaazaa ni kivigu kandi liguuta, navuzwa aveeye muhooma kandi aniini ku ibunda; kemoli chi ibunda, chivuliywi ni ibunda.

Varumi 5:21

Kuli vwoni vwamiiha ku lileeta likuza ku vandu, kandi ndio iliamiiha lie zimbavasi zia Nyasaye kuvitira mu vulungi lilakwimilira kuduuka mu livamwoyo litahera mba, kuvitira mu Yeso Kristo, Mwami wiitu.

Likunula 17:14

Avami likomi zana harara ni king'ang'a valalwaana Mwana wi Ligondi, navuzwa Mwana wi Ligondi, harara na valondi veve, avayalanga, avayatovola kandi avasuuvirifu; alavaguuta kigira aveeye Mwami wa avamihi.”

Likunula 19:11

Maku ndaalora ligulu ni liigulikaa; kandi ndaalora, ibarasi indavu. Muhiri wayo alangangwa Umusuuvirifu nu wi Ligali. Akalagaa kandi muvulungi kandi alwaana iliihi lilie.