Isaya 31:8 - KITABU KITAKATIFU

⁸ Avandu va Asiria si valitwa ni kivavi chu mundu mba, navuzwa valitirwa mu vulwani. Avandu va Asiria valiruka kutura mu vulwani, na avasoleri vaavo valagumirwa nokokorwa vatugwa.

Isaya 31:8 Iomraidhean Croise

Litanga 49:15

Yalora ndi havundu yaho haali halahi hokososera, kandi kivala yicho chaali kilahi. Kunangwa yinaminya lilikuu lilie kandi navugilira kuva mutugwa ku miyinzi ju kunigwa.

2 Kyetsinyinga 32:21

Yahova yatuma engelosi iyiita avasikari vosi na vanene vi iliihi lia Asiria kali na vanene vu mwami. Kunangwa mwami Senakeribu yirana Asiria mu zisoni zinyingi. Lidiku lilala lwa yazia mu litembeli liu munyasaye weve, valala ku vayaayi veve vamwita nivivavi viavo.

Isaya 10:12

Navuzwa Yahova avoora, “Lwa inzi mala miyinzi jange ku kiguru cha Ziyoni ni mu Jerusalemi, ndahaana amageri ku mwami wa Asiria kigira lielola lilie liosi kandi liegingira lilie liosi.”

Isaya 10:25

Ku ing'inga engekeeke, lihaana mageri liange ku munyi lilahera, maku ndavadiviza.

Isaya 14:2

Zihiiri zindi zinyingi zilakonya avandu va Isiraeli kwirana mu kivala icha Yahova yavaha. Hene yaho, zihiiri zindi zilatumikira avandu va Isiraeli kuli avatugwa. Yavo avaari ni vagumira avandu va Isiraeli, kalunu Isiraeli ilavagumira, na vandu va Isiraeli valamiha ku yavo avavadambizaa ing'inga yindi.

Isaya 14:25

Ndadiviza avandu va Asiria avaveeye mu kivala change cha vandu vange Isiraeli, kandi ndavaduvagira hasi ku vigulu viange. Ndahaana vovoholore ku vandu vange kutura ku iniira ya avandu va Asiria, kandi ndatuliza misigo miliduhu kutura ku mavega gaavo.

Isaya 17:13

Mahi gi zihiiri gaaza kuli muriviti gwa mazi manene, navuzwa Nyasaye alagagondokera nago galiirukira ihale ligali. Galakungwa kuli mukuuzi ku vigulu imbiri wi imbuza ihuuzaa; valakungwa kuli luguki luhilwa ni kihuzuzi.

Isaya 21:15

Avandu virukaa vaduuki kohononoka kutura ku vivavi vimali kwetegeka kuviita kutura ku uvuta vwetegeki kulasa, kutura ku vuhimwa vwosi vwi liihi.

Isaya 27:7

Yahova akiri kuhaana mageri malulu ku Isiraeli kuli yahaana ku vasigu vaavo, kandi vakikiri kogotiza vasaza vanyingi mu vulwani kuli vasigu vaavo vagotiza.

Isaya 29:5

Jerusalemi, vageni vosi vakwingilira valahuuzwa ihale kuli luguchi, na amahi gaavo gukutihiza galatura ihale kuli mukuuzi. Nonoho vugira kumanya,

Isaya 33:1

Kivi keveeye kumunyi avadiviza, na munyi aveene mukikiri kudivizwa; munyi avagaadi vu mundu akikiri kumugadaa. Lwa mumala kolekera kudiviza mulakadivizwi kandi lwa muduuka ku keheri chu vugadi, munyi kandi mulakagadwi.

Isaya 37:7

Yahova alakola mwami wa Asiria kuhulira ulusuma ulwazalumukole yirane mu kivala chiche mwene, kandi Yahova alamukola yiitirwi yo.’ ”

Isaya 66:16

Yahova alaleeta likalaga lilie liu muliru kandi alahaana amageri gi kivavi ku vandu vosi. Yavo ava Yahova aliita valava vanyingi.

Jeremia 46:10

Yili nilidiku liu Mwami munene Yahova Wuvunyali: kalunu alavaanza kisaalia; kalunu alahaana amageri ku avasigu veve. Kivavi chiche kilavalia kuduuka lwa chizula, kandi kilanwa masahi gaavo kuduuka lwa chiguta. Kalunu Wuvunyali alahaana kisiuviriru mu kivala chi Ivaale ku mugera gwa Efurate.

Ezekieli 21:28

“Mwana wu Mundu, oporofete. Ulandizi aga Inzi, Yahova Wuvunyali, mbolera avandu va Amoni avanyegaa vandu va Isiraeli. Uvavoolere: ‘Kivavi chetegeki kwita; kishagaliywi, kehemahemaa kuli loheni.

Hosea 1:7

Navuzwa ndava nuvuyanzi ku avandu vi Ivuyuda. Inzi Yahova, Nyasaye wavo, ndavahonyia, navuzwa si ndavahonyia nu vuta, anoho ni kivavi, anoho nu vulwani anoho ni zibarasi kinga navasaza vi zibarasi mba.”