Isaya 31:1 - KITABU KITAKATIFU

¹ Avandu vazizaa Egebeti konyoora ovokonyi vaveeye mu kivi! Vasuuvira mu liihi lia Egebeti lie zinguru, lie zibarasi ziu kunina ku lia magare gu vulwani kandi lia vasikari. Navuzwa si vasuuvira mu Yahova, Nyasaye Mutakatifu wa Isiraeli mba, anoho si vateevaa ovokonyi kutura kuye mba.

Isaya 31:1 Iomraidhean Croise

Litanga 47:17

Kunangwa valetera Josefu mitugu jaavo, kandi yavaha viukulia kigira zibarasi ziavo, magondi, zimburi zing'ombe kandi ni zibunda ziavo. Muhiga yigwo yahaana viukulia kigira mitugu jaavo josi.

2 Kyetsinyinga 16:7

Ing'inga yene yeyo, muporofeti Hanani yazia ku mwami Asa navoora, “Kigira wesedemaa ku mwami wa Siria na nuvula kwesedema ku Yahova Nyasaye woovo, iliihi liu mwami wa Isiraeli liahononoka kutura ku ivi.

2 Kyetsinyinga 16:9

Zimoni zia Yahova zihenzaa havundu hoosi mu lirova liosi. Yahova ahaanaa lidinyiriza ku yavo avaveeye vasuuvirifu kuye. Kuyaga goosi, wakola uvudamanu, na kutura kalunu ulamenya mu, vulwani.”

Ayubu 39:11

Unyala kugisuuvira kigira zinguru ziayo ziveeye zinyingi? Unyala kugelekela miyinzi jijo miliduhu ekokolere?

Zaburi 20:7

Avalala vasuuvira mu magare gaavo gu vulwani na avandi vasuuvira mu zibarasi ziavo, navuzwa kunyi kusuuviraa mu zinguru zia Yahova Nyasaye wiitu.

Isaya 10:17

Nyasaye, uvulavu vwa vandu va Isiraeli, alava kuli umuliru. Nyasaye Mutakatifu wa Isiraeli alagwa olomemo, ulusaamba vindu viosi kali amafwa kandi zindavati mu lidiku lilala.

Isaya 2:7

Kivala chavo chizuuyi ifeza kandi izahabu, na keheri sikeveeye ho ku mavikiru gaavo mba. Kivala chavo chizuuyi zibarasi zinyingi, kandi keheri sikeveeye ho ku magare gaavo gu vulwani mba.

Isaya 20:5

Yavo avaari ni lisuuvira mu Ezopia, kandi avigingiraa kigira Egebeti, valava nuvuti kandi ni zisoni ligali.

Isaya 22:11

Kandi mwalomba Lidavalia lia amazi ilihia hagati hi lidaala linene, liduuki kuva na mazi kutura mu lidavalia lia kale. Navuzwa si mwenya kuhulira Nyasaye uwalohiza yago goosi kokoleka mu madiku ga kale.

Isaya 30:16

Muvogono yivwo, mulohiza kwiruka kutura ku vasigu vinyu ni munini ku zibarasi ziruka zimbiru ligali. Kandi muveeye vulahi kwiruka nigo aga mwenyeka mukore! Muganaganaa zibarasi zienyu ziveeye ni zimbiru ligali navuzwa avamulondelaa valakave nizimbilu kuvita zienyu.

Isaya 36:6

Uganaganaa vandu va Egebeti valaza kukokonya, navuzwa yaga galava kuli utumikira kidundu chavunika kuva imbimbu yokogendela, kilavunika kandi kilatooza mukono gugwo. Nindio mwami wa Egebeti aveeye ku uyu woosi usuviraa muye ovokonyi.

Isaya 36:9

Munyala ndi kweleng'anyia nu mutumikiri oveeye nidalaja ya hasi ligali mu vutumiki vwa Asiria, lwa munyi aveene muganaganaa umwami wa Egebeti amuletere magare gu vulwani, na vasaza vi zibarasi?

Isaya 43:15

Inzi mbeeye Yahova, Nyasaye winyu Mutakatifu. Inzi ndalomba munyi, avandu va Isiraeli, kandi mbeeye mwami winyu.”

Isaya 5:12

Mu lilia lienyu musangalaa nimukuba uvukana, amadungu, amarere, kandi zisugudi, kandi ni munwa iwaini. Navuzwa simuveeye ni limanyiriza miyinzi ja Yahova Nyasaye akola mba.

Isaya 57:9

Mwivakaa amarashi namaguta gafunyaa umwayu ma muzia kusigamira umunyasaye Moleki. Mutumaa avatumwa venyu kuzia ihale na himbi, kali kuduuka mu kihadisi ukwenya avanyasaye va musigamira.

Isaya 64:7

Siaveeye ho mundu kali mulala usaala ku lieta liilio mba, anoho mundu kali mulala uzaa ku ivi anyoore ovokonyi mba. Ivi umali kwivisa kutura ku kunyi kandi umali kokoleka kigira uvwoni vwitu.

Isaya 9:12

Siria ku lovega lwi ivugwi kandi Filisitia ku lovega lwi madioli vakunuyi minwa jaavo ukumila Isiraeli. Na kali ndio, uvutima vwa Yahova vukikiri kuduuka ku kiheri; akinyiiyi vuzwa mukono gwigwe ukuhaana mageri.

Isaya 9:13

Avandu va Isiraeli vakikiri kwiganira; kali niiva Yahova Wuvunyali uvaheeye mageri, vakikiri kwirana kuye.

Jeremia 17:5

Yahova avoora, “Ndakalagira oyo ugirung'anaa kutura ku inzi, kandi usuviraa mu mundu, kandi mu zinguru zizie.

Jeremia 2:13

kigira avandu vange vamali kokora uvwoni vuviri. Vamali kugirung'ana kutura ku inzi, oveeye kisinukiru cha amazi gi livamwoyo, kandi vamali kuyava amadavalia gaavo, amadavalia gafuduka kali agatanyala kugumira amazi.

Jeremia 37:7

mbolere Zedekia ndi, “Liihi liu mwami wa Egebeti liveeye nuvuha kokokonya, navuzwa lilirana yengo.

Jeremia 42:14

kandi muvooraa, kunyi kulazia komenya mukivala cha Egebeti, wanakuvuli kolola iliihi, anoho wanakuvuli kuhulira mwoyo gwi kisiriva anoho wanakuvuli kuva ninzara yi chukulia mba.’

Ezekieli 17:15

Navuzwa Mwami wi Ivuyuda yibaala kandi natuma avatumwa kuzia Egebeti koleta zibarasi harara ni liihi lia vandu vanyingi. Alaguuta? Mundu okolaa vindu yivi anyala kohononoka? Anyala kuvunaga lilagano ma avuli konyoora mageri?”

Ezekieli 29:16

Avandu va Isiraeli si naverede kumunyi kigira vokonyi mba. Lidivizwa lia vandu va Egebeti nalizulizi avandu va Isiraeli ndi, vaakora vudamanu kwereda ku vandu va va Egebeti. Maku avandu va Isiraeli navamanye ndi Inzi mbeeye Yahova Wuvunyali.”

Danyeli 9:13

kuli ga ng'odwa mu malago ga Musa, kivi yiki choosi chaduuka ku kunyi, navuzwa si kwayaanza ivi Yahova Nyasaye mba. Si kwagirung'ana kutura muvwoni nokolonda agaveeye giligali googo mba.

Hosea 11:5

“Vasuura kwirana ku inzi, na kulwayago kuduuka viirane Egebeti, kandi mwami wa Asiria alakavamiihi.

Hosea 11:9

Inzi si ndamuha mageri mu vutima vwange mba. Sindadiviza avandu va Isiraeli kandi mba. Inzi mbeeye Nyasaye na si mbeeye umundu mba. Inzi, oveeye Mutakatifu mbeeye ni munyi. Si ndaza ku munyi nu vutima mba.

Hosea 14:3

Avandu va Asiria si valakohonyia mba; zibarasi ziu vulwani si valakukinga mba. Si kulavoolera vifananyi vietu kandi ndi ‘Munyi muveeye Nyasaye wiitu mba.’ O, Yahova, okoveere zimbavasi kigira si koveeye nuwundi mundu wakuzia ku mba.”

Hosea 7:7

“Mu uvutima vwavo vululu vita avanene vaavo. Vami vaavo vamali kwitwa, navuzwa siaveeye ho kali umundu mulala usaala ku inzi kigira ovokonyi mba.”

Habakuk 1:12

Yahova, ivi oveeye Nyasaye kutura mu litanga. Oveeye Nyasaye wange mutakatifu kandi wi mihiga ni mihiga. Oveeye Yahova Nyasaye wange kandi mukingi wange; ivi umali kotovola vandu va Babiloni kandi uvaheeye zinguru vaduuki kuhaana mageri ku kunye.

Habakuk 3:3

Nyasaye yaazaa kutura Edomu kandi; Nyasaye mutakatifu yaazaa kutura mu vigulu via Parani. Vukumi vwivwe voveeye mwigulu; kandi kivala keveeye ni lizominya lilie linyingi.

Zekaria 10:5

Avandu vi Ivuyuda valakaguuti kuli vasikari vaduvagira vasigu vaavo mu madohi gizinzira. Valakalwaane kigira Yahova aveeye harara navo, kandi valakaguuti kali avasigu valiva ku zibarasi.

Kwidzulitsa 17:16

Mwami atava ni zibarasi zinyingi zie liihi lilie mba, kandi atatuma avandu Egebeti kuzia kugura zibarasi zimeedeke mba, kigira Yahova umali kovora ndi avandu veve vatirana yo kandi mba.

Kwidzulitsa 20:1

“Lwa muturaa kuzia mu vulwani na vasigu vinyu kandi mulole magare gu vulwani, ni zibarasi kandi avasikari vi liihi avanyingi kuvita avinyu, mutavatia mba. Yahova Nyasaye winyu, uwamutuliza mukivala cha Egebeti, alava harara nimunyi.