Isaya 30:9 - KITABU KITAKATIFU

⁹ Avandu yava vibaaraa ku Nyasaye vuli kazozo, vaveeye vana vuvugadi, avana valivula kuhulira miigizu ga Yahova.

Isaya 30:9 Iomraidhean Croise

2 Kyetsinyinga 33:10

Yahova yiganihiza Manase na avandu veve, navuzwa vasuura kuhulira.

Zaburi 78:8

Sivalava kuli avaguuga vaavo mba, avandu vi liebaala kandi avatahuliraa; avi lisuuvira liavo mu Nyasaye siliali lidinyu kali hakuzu mba, kandi sivali avasuuvirifu kuye zing'inga ziosi.

Zaburi 81:12

Kunangwa ndaavaleka vazie mu zinzira ziavo zie kilage, Nokolonda zing'anagani ziavo aveene.

Tsing'ano 28:9

Niiva siulatia malago ga Nyasaye, sialavugilira lisaala liilio mba.

Isaya 1:10

Jerusalemi, avamihi vovo na vandu vovo vaveeye kuli avandu va Sodoma na Gomora. Muhuliri aga Yahova amuvoleraa. Mutegize amatu ku aga Nyasaye wiitu amwigizaa.

Isaya 1:2

Yahova yavoola, “O, munyi lirova ni ligulu, muhuliri cha mboraa! Avana va ndaavirukiza vamali kwibaala ku inzi.

Isaya 1:4

Munyi mudivi, ihiiri yuvwoni, yuvwoneku kandi avandu vadamanu! Munyi muveeye avandu vataveeye avasuuvirifu. Munyi mumali koleka Yahova Nyasaye Mutakatifu wa Isiraeli nu kumusuura.

Isaya 10:5

Yahova yavoola, “Ivi Asiria! Ndumikila avandu va Asiria kuli imbimbu kuhaana amageri kuyavo avambeeye nu vutima navo.

Isaya 10:6

Nduma avandu va Asiria kuzia kwingilira ihiiri ya vandu vataveeye na Nyasaye, avandu vaangora kuva nu vutima. Mbatumaa kuzia kulanya nu kwiva kandi kuduvagira vandu hasi kuli madohi kuzinzira.”

Isaya 24:5

Avandu vononyi lirova mu livunanyia lilaga lia Nyasaye kandi kuvula kolonda lilaga lilie liayalomba kuva ho mihiga ni mihiga.

Isaya 28:15

“Mwiyizominyaa ndi mwalomba lilagana liuvuhambani ni likuza, mwalomba livugilirizana ni kivala chavakuzu. Lwikivi kiiza sikilakakudiiri mba, kigira mwasuuvira mu vovehi nuvugadi kuva chukwivisamu chiinyu.”

Isaya 30:1

Yahova umali kovora, “Kivi keveeye ku yavo avamiiha Ivuyuda kigira vamali kwibaala ku inzi. Valonda liloohiza lia inzi mburi kolomba, kandi valomba livugilizana liavo vugira inzi, nivameeda uvwoni ku vundi.

Isaya 48:4

Inzi ndaamanya ndi munyi mulaloreka kuva avahindagirizi, kandi avi mitwi midinyu kuli kivia kandi mugasa.

Isaya 5:24

Kunangwa kalunu, kuli uluvuva nuvulimu vwumu vwilingaa harara nukuhia mu muliru, nindio imiri jinyu jilagunda na vimuli via mauwa viluuma nukuhuuzwa ihale ligali kigira mwamala kusuura aga Yahova Wuvunyali, Nyasaye Mutakatifu wa Isiraeli, yakwigiza.

Isaya 63:8

Yahova yavoola, “Ligali yava vaveeye avandu vange, avandu vatanyala kungada kali hakuzu.” Nandio yavahonyia.

Isaya 65:2

Inzi mali kwetegeka vuli kazozo kwingiliza wange avandu vaveeye vibaali, avagendaa kuzinzira zitaveeye zindahi, kandi avalondaa iziganagani ziavo aveene.

Jeremia 35:14

Ivisukulurwi via Jonadabu vamali kutia malago geege kuvula kunwa iwaini, kandi kuduuka na lero avulaho umundu kali mulala unwezaa iwaini mba. Navuzwa inzi nzizagilira komoloma ku munyi na simutizaa inze mba.

Jeremia 7:13

Munyi mumali kokora uvwoni yivu vwosi, kali niiva ndamoloma ku munyi haali kanyingi, navuzwa mwasuura kuhulira. Si muhugilaa lwa inzi mulangaa mba.

Jeremia 7:28

Ulavavolera ndi, ihiiri yaavo si eveeye ni liitia ku inzi mba, Yahova Nyasaye wavo mba, anoho si veenyanga kwiga kutura ku lihevwa amageri mba. Uvusuuvirifu si vuveeye muvo mba, sivunyala komolomwa ku kali hakuzu mba.

Jeremia 9:3

Vaveeye avetegeku vuli ing'inga kovora ovovehi. Kuvula kuvaho nu vusuuvirifu vwamihi ikivala kuvita uvusuuvirifu. Yahova avoora, “Avandu vange vakora uvudamanu ku vundi, kandi sivambugilira kuli Nyasaye wavo mba.”

Ezekieli 24:3

Ovoole lugano yilu ku vandu vange avamali kwibaala, ulwa Inzi Yahova Wuvunyali mali kovora kigira yavo; Uviiki inyingu kumahiga ma witimu amazi gizuri mu du.

Hosea 4:2

Valomba malagano kandi sivatwekizaa mba. Vavoola vovehi, vita, viva, kandi vakora voheyi. Zimbi ziamedeka, kandi iliitana liveeye linyingi ligali.

Zefania 3:2

Siliahuliriza Yahova anoho kuvugilira konyoora mageri mba. Si liasuuvira Yahova anoho koteeva vokonyi kutura kuye mba.

Vikolwa 7:51

Sitefano yaazizagilira kovora “Munyi ava amagoti gadinya! Mioyo jinyu na amatu ginyu gaveeye kuli aga yavo avatamanyi Nyasaye. Munyi muveeye kuli avaguuga vinyu: Munyi kandi muhingiraa Roho Mutakatifu amadiku goosi.

Kwidzulitsa 32:20

Yavoola, ‘Sindavakonya kandi mba’ kandi ndalora ichaaza chekoleke kuvo kigira vaveeye likula lie kirage, kandi sivaveeye vasuuvirifu mba.

Likunula 21:8

Navuzwa avuvuti, avatasuuvira avavihilirizi, aviiti, avaheyi, avakumu, avasigamiraa misambwa, na avavehi vosi uvwiyangu vwavo vulakave munyanza isambaa nu muliru kandi kibiriti; yilio nilio ilikuza lia kaviri.”

Likunula 22:15

Ichova ziveeye yo zimbwa, avakumu, avaheyi, aviiti, na avasigamiraa imisaambwa, kandi yava vosi avayaanzaa kovora ovovehi.