Isaya 30:7 - KITABU KITAKATIFU

⁷ Vokonyi vwa avandu va Egebeti vahaana si vuveeye kindu mba. Kunangwa mali kugulika Egebeti ‘Goyoka ogonene gutaveeye ni isumu.’ ”

Isaya 30:7 Iomraidhean Croise

Ayubu 9:13

Nyasaye sianyala kugirung'anyia uvutima vwivwe mba; yashonoranyia avasigu veve avakonya Rahabu ukuhingana naye.

Zaburi 87:4

“Lwa ndakang'ode zihiiri zimbuliraa, ndakameede ku avandu va Egebeti na Babiloni; Ndakavalizi avandu va Filisitia, Tiro na Ezopia, harara na vandu va Jerusalemi.”

Zaburi 89:10

Wasionolanyia ugunyama gonene, Rahabu nu kugwita, waguuta avasigu vovo kuzinguru zizio zinene.

Kutwula 14:13

Musa yavativulira navoora, “Mutatia mba! Musingiri vudinyu, na mulalora icha Yahova akolaa kumuhonyia: lidiku linu simulalola vandu va Egebeti yava kandi mba.

Tsing'ano 25:19

Kusuuvira mundu utaveeye musuuvirifu mu ing'inga yu vudinyu, gaveeye kuli kogeriza kulia noveeye ni linu liadengeya, anoho kogenda ne kelenge chafogoya.

Isaya 10:3

Mulakakole ki lwa Nyasaye alimuha amageri? Mulakakoleki lwa aleetaa kivi kumunyi kutura mu kivala chi ihale? Mulirukira ku vwaha konyoora ovokonyi? Mulakavise hayi vutugi vwinyu?

Isaya 2:22

Mutaviika lisuuvira lienyu mu avandu mba, kigira vaveeye kuli umwika. Vaveeye na vokonyi ki?

Isaya 20:6

Lwi ing'inga yene yeyo iliduuka, avandu vamenyi ahimbi ni lidaala lia Filisitia valakavoole, ‘Heenzi kugamali kokoleka ku avandu vakwasuuviraa vakukingi kutura ku mwami wa Asiria! Kunyi kunyala ndi kohona?’ ”

Isaya 28:12

Yahaana vosoosi ni lielemeriza ku munyi mwosi, navuzwa mwasuura kumuhulira.

Isaya 30:15

Yahova Mwami Wuvunyali, Nyasaye Mutakatifu wa Isiraeli, avooreraa avandu, “Mwirane ku inzi galaha, kandi musuuviri inzi. Nimukora ndio, mulava ni zinguru kandi mulava mulikingwa.” Navuzwa si mwenya kokora ndio mba!

Isaya 30:5

Avandu vi Ivuyuda valaduuka mu zisoni zinene kigira vaasuuvira mu ihiiri yavula kuhaana ovokonyi kuvo lwaveenya kukingwa.”

Isaya 36:9

Munyala ndi kweleng'anyia nu mutumikiri oveeye nidalaja ya hasi ligali mu vutumiki vwa Asiria, lwa munyi aveene muganaganaa umwami wa Egebeti amuletere magare gu vulwani, na vasaza vi zibarasi?

Isaya 51:9

Hamba, O, Yahova, na okokonye! Tumikira zinguru zizio na okohonyie; uzitumikiri kuli wazitumikira maziambiri. Yaali ivi uwakalaga ogoyoka gwu mu inyanza Rahabu mu vidonye.

Isaya 7:4

Umuvolere ahenzerizi kandi yiituliri na atatia anoho kukuza mwoyo mba. Uvutima vwu mwami Rezini na Vasiria veve kandi mwami Peka sivaveeye nuvuhimwa ligali kuli mwoki gwi vigenga viviri mba.”

Jeremia 37:7

mbolere Zedekia ndi, “Liihi liu mwami wa Egebeti liveeye nuvuha kokokonya, navuzwa lilirana yengo.

Lisyoma lya Jeremia 3:26

Voveeye vulahi umundu kulindilira machiriri ovohonyi vwa Yahova.

Hosea 5:13

“Lwa avandu va Isiraeli valora uvulwaye vwavo, kandi avandu vi Ivuyuda lwa valora zingwago ziavo, hene yaho, avandu va Isiraeli vazia Asiria koteeva ovokonyi kutura ku mwami munene. Navuzwa mwami munene oyo si yaali anyala kohonyia zingwago ziavo mba.