Isaya 30:32 - KITABU KITAKATIFU

³² Lwa Yahova ahaanaa amageri ku vandu va Asiria vuli ing'inga, avandu veve valimba zinyimbu nu kukuba zindumba nu vukana. Nyasaye mwene alwaana avandu va Asiria.

Isaya 30:32 Iomraidhean Croise

Litanga 31:27

Kigira ki nungada kandi niwiruka mu vwivisu vugira kombolera? Ulava niwaambolera, ngano ndaakusiivula nuvusangali, nukwimba zinyimbu harara nu vukana kandi amarere.

2 Kyetsinyinga 32:8

Oyo aveeye nizinguru ziu mundu, navuzwa kunyi koveeye na Yahova Nyasaye wiitu, kokokonya, ukulwaanira uvulwani vwitu.” Avandu valuvilirizwa ligali namakuva gu mwami wavo.

Ayubu 16:12

Inzi ndaali nemenyi mu murembe, navuzwa Nyasaye yavugula ku ligoti liange, naalivunaganyia mu vidonye, ni yambika kuva ninzi wayenya alase,

Isaya 10:24

Mwami munene Yahova Wuvunyali avooreraa avandu veve vamenyi mu Ziyoni ndi, “Mutatia kigira avandu va Asiria mba, kali niiva vamudambizaa kuli avandu va Egebeti vamudambizaa.

Isaya 10:26

Inzi Yahova Wuvunyali, ndavakuya ni imbimbu yange kuli ndaakuya avandu va Midia ha lwanda lwa Orebu. Ndahaana amageri ku vandu va Siria kuli ndaakola ku vandu va Egebeti.

Isaya 11:15

Yahova alakaminya amazi mu mukono gwi inyanza ya Egebeti, kandi alaleeta imbuza imbiu kukaminya mugera gwa Efurate. Alagwavukanyia mu togera saba, kunangwa avandu vaduuki kwambuka.

Isaya 19:16

Ing'inga yiza, lwa avandu va Egebeti valakave nuvuti kuli vakali. Valakadegere nuvuti lwa valilola ndi Yahova Wuvunyali umali kunyiira mukono gwigwe nukuhaana kuvo amageri.

Isaya 2:19

Avandu valakingiri mu zimbangaywa zia magina gi vigulu, kandi mu malina gu mu lirova kunangwa vahononoke kutura ku vutima vwa Yahova, kandi kwivisa kutura kuzinguru zizie nu vukumi vwivwe, lwa yaza kodegeriza lirova.

Isaya 24:1

Henza, Yahova azizaa kudiviza lirova nukulikola hazwa. Alagirung'anyia lirova nukusalanyia vandu vamenya mulio.

Isaya 24:8

zinyimbu ziuvusangali ziuvukana kandi zie zindumba zikiring'ani.

Isaya 30:29

Navuzwa munyi avandu va Nyasaye, mulimba zinyimbu ni musaangara kuli mukoraa mu ing'inga yu vudiku vwe lilia litakatifu. Mulimba ni musaangara kuli mundu agendaa kunzira niyimba nilirere kuzia mu Litembeli lia Yahova, mukingi wa avandu va Isiraeli.

Isaya 31:4

Yahova yambolera, “Kali avayi ni vahanzuka ni vakuba liyoga, sivanyala kutihiza anoho kukunga isimba kutura ku inyama ya imali kwita mba: Kunangwa, siaveeye ho nu mundu unyala kungaya inzi Yahova Wuvunyali kukinga kiguru cha Ziyoni mba.

Jeremia 31:4

Munyi avandu va Isiraeli avaveeye avuvuguli vudinyu kuli mukaana mugima inzi, kulwayago ndamwumbaka vuhia na muliyumbaka. Munyi mulavina kigira uvusangari kandi mulakuba vikuli vienyu.

Ezekieli 28:13

Ivi wamenyaa mu Edeni, mulimi gwa Nyasaye. Wiviika zinguvu zing'ano zinyingi ziu vuguli vudinyu; zinzakanyu, zia topazi, zie limasi, zie berulo, zie Sokamu, zie jasipi, zie safiro, zio vong'orang'ore, zie Saridoniki kandi zie zahabu. Zinguvu yizi zialomberwa ivi ku lidiku lia walombwa.

Ezekieli 32:10

Agandakakole ku ivi galakola zihiiri zinyingi kogenya. Avami vaavo valadegera nu vuti vunyingi lwa sung'usa kivavi change imbiri wavo. Ku lidiku lieligwa liilio, vosi valakadegere nu vuti kigira livamwoyo liavo.”

Vahebraina 12:26

Mwoyo gwigwe gwa degeriza lirova ing'inga yeyo, navuzwa kalunu umali kukusuuviriza ndi, “Ing'inga yindi kandi sindadegeriza lirova lienyine, navuzwa ligulu kandi.”

1 Samweli 10:5

Ahene yaho ulazia ku kiguru cha Nyasaye mu Gibea, wa vandu va Filisitia vasoosa. Ha vwingiliru vwi lidaala, ulavugaana nu muganda gwa vaporofeti nivasulunguta kutura ku vwali ku kiguru, nivakubaa uvukana, zindumba, amarere na madungu. Valava nivavinaa kandi nivaporofetaa.

1 Samweli 18:6

Lwa Daudi yaali niyirana inyima wu kwita Goliati, kandi lwa vasikari vi liihi vaali nivirana yengo, avakali kutura mu vuli lidaala mu Isiraeli vaatura ichova kuuza kwaganira Mwami Saolo. Vaali nivimbaa zinyimbu ziu vusangali, nivavina, kandi nivakubaa zitamburini kandi madienyi.