Isaya 30:30 - KITABU KITAKATIFU

³⁰ Avandu vosi valahulira mwoyo gwa Yahova gwilitiihiza kandi valahulira vululu vwu vutima vwivwe. Uvutima vwivwe vulava kuli olomemo lwu muliru gusambaa, kandi kuli liatuluruka lia malesi, imbura yamagina kandi imbura yizingulu.

Isaya 30:30 Iomraidhean Croise

Ayubu 38:22

“Wayingira ku mu zinyumba zia mavikiru gi likonza. Anoho walola ku mavikiru ga magina gi imbura?

Ayubu 38:23

Inzi ndaaviviika vietegekere ing'inga yu vudinyu vuduuka, kandi kigira ing'inga yu kukubana kandi yu kulwaana.

Ayubu 40:9

Oveeye ni zinguru kuli ziange? mwoyo gugwo gunyala kwatuluruka vudinyu kuli gwange?

Zaburi 2:5

Maku aviganihizaa mu vutima vwivwe nukuvatiihiza mu livihirirwa lilie.

Zaburi 46:6

Zihiiri zihumaa mu vuti, zitihizwa nu vwami vodengeyizwa; Nyasaye amolomaa nu mwoyo kuli gwi inguba yatulukaa, lirova lisalulukaa.

Zaburi 98:1

Mwimbiri Yahova lwimbu luhia; kigira umali kokora vindu viokogenyia! Kuzinguru zizie mwene kandi ku vunyali vwivwe vutakatifu, Yahova umali konyoora liguuta.

Kutwula 15:16

Litihiza nu vuti vonene viduuki kuvo. Valora zinguru zizio, O, Yahova, kandi vaasingiyi no vodedekere kandi nuvuti kuduuka lwa avandu vovo vaambuka, avandu vawavoholola kutura mu vutugwa.

Kutwula 9:23

Kunangwa Musa yaginga imbimbu yeeye mwigulu, kandi Yahova yatuma inguba kandi imbura yamagina kandi oloheni lwakuya lirova. Yahova yatuma

Kutwula 9:24

imbura enene ya magina, noloheni lwaaka imbiri ninyima. Gwaali umuliviti munene gwimbula gwavula kololeka ku mu Egebeti ing'inga yindi kutura nekolwa ihiiri.

Isaya 10:16

Kigira yaga, Yahova Wuvunyali alatuma lukuzu kuhaana amageri ku yavo avaveeye avatugi kandi avalizaa vulahi. Miviri jaavo jilasaambwa nu muliru gwolomemo.

Isaya 10:26

Inzi Yahova Wuvunyali, ndavakuya ni imbimbu yange kuli ndaakuya avandu va Midia ha lwanda lwa Orebu. Ndahaana amageri ku vandu va Siria kuli ndaakola ku vandu va Egebeti.

Isaya 10:5

Yahova yavoola, “Ivi Asiria! Ndumikila avandu va Asiria kuli imbimbu kuhaana amageri kuyavo avambeeye nu vutima navo.

Isaya 28:2

Yahova aveeye nu mundu mulala Wuvunyali kandi wizingulu wetegeki kuvingilira uyu uliizaa kuli imbura ya magina, kuli imbura yologelera, kuli kiihi cha mazi manene ganyagulaa vwangu vwangu, na alavazooma hasi nukuvaguuta.

Isaya 29:6

Yahova Wuvunyali alamusoola ni zinguba ziukutihiza kandi nilidegera lie lirova. Alatuma kihuzuzi chi kiihi kandi olomemo lwu muliru.

Isaya 30:29

Navuzwa munyi avandu va Nyasaye, mulimba zinyimbu ni musaangara kuli mukoraa mu ing'inga yu vudiku vwe lilia litakatifu. Mulimba ni musaangara kuli mundu agendaa kunzira niyimba nilirere kuzia mu Litembeli lia Yahova, mukingi wa avandu va Isiraeli.

Isaya 30:31

Avandu va Asiria valava nu vuti lwavahulira mwoyo gwa Yahova kandi valahulira vulitu vwa mageri geege.

Isaya 31:4

Yahova yambolera, “Kali avayi ni vahanzuka ni vakuba liyoga, sivanyala kutihiza anoho kukunga isimba kutura ku inyama ya imali kwita mba: Kunangwa, siaveeye ho nu mundu unyala kungaya inzi Yahova Wuvunyali kukinga kiguru cha Ziyoni mba.

Isaya 32:19

Navuzwa imbura ya magina ilakuba mu militu, kandi lidaala linene liradivizwa ligali.

Isaya 33:14

Avandu vuvwoni mu Ziyoni vadegera nuvuti vonene. Vavoola, “Likalaga lia Nyasaye liveeye kuli muliru gusambaa mihiga ni mihiga. Nivwaha ku kunyi unyala kohonokoka lomemo lusambaa kuli yilu?”

Isaya 4:6

Vukumi vwivwe vulaleta chiriri ing'inga yu muvasu mululu gwi lidiku, kandi halava havundu hu kwilukira ing'inga yi imbura kandi yi chihi.

Isaya 51:9

Hamba, O, Yahova, na okokonye! Tumikira zinguru zizio na okohonyie; uzitumikiri kuli wazitumikira maziambiri. Yaali ivi uwakalaga ogoyoka gwu mu inyanza Rahabu mu vidonye.

Isaya 52:10

Yahova umali kumanyia mukono gwigwe mutakatifu imbiri wi zihiiri ziosi. Keheri choosi chi lirova kilalola ovohonyi vwa Nyasaye wiitu.

Isaya 62:8

Yahova umali kwisuuha nu mukono gwigwe mulungi kandi ku zinguru zizie ndi, “Inzi si ndahaana uvuswage vwinyu kuva chukulia ku vasigu vinyu mba, kandi avageni si valanwa iwaini yinyu mba.

Isaya 66:15

Yahova alaza numuliru, na magare geege gu vulwani gaveeye kuli kihuzuzi. Alaleeta uvutima vwivwe vululu hasi ni iligondoka lilie kuli lomemo lwu muliru.

Isaya 66:16

Yahova alaleeta likalaga lilie liu muliru kandi alahaana amageri gi kivavi ku vandu vosi. Yavo ava Yahova aliita valava vanyingi.

Jeremia 25:32

Yahova Wuvunyali avoora ndi, kivi kilaaza ku ihiiri ndala inyima wi yindi, kandi imbuza yi kiihi enene ilaaza kutura ihale ku keheri chi lirova.

Ezekieli 10:5

Liyoga lia vakerubi liahulirika kali kuduuka mu mugizi gwi chova. Gwahulirika kuli umwoyo gwa Nyasaye Wuvunyali.

Ezekieli 13:13

Kalunu yaga nigo gu Yahova Wuvunyali avoora, “Mu vutima vwange, ndatuma imbuza yi kiihi kandi, imbura enene ya magina kudiviza lidigi.

Joeli 2:5

Lwa zitumatuma ku zindongozi zie vigulu, zinyagura kuli muliviti gwa magare gu vulwani; zihumaa kuli vulimu vwumu vusambwa. Zilomba zimbaso kuli amahi manene gu vulwani getegeki kulwana.

Amosi 1:14

Kunangwa ndatuma muliru ku madiji gi lidaala linene lia Raba na gulasamba zimbinga zialio. Lirira linene lilavaho mu madiku gu vulwani ni lifuliana kuli kihuzuzi.

Mika 1:4

Vigulu vilayinguka isi weve kuli ihura eveeye mu muliru; vilasundulwa hasi musi mumavona kuli amazi gasundulwa kutura ku kiguru.

Matayo 24:7

Ihiiri ilavukira ihiiri yindi; uvwami vulavukira uvwami vundi; halavaho ni zinzara kandi kodegera kwi lirova ihale nihale.

Luka 1:51

Akoli vindu vie zinguru nu mukono gwigwe: Usalanyi avigingiri mu zing'anagani zie mioyo jaavo.

2 Vatesalonike 1:8

ni zimemo ziu muliru, kuhaana mageri ku yavo avasuuraa Nyasaye, kandi ku yavo avatahuliraa nu kutia Ivangeri yu Mwami wiitu Yeso.

Joshua 10:10

Yahova yakola vandu va Amori kuva nuvuti vonene ligali lwavaalola iliihi lia Isiraeli. Avandu va Isiraeli vavitira ha Gibeoni kandi nivavalondelera kuduuka kunzira isulungutaa kuvitira ku kiguru ha Bezi-horoni, nivazizagilira kuvingilira kuduuka Azeka na Makeda.

Joshua 10:11

Lwa vandu va Amori vaali ni virukaa kutura ku liihi lia vandu va Isiraeli kuvitira ha kivitiru cha Bezi-horoni kuduuka Azeka, Yahova yakola magina manene gimbula kukuba kuvo kutura mwigulu. Avanyingi kuvo vaakuza ligali kuvita aviitwa nivivavi via vandu va Isiraeli.

Likunula 1:15

Zinduvatiru zie virenge vivie ziali kuli umugasa gusiyiywi mu muliru, mwoyo gwigwe gwahiligana kuli amazi manene.

Likunula 11:19

Litembeli lia Nyasaye iliveeye mwigulu ligulwa. Lisandugu Litakatifu lia amalago geege lie lilagana lialoleka. Maku, liali ho nilihemahema lie zimbeni, ni mioyo, ni lihirigana lie zinguba, ni lidegera lie lirova, ni imbura ya magina manene.

1 Samweli 7:10

Lwa Samweli yaali naahaanaa kisiuviriru chukusambwa zana, Avafilisitia visunda imbiri kuvingilira nukuvalwana; navuzwa ahene yaho vuzwa, Yahova yaahirigana kutura mwigulu ku vandu va Filisitia. Vadandana ligali ma niviruka mu lihenda mwoyo nokodegera.