Isaya 30:3 - KITABU KITAKATIFU

³ Navuzwa zinguru ziu mwami wa Egebeti ziladuuka ku keheri, na likingwa lienyu kutura Egebeti lilahera mu lidivizwa.

Isaya 30:3 Iomraidhean Croise

2 Avami 18:21

Usuviraa Egebeti valaza kokohonyia, navuzwa galava kuli kutumikira kidundu kuli imbimbu yokogendela. Lwivunika ilakotoza mu mukono gugwo. Nindio kuli mwami wa Egebeti aveeye lwu mundu woosi amusuuvira nu kwiidila kuye.”

Zaburi 108:12

Okokonye, kuguuti avasigu viitu; ovokonyi vwu mundu sivoveeye kindu kali hakuzu mba.

Tsing'ano 25:19

Kusuuvira mundu utaveeye musuuvirifu mu ing'inga yu vudinyu, gaveeye kuli kogeriza kulia noveeye ni linu liadengeya, anoho kogenda ne kelenge chafogoya.

Isaya 20:5

Yavo avaari ni lisuuvira mu Ezopia, kandi avigingiraa kigira Egebeti, valava nuvuti kandi ni zisoni ligali.

Isaya 20:6

Lwi ing'inga yene yeyo iliduuka, avandu vamenyi ahimbi ni lidaala lia Filisitia valakavoole, ‘Heenzi kugamali kokoleka ku avandu vakwasuuviraa vakukingi kutura ku mwami wa Asiria! Kunyi kunyala ndi kohona?’ ”

Isaya 36:6

Uganaganaa vandu va Egebeti valaza kukokonya, navuzwa yaga galava kuli utumikira kidundu chavunika kuva imbimbu yokogendela, kilavunika kandi kilatooza mukono gugwo. Nindio mwami wa Egebeti aveeye ku uyu woosi usuviraa muye ovokonyi.

Jeremia 2:36

Kigira ki muvoyavoya nimuganagana kuzia ku avanyasaye vi zihiiri zindi? Avandu va Egebeti valamuviika mu zisoni, kuli avandu va Asiria vamuvika mu zisoni.

Jeremia 42:18

“Yahova, Nyasaye wa avandu va Isiraeli avoora, ‘Kuli uvutima vwange uvululu vwali ku avandu va Jerusalemi, nindio uvutima vwange uvululu vulakave ku munyi niiva mulazia komenya mukivala cha Egebeti. Mulava avandu vu kutihizwa, vokonyegwa kandi vikilaamo. Simulakalole kivala yiki kandi mba.’ ”

Jeremia 42:22

Kunangwa kalunu, mwizurizi yaga: Mulakuzira mu liihi anoho mulakuza kigira inzara anoho uvulwaye mukivala cha Egebeti uwamutovoye kuzia komenya.”

Jeremia 46:25

Yahova Wuvunyali, Nyasaye wa avandu va Isiraeli avoora, “Nziza kuhaana amageri ku vandu va Amoni, nyasaye wa Zebesi, harara na avandu va Egebeti na avanyasaye vaavo na avami vaavo. Nziza kuvugura mwami wa Egebeti kandi na vosi avaasuuvira muye,

Ezekieli 29:7

Lwa veesedema ku munyi, mwaavunika, nivatozatoza mumaha gaavo, kandi numuvakola nivavunika migongo jiavo.

Hosea 10:6

Kifananyi yiki kilagingwa nu kuhilwa mukivala cha Asiria keve kuli mutungu gwu vusuuru ku mwami munene. Avandu va Isiraeli valava mu zisoni kigira vasigamira kifananyi yiki.

Varumi 10:11

Mang'oda Matakatifu gavoora, “Ku vosi umusuuvira sialiduuka mu zisoni mba.”

Varumi 5:5

Lisuuvirizwa yili silinyala kukuvihiliriza mba, kigira Nyasaye yamala kuviika mu mioyo jietu uvuyanzi vwivwe kuvitira ku Roho Mutakatifu oveeye kihanwa chiche ku kunyi.