Isaya 30:22 - KITABU KITAKATIFU

²² Maku mulavugula vifananyi vienyu iviavakwa ku ifeza, kandi vifananyi viavakwa izahabu, ma muvisiuve ihale ligali kuli kindu kifunyi na muvoore, “Tuli muzimoni ziange!”

Isaya 30:22 Iomraidhean Croise

2 Kyetsinyinga 31:1

Lwa vaali nivakamara lilia lie Pasaka avandu vosi va Isiraeli vazia mu vuli madaala manene mu Ivuyuda ma nivononyia zitiru zia magina, nivatema vifananyi viu munyasaye wi kikali Ashera. Vononyia uvwali na havundu hukusigamira misambwa. Vaakora malala mere mu Ivuyuda yoosi kandi ni vivala viosi vie zihiiri zia Benjamini, Efuraimu, na Manase; maku viirana yengo vosi.

Isaya 27:9

Navuzwa uvwoni vwa Isiraeli vulakasamifwi vuzwa lwa magina guvwaali vwi vifananyi galisievwa kuli ichoka, kandi uvwali vwi vimuli anoho vifananyi viu munyasaye wikikali Ashera vilivula kulekwa.

Isaya 31:7

Ing'inga yiza lwa mwinyi mwosi mulakasiuve vifananyi viuvwoni viamwalomba vie ifeza kandi vie zahabu.

Isaya 40:19

Nyasaye siaveeye kifananyi chu musiza yalomba, chu muturi yahoma ni zahabu, kandi ni minyororo jie zahabu mba.

Isaya 46:6

Avandu vatuliza izahabu mu zimuya ziavo, kandi vagera ifeza ku vibimu. Venya muturi wi zahabu wi mitungu ma alombe munyasaye wi zahabu, maku vamwinamiri kandi vamusigamiri!

Lisyoma lya Jeremia 1:17

Muporofeti avoora: “Avandu va Ziyoni vaanyiira makono gaavo valeminywe mwoyo, navuzwa si yaliho mundu waali anyala kuvaleminya mwoyo mba. Yahova amali kulaga ndi visukululwi via Yakobo vave avasigu vaavo. Jerusalemi imali kugwa kindu kifunyaa vugundu hagati haavo.”

Ezekieli 14:6

“Kulwayago, ovoolere avandu va Isiraeli aga inzi, Mwami Munene Yahova mboraa: mwiganiri kandi mugirung'ane kutura ku vifananyi vinyu viu kuvihiliriza. Mugirung'ane kutura ku likora vudamanu vwosi.

Ezekieli 18:6

Mundu uyu siasigamiraa vifananyi via vandu va Isiraeli anoho kulia visiuviliru ku vigulu mba; anoho si yonogonyaa mukali wu mutende weve anoho kulia visiuviliru ku vigulu mba; anoho siagonaa nu mukali mu madiku geege gu mweli mba.

Ezekieli 36:31

Maku mulakizulizi likora lienyu lidamanu kandi vikolwa vienyu vitali vilahi. Mulakave ni livihirirwa aveene kigira uvwoni vwinyu kandi kivihiri chiinyu.

Ezekieli 7:19

Navasiuvi zizahabu ni zifeza ziavo mu zinzira, nazive kindu kitaveeye kilahi. Izahabu ni feza yaavo sinivahonye mu lidiku liuvutima vwa Yahova vululu mba. Yivi viosi si vilavakola kwiguta mba, kigira izahabu ni ifeza yavo vimali kuvakola kwikigatira nukuzia mu vwoni.

Ezekieli 7:20

Maziambiri velola kigira magina gaavo guvuguli, navuzwa vaagatumikila kolomba vifananyi viukuvihiliriza. Kulwayago inzi ndavikola kuva ivindu kitaveeye vinifu kuvo.

Hosea 14:8

Avandu va Isiraeli si valeenya vifananyi kandi mba; Inzi ndahaana mativuli ku lisaala liavo kandi ndavalinda. Inzi ndava chiriri kuvo kuli musaala muvisi gwu mudaragwa: kandi ligasiza liavo liosi lilatula ku Inzi.”

Kyavalevi 13:52

Musaalisi alakisaamba, kigira voveeye vuguku vulandaa vuduukana vudivizwi nu muliru.

Zekaria 13:2

Ing'inga yeyo, ndakatuliziho amita gi vifananyi viosi kutura ku kivala, kandi mundu kali mulala si alakavizulizi kandi mba. Ndakatuliziho mundu woosi ovola aveeye muporofeti, kandi ndakatuliziho liegomba liu kusigamira vifananyi.

Matayo 4:10

Ku Yeso yamuvolera, “Tula ku inzi, Setani! Kigira gang'odwa, ‘Ulasigamira Mwami Nyasaye woovo kandi ulamutumikira oyo yenyine!’ ”

Kwidzulitsa 7:25

Musaambe vifananyi viavazwa viosi. Mutakayirwa ifeza anoho izahabu eveeye kuvio mba, anoho kuvivugula vive vienyu mba, Yahova Nyasaye winyu avihilirwa vifananyi.

Likunula 19:20

Iking'ang'a zana chagumirwa harara nu umuporofeti wo vovehi waali naakori ivilolekizu imbiri weve. Yatumikira ivilolekizu yivio ukugaada avandu vaali nu muhuri gwi king'ang'a, na yavo avasigamira kifananyi chacho. Iking'ang'a nu umuporofeti wo vovehi vasuvwa munyanza yu muliru iyakaa nu kuvasaamba ni kibiriti nivaveeye mwoyo.