Isaya 30:21 - KITABU KITAKATIFU

²¹ Lwa mugendagendaa kutura kunzira yu mukono mulungi anoho kunzira yu mukono mumosi, mulahulira umwoyo gwigwe kutura inyima winyu nigovoora, “Inzira ni yiyi, mulonde kuyo.”

Isaya 30:21 Iomraidhean Croise

2 Avami 22:2

Josia yakola agaali malungi mu zimoni zia Yahova, kandi yagenda mu zinzira ziosi zia guuga weve mwami Daudi, vugira kugirung'ana halovega ku mukono mulungi kinga mumosi.

Zaburi 32:8

Yahova ovola, “Ndakwigiza zinzira zia uziira ku; kandi ndakwidera nu kukuha zing'anagani.

Tsing'ano 4:27

Welehe kuvudamanu kandi ogende vulungi. Utazia kika kilala ichova winzira inungi mba.

Isaya 29:24

Avandu vasiru valiiga kumanyiriza, kandi yavo avililiraa kazozo valayaanza ukwigizwa.”

Isaya 42:16

“Ndimilira avandu vange avavoku, kandi ndavamanyia inzira ya vakikiri kolonda ku. Ndagirung'anyia kisundi chavo kugwa uvulavu, kandi ndalungikiza kivala keveeye chamajichi kuva kilahi imbiri wavo. Yili nilio lisuuvirizwa liange ku vandu vange, kandi sindavaleka mba.

Isaya 48:17

Nyasaye Mutakatifu wa vandu va Isiraeli, Yahova ahonyia munyi, avoora: “Inzi mbeeye Yahova Nyasaye winyu, uwenyaa kumwigiza kigira uvulahi vwinyu, kandi mwimiliraa kogenda kunzira idukanaa kogenda kuyo.

Isaya 58:11

Inzi Yahova, ndamwimilira kazozo kandi ndigutiza lienya lienyu nivindu vilahi. Ndamukora muve ni zinguru kandi ovulamu mu miviri jinyu; na munyi mulava kuli milimi jisamwa amazi manyingi, kuli kisinukiru cha mazi gacho gatakamaa mba.

Jeremia 6:16

Yahova yavolera avandu veve, “Musingiri muvwavukaniru vwizinzira na muhenze. Muvateeve zinzira ziakale kandi winzira indahi eveeye. Mugeendeku kandi muramenya mumirembe.” Navuzwa vavoola, “Awa kokora mba!”

Kwidzulitsa 5:32

“Avandu va Isiraeli, mugelihi mulindi mukore goosi aga Yahova Nyasaye winyu amali kumulaga. Mutavula kuhulira lilago liosi ku malago geege mba.

Joshua 1:7

Ove vuzwa mugulu, ove muluviliri; kandi olole ndi uhuliraa nu kugumira lilaga liosi liu mutumikiri wange Musa yahaana ku ivi. Utaleka kedonye choosi chalio mba, na ivi ulaguuta vulahi hoosi aha uzia.

Joshua 23:6

Kunangwa muve avagulu kuhulira kandi kokora goosi aga Musa yang'oda mu kitabu chiche chi Lilaga. Mutagirung'ana nokoleka likora lilago kali lilala mba,

1 Yohana 2:20

Navuzwa munyi mumali konyoora Roho Mutakatifu watura ku Kristo, na mwosi mumanya agiligali.

1 Yohana 2:27

Navuzwa ku munyi, Kristo yahaana Roho Mutakatifu weve ku munyi. Ku olohono lwa Roho weve azizagiliraa komenya mu munyi, umundu wundi sigamuduukira mundu wundi amwigizi mba. Navuzwa kuli Roho weve amwigizaa vindu viosi, kandi amigizu geege gaveeye agiligali, kandi sigaveeye gu vugadi mba. Ku mulonde aga Roho yamwigiza kandi mumenye muye mu vuhambani na Kristo.

1 Samweli 12:23

Kolovega lwange si gandukira ngolere Yahova uvwoni ku livula kusaalira munyi. Mu vogono yivwo, ndamwigiza agaveeye malahi kandi malungi ku munyi kokora.