Isaya 30:2 - KITABU KITAKATIFU

² Vazizaa koteeva ovokonyi kutura ku mwami wa Egebeti vugira koteeva zing'anagani ziange. Veenye mwami wa Egebeti avasoore, kunangwa vaviika lisuuvira liavo mu mwami wa Egebeti.

Isaya 30:2 Iomraidhean Croise

1 Avami 22:7

Navuzwa Jehoshafati yateeva, “Haveeye ho muporofeti wundi wa Yahova uwa kunyala koteeva uvulariri vwa Nyasaye?”

2 Avami 17:4

Navuzwa muhiga mulala, Hoshea yatuma makuva ku mwami So wa Egebeti, namuteeva ovokonyi vwivwe, ma kandi yalekera kutunga uvusuuru ku mwami wa Asiria vwa vuli muhiga. Lwa Shalimanaseri yamanya makuva yaga, yagumira Hoshea naamuvoha mu vuhambe.

2 Avami 18:21

Usuviraa Egebeti valaza kokohonyia, navuzwa galava kuli kutumikira kidundu kuli imbimbu yokogendela. Lwivunika ilakotoza mu mukono gugwo. Nindio kuli mwami wa Egebeti aveeye lwu mundu woosi amusuuvira nu kwiidila kuye.”

Isaya 16:3

Vavoolera avandu vi Ivuyuda, “Mukovolere icha kokora. Mukukingi kuli musaala guhaanaa ichiriri kikindu mu vuhiu, inyinga yu mbasu hagati, na muleke kosose muchiriri chienyu. Kunyi koveeye avahaali, mukuvisi humundu atakonyoola.

Isaya 18:1

Nyasaye alahaana amageri ku avandu va Ezopia, kuvitira ku migera ja Ezopia, koveeye ho nikivala che lihuuma lie zisigi lihulirika. Keveeye ho kivala ichizula umuhumu gwi zimbaha.

Isaya 36:6

Uganaganaa vandu va Egebeti valaza kukokonya, navuzwa yaga galava kuli utumikira kidundu chavunika kuva imbimbu yokogendela, kilavunika kandi kilatooza mukono gugwo. Nindio mwami wa Egebeti aveeye ku uyu woosi usuviraa muye ovokonyi.

Isaya 36:9

Munyala ndi kweleng'anyia nu mutumikiri oveeye nidalaja ya hasi ligali mu vutumiki vwa Asiria, lwa munyi aveene muganaganaa umwami wa Egebeti amuletere magare gu vulwani, na vasaza vi zibarasi?

Isaya 8:19

Navuzwa avandu valakovolera oteeve amakuva kutura ku vasigitiri, na valaguli kandi visohoro ni viganda. Valavoora, “Kali ndio avandu gavadukiraa vateeve amakuva kutura ku miroho midamanu kandi veenye zing'anagani kutura ku vakuzu muvogono vwayavo avaveeye mwoyo.”

Jeremia 2:18

Kalunu muganaganaa mulanyola ki lwa muzia Egebeti, kunwa amazi gu mugera gwa Naili? Muganaganaa mulanyola ki lwa muzia Asiria kunwa amazi gu mugera gwa Efurate?

Jeremia 21:2

“Nuyanza okomolomere ku Yahova, kigira mwami Nebukadineza harara ni liihi lilie vakumbiriza lidaala. Hawundi Yahova alakokolera kilala ku vilolekizu vivie na akole Nebukadineza aleke.”

Jeremia 37:5

Liihi lia Babiloni liali nilikumbilizaa Jerusalemi, navuzwa lwa vahulira ndi liihi liu mwami wa Egebeti limali kusiila lwako lwa Egebeti, vamanya nivilana inyima.

Jeremia 42:14

kandi muvooraa, kunyi kulazia komenya mukivala cha Egebeti, wanakuvuli kolola iliihi, anoho wanakuvuli kuhulira mwoyo gwi kisiriva anoho wanakuvuli kuva ninzara yi chukulia mba.’

Jeremia 42:2

ni vavoola, “Mwaza yaanza okole agakokoteeva! Ukusaviri ku Yahova Nyasaye wiitu. Ukusaaliri kunyi vosi avamali kutigala. Mulitanga kwaali avanyingi, navuzwa kalunu koveeye vuzwa avakeekeke avatigara kutura mu avanyingi, kuli ivi mwene ololaa.

Jeremia 42:20

ndi, munyi mumali kweletera uvudinyu Mwandeva musaliri ku Yahova Nyasaye wiitu kandi mwalaga ndi mulakola goosi agamulaga.

Jeremia 43:7

Vavura kutia lilago lia Yahova ma ni vazia mu Egebeti kali kuduuka mu lidaala lia Tahapanesi.

Lisyoma lya Jeremia 4:20

Avasigu viitu vagumira uwaali kuli kisinukiru chi livamwoyo lietu, umwami wa Yahova yaali natovoye, kandi wakwali kwamusuvira alakukinga kutura ku avasigu viitu.

Hosea 7:13

“O, vayaayi kivi keveeye kuvo! Vamala koleka inzi kandi nukwibaala kutura ku inzi. Valadivizwa. Inzi ndeenya kuvahonyia, navuzwa vangadaa.

Hosea 8:10

Navuzwa kalunu inzi ziza kuvavungiza harara kandi ndavaha mageri. Nonoho navave muvuzunu, lwa munene wa Asiria naavadambizi.

Hosea 8:9

Avandu va Isiraeli vavoyavoya veng'ine kandi vaveeye kuli zihiiri zindi kandi kuli zibunda ziu muvulimu. Vamali kuzia nukwenya vokonyi kutura ku avandu va Asiria, kandi vamali kutunga zihiiri zindi kunangwa zivakingi.

Livalidza 27:21

Alasingira imbiri wu musaalisi Elieza, uwaza atumikiri Urimu na Zurimu kuhaana likalaga liange. Kulilaga lilie, oyo harara na vandu vosi va Isiraeli valatura kuzia kandi kwirana.”

Kwidzulitsa 28:68

Yahova alamwilanyia Egebeti mu zimeri kali niiva yavoola ndi simulilana yo kandi mba. Uwene yeyo, mulageriza kwiguliza munyi aveene ku avasigu vinyu kuli avatugwa, navuzwa sihalavaho numundu woosi ulienya kumugula mba.”

Joshua 9:14

Avandu va Isiraeli vavugilira vilala ku viukulia, navuzwa sivateeva likuva kutura ku Yahova mba.

Vakalagi 9:15

Ulutavati lwavoolera imisaala, ‘Niiva mwenya Inzi mwamihi, nyenya munyi muuzi kwigama muchiriri change. Nigataveeye ndio, umuliru gwaduki mu lutavati lwange kandi gusambe imidalangwa ja Lebanoni.’