Isaya 30:19 - KITABU KITAKATIFU

¹⁹ O, munyi avandu va Ziyoni, avamenyi mu Jerusalemi, si mulasioma kandi mba. Yahova aveeye wizimbavasi, kandi lwamumwanira amukonye, alamutivulira.

Isaya 30:19 Iomraidhean Croise

Zaburi 50:15

Mwaniri ku inzi mu ing'inga yu vudinyu, na inzi ndamuhonyia, na munyi mulanzizominya.”

Isaya 10:24

Mwami munene Yahova Wuvunyali avooreraa avandu veve vamenyi mu Ziyoni ndi, “Mutatia kigira avandu va Asiria mba, kali niiva vamudambizaa kuli avandu va Egebeti vamudambizaa.

Isaya 25:8

Mwami munene Yahova aladiviza likuza mihiga ni mihiga. Alakeeye maliga kutura mu zimoni zia vuli mundu, kandi alakatulizi ho zisoni izia vandu veve vamali kusalirira mu lirova liosi. Yahova mwene umali kovora.

Isaya 33:2

Yahova, okovererere. Kunyi kumali kuviika lisuuvirizwa lietu mu ivi. Ukukingi vuli lidiku na okohonyie ing'inga yuvudinyu.

Isaya 35:10

Valaduuka mu Jerusalemi nu vuyanzi, ni vimba nivakuba isango yu vusangali. Valava nu vuyanzi kandi nuvusangali mihiga ni mihiga, kandi sivalava ni liverera kandi nilihenda mwoyo mba.

Isaya 41:17

“Lwa avandu vange avadaka kandi avadambi vaveeye ni lienya amazi kigira uvuluhu, Inzi Yahova ndahaana amativuli ku lisaala liavo. Inzi Nyasaye wa vandu va Isiraeli sindavaleka mba.

Isaya 46:13

Lidiku liovohonyi liveeye ahimbi siliveeye ihale ligali mba. Sindalindagira koleta vohonyi vwange mba. Ndahonyia avandu va Jerusalemi kandi ndaleta lizominywa ku avandu va Isiraeli.”

Isaya 58:9

Lwa musaala, ndamutivulira. Lwa mwanira ku inzi ndamutivulira. “Niiva mulatuliza iniira yi lidambiza hagati hinyu, nimuleka lichaya avandi nokovoora amakuva madamanu,

Isaya 60:20

Liuva lienyu si lilayeera mba, anoho mweli gwinyu si gulatulaho mba; Inzi Yahova ndava uvulavu vwinyu mihiga ni mihiga, kandi amadiku gi lisioma lienyu galaduuka ku keheri.

Isaya 65:18

Kunangwa muyanze kandi musangare mihiga ni mihiga mu via inzi nombaa. Jerusalemi imbia ya inzi nombaa, ilava yu vusangali ligali, kandi avandu vi lidaala yili valava nuvuyanzi.

Isaya 65:19

Inzi ndasaangalira Jerusalemi, Kandi ndayaanzizwa na vandu vange vi lidaala yili. Lisioma kandi lilira si vilavaho mba.

Isaya 65:24

Kali imbiri wa vakikiri kumala lisaala liavo ku inzi, ndahaana amativuli ku lisaala liavo.

Isaya 65:9

Ndagasiza avandu va Isiraeli avaveeye vi ihiiri ya vandu vi Ivuyuda, kandi visukululwi vaavo valamenya mu kivala change chi ivigulu. Avandu vange avatovole, avandumikiraa, valamenya mu kivala yiki.

Jeremia 30:12

Yahova avolera avandu veve, “Zingwago zienyu sizinyala kohona mba, zingwagu zienyu sizinyala kohona mba.

Jeremia 31:12

Valakaze kandi valakimbi nuvusangali ku kiguru cha Ziyoni kandi valayanzilira vihaanwa viange - vihaanwa viu vuzwage ni iwaini na maguta, vihaanwa via amagondi ni zing'ombe. Navave kuli mulimi gwa samwa vulahi; valanyora vuli kindu choosi cha venya.

Jeremia 31:16

Mulekere lilira kandi mweye amaliga ginyu. Goosi agamumali kokolera avana vinyu kuduuka namuhevwe amadanyi; navirane kutura mukivala chumusigu.

Jeremia 31:6

Yee, ing'inga yiza lwa avasikari valakalangiliri ku vigulu via Efuraimu, ‘Gendi kuzie Ziyoni, ku Yahova Nyasaye wiitu.’ ”

Jeremia 31:9

Avandu vange vazavirane nivalira, nivasaara lwa nambe nimbimilira mulirana. Inzi nambimiliri kuduuka ku migera jiamazi, kunzira inungi yavalivulaa kwikigatira. Mbeeye kuli baba uvandu va Isiraeli kandi Efuraimu nu muyaayi wange wu kutanga.”

Jeremia 33:3

“Waniri ku inzi, na inzi ndakutivulira. Ndakovolera vindu vinene ligali kandi viaviswa via ivi utamanyi mba.

Jeremia 50:28

Avahaali virukanga kutura Babiloni kuzia Jerusalemi, ma vavoola kuli Yahova Nyasaye wiitu yaavanza kisaalia ku aga vandu va Babiloni vaali nivakoli ku Litembeli.

Jeremia 51:10

Yahova avoora, “Avandu vange vahanzuka, ‘Yahova amali kumanyia ndi kunyi koveeye mu vulungi. Gendi kuzie kovolere avandu mu Jerusalemi aga Yahova Nyasaye wiitu amali kokora.’ ”

Ezekieli 20:40

Mu kivala yicho, ku kiguru change kitakatifu, kiguru cha Isiraeli kitambi, munyi mwosi avandu va Isiraeli mulakasigamiri. Ndakamuvugiliri kandi ndaakayanzwi ni munyi koleta ku Inzi visiuviliru vienyu, Isadaka yinyu indahi ligali kandi vihaanwa vienyu vitakatifu.

Ezekieli 36:37

Yahova Wuvunyali avoora, “Ndaleka avandu va Isiraeli vandeeve ovokonyi kutura ku inzi, kandi ndaleka vamedeke vave avanyingi kuli chayo cha magondi.

Mika 4:9

Kigira ki mwaniraa vudinyu ligali? Kigira ki mukubaa kivi kuli mukali oveeye mulilumwa liumwana? Gaveeye kigira simuveeye nu mwami, na aviideri vinyu vaakuza?

Luka 6:21

“Muveeye nu vugasu avaveeye ninzara kalunu; kigira mulakutizwa!” Muveeye nuvugasu avaliranga kalunu; kigira mulakaseke!

Varumi 11:26

Kandi nindio vandu va Isiraeli vosi valihonywa. Kuli Mang'oda Matakatifu gavoora, “Muhonyi alatula Ziyoni, kandi alatuliza uvudamanu vwosi kutura ku visukululwi vosi via Yakobo.”

Vafeso 3:20

Kalunu uyu, wi zinguru zizie ziyinziraa mu kunyi, anyala kokora amanyingi ligali kuvita yago agakunyala koteeva anoho kuganaganaa.

Likunula 5:4

Ndaalira nu uvuzunu ovonene ligali kigira siyaali ho nu umundu kali mulala waali anyala kukunula mu kitabu yicho, anoho kohenza mucho mba.

Likunula 7:17

Kigira Mwana wi Ligondi oveeye hagati hendeve yu uvwami alava mwayi wavo, kandi alavimilira kuduuka ha amazi gi livamwoyo gasinukaa. Nyasaye aleeya amaliga goosi mu zimoni ziavo.”