Isaya 30:13 - KITABU KITAKATIFU

¹³ Munyi muveeye na mahiolo. Muveeye kuli lidigi litambi ilimali kwadika nukusiavuka kutura igulu kuduuka hasi; nonoho mulagwa.

Isaya 30:13 Iomraidhean Croise

1 Avami 20:30

Avatigara virukira mu lidaala linene lia Afeki mwi lidigi lie lidaala linene zana liagwira vasaza 27,000. Benihadadi yirukira mu lidaala linene zana kandi, naahalira mu keng'oze chi nyima winyumba.

Ayubu 36:18

Ohenze vulahi kandi ogelihi, utaleka iviambeti vikugaade, anoho utaleka uvutugi vukuchaminyi mba.

Zaburi 62:3

Mulingilira mundu kuduuka ng'inga ki? Munyi mwosi, mulamuzoma hasi, mundu oveeye kuli lidigi liyeekaa, kandi kuli lugaga lodengeyaa?

Zaburi 62:4

Munyi mwenya vuzwa kumwikiza kutura havundu hehe huluyali; munyi musangaliraa mu vovehi. Munyi mumolomaa amakuva gi ligasiza, navuzwa mu mioyo jinyu, mumulaamaa.

Tsing'ano 29:1

Mundu ugayangwa vuli kazozo navuzwa avula kuhulira, aladivizwa vwangu ligali vugira kohona.

Tsing'ano 6:15

Kigira yaga, kivi kiladuuka kuvo vugira kumanya, nonoho valadivizwa ligali.

Isaya 22:14

Mwami munene, Yahova Wuvunyali mwene yamoloma ku inzi navoora, “Ligali avandu yava sivalasamifwa vudamanu vwavo lwa vakikiri mwoyo mba. Inzi Mwami munene Yahova Wuvunyali mali kovora.”

Isaya 26:21

Yahova yaazaa kutura mu vomenyo vwivwe vwu mwigulu ukuhaana mageri ku avandu vu mulirova kigira uvwoni vwavo. Avandu aviita vandi mu vwivisu ku lirova valavulika, kandi lirova sililavisa yavo avamala kwitwa mba.

Isaya 29:5

Jerusalemi, vageni vosi vakwingilira valahuuzwa ihale kuli luguchi, na amahi gaavo gukutihiza galatura ihale kuli mukuuzi. Nonoho vugira kumanya,

Isaya 30:26

Uvulavu vwu mweli vulakave kuli uvulavu vwi liuva, na uvulavu vwi liuva vulakamedeke haali saba kuvita kazozo, kuli uvulavu vwa amadiku saba mu lidiku lilala. Yaga goosi galakekoleke lwa Yahova avoheleraa nokohonyia zing'oma ziamali kuha avandu veve.

Isaya 47:11

Kigira yaga, kivi kiladuuka ku munyi, navuzwa uvukumu vwinyu sivulamuhonyia mba. Nonoho lidiviza liladuuka kumunyi lia mutamanya mba.

Isaya 48:3

Yahova avooreraa avandu va Isiraeli ndi, “Mu madiku gakale, ndaamuvuulira agaali nigazizaa kwekoleka, maku, nonoho ndagalomba gekoleke.

Isaya 58:12

Avandu vinyu valumbaka vuhia vianyi vienyu via kale, valaviumbaka kandi ku mise ja kale. Na munyi mulagulikwa avandu vumbaka vuhia madigi gasasuguka, kandi avandu valalomba zinzira zie lidaala zivitiki kandi harara ni zinyumba iziali vianyi.”

Isaya 65:7

Ndahaana amageri kuvo kigira uvwoni vwavo, kandi uvwoni vwa vaguuga vaavo. Kigira vamali kuhaana ivimuli ku vigulu ha vasigamira imisaambwa, kandi nu kovora amakuva madamanu ku inzi. Kunangwa ndahaana amageri kuvo kolondekana ni lienya lie vikolwa viavo.”

Matayo 7:27

Imbura yakuba, imigera nijizura imbuza enene nihuza, kandi nihuza ni zinguru ku inyumba yeyo, nayo yagwa, kandi liigwa liayo liali nu mufuumu munene ligali!”

Luka 6:49

Navuzwa mundu woosi uhulira amakuva gange kandi navula kokora kindu choosi kugo, mwene oyo aveeye kuli mundu wumbaka inyumba ku muyeke vugira muse. Lwu Mugera gwakuba induta kugwo na nonoho yagwa, kandi ligwa lie inyumba yeyo liali linene ligali!”