Isaya 30:10 - KITABU KITAKATIFU

¹⁰ Vavoolera avaporofeti vakiring'ane. Vavoola, “Mutamolomi kukunyi kigira agaveeye malungi mba. Mukovolere agakweenya kuhulira. Leki kulindi guvugadi giitu.

Isaya 30:10 Iomraidhean Croise

1 Avami 21:20

Lwa Ahabu yalora Elija, yavoola, “Unyooye kandi, O, musigu wange?” Elija yativura navoora, “Yee, mali kokonyoola. Ivi wihaani mwene kokora agaveeye madamanu mu zimoni zia Yahova.

1 Avami 22:27

Uvoolere vamuviki vuhambe kandi umulie mugadi namazi mere kuduuka lwa nzirana nimirembe.”

2 Kyetsinyinga 16:10

Yaga galoomba mwami Asa kuva nu vutima nu muporofeti Hanani, na yalaga muporofeti avofwe ni aviikwi ku minyororo na avikwi munyumba ya vahambe. Yaali ing'inga yiyi lwu mwami Asa yaatanga kudambiza avandu valala mu Ivuyuda.

2 Kyetsinyinga 25:16

Navuzwa lwa yaali nakemoloma, mwami Amazia yamuvolera, “Kwa kokora ivi kuva mugelihizi wu mwami? Lekera komoloma, anoho ndakwiita!” Muporofeti uyu yalekera kumoloma, navuzwa inyima wo kovora, “Kalunu mali kumanya ndi Nyasaye umali kusaavira kukudiviza kigira ivi umali kokora yaga goosi, kandi umali kusura amigizu gange.”

Ayubu 41:3

Inyala kokogoonya ugilakule izie, inyala kukogoonya ogeveere zimbavasi?

Isaya 28:15

“Mwiyizominyaa ndi mwalomba lilagana liuvuhambani ni likuza, mwalomba livugilirizana ni kivala chavakuzu. Lwikivi kiiza sikilakakudiiri mba, kigira mwasuuvira mu vovehi nuvugadi kuva chukwivisamu chiinyu.”

Isaya 29:10

Yahova umali kumukola mutengeze kwetegeka kogona zindoolo zinene ligali. Avaporofeti vaduukana vave zimoni zia vandu, navuzwa Nyasaye uvavakurizi.

Isaya 5:20

O, vayaayi, kivi keveeye ku yavo avalangaa uvudamanu kuva uvulahi, na avalangaa uvulahi kuva uvudamanu! Mugirung'anyia kisundi kuvo uvulavu, nu uvulavu kuva kisundi. Mukoraa yicho ekeveeye kilulu ligali kuva kenoru kuli uvwuki, na yicho ekeveeye kenoru kuva ikilulu ligali.

Jeremia 11:21

Avandu va Anazozi vaali ni lilohiza kunzita. Vambolera ndi, valanzita niiva ndazizagilira koporofeta amakuva ga Yahova.

Jeremia 23:17

Ku avandu vamali kusuura kuhulira aga inze mali kovora, vazizagilira kovora ndi goosi galava amalahi kuvo. Kandi vavoolera vuli mundu oveeye muhindagirizi ndi kivi sikilamugwira mba.”

Jeremia 26:11

Kunangwa avasaalisi navaporofeti vavoolera aviimiliri navandu, “Umundu uyu adukanaa kukalagirwa likuza kigira omolomi vudamanu ku lidaala lietu. Mwamuhulira munyi aveene.”

Jeremia 29:27

Kigira ki si wavula kokora yaga ku Jeremia wa Anazozi, wamolomaa kuli muporofeti ku avandu?

Jeremia 36:29

Yahova yambolera mbolere mwami ndi, “Ivi umali kusamba Ikaratasi ilingiywi, kandi oteevi Jeremia kigira ki yang'oda ndi mwami wa Babiloni alaza kandi aladiviza kivala yiki nu kwita avandu vamenyi mu kandi zinyama.

Jeremia 38:4

Maku vatumikiri vazia ku mwami ni vamuvolera, “Mundu uyu gaduukanaa yiitwi. Limoloma makuva kuli yaga liloomba avasikari mu lidaala kohenda mwoyo, kandi avoora makuva malala mere ku avandu vosi avatigara mu lidaala yili. Siagelizaa kokonya avandu mba, navuzwa agelizanga kuvasaliriza.”

Jeremia 5:31

Avaporofeti vavoola makuva guvugadi vuzwa; avasaalisi vamiiha kolondekana nilienya lia avaporofeti, na avandu vange si vagaya ivindu yivi mba. Navuzwa munyi, mulakola ki lwa vindu yivi viosi viduuka ku keheri?”

Amosi 2:12

Navuzwa mwakora Avanaziri kunwa iwaini, kandi muvalage vaporofeti nimuvooraa, mutaporofeta mba.

Amosi 7:13

Navuzwa, utaporofeta Bezeli hano kandi mba. Hano haveeye havundu hukusigamira mwami, kandi Litembeli liu vwami.”

Mika 2:11

“Niiva mundu umugadi yaza nokovoora, ‘Inzi ndaporofetera munyi ndi iwaini na malwa galidoloka, uyu niyie muporofeti wa avandu yava vayaanza.’

Mika 2:6

Avandu vanzilwaziraa nivavoora, “Utakwilwazira mba. Utilwazaa amakuva yago goosi mba. Nyasaye siazizaa kukuviika muzisoni mba.

Yohana 7:7

Avandu vu mu kivala sivanyala kuva ni kivuni chu kusuura nu kudunyira munyi mba, navuzwa vandunyiraa kigira mbavooleraa havulavu ndi miyinzi jaavo ni midamanu.

Yohana 8:45

Inzi mboraa agiligali, na nicho kivuni kigira munyi muvura kusuuvira.

Vikolwa 4:17

Navuzwa nikwenya kwigalira makuva yaga gavuli kulaanda mu avandu, kuviganihizi vavuli komoloma ku mundu woosi mu lieta lia Yeso mba.”

Vikolwa 5:28

“Kwamwiganihiza vudinyu ligali mutigiza ku lieta liu mundu uyu mba; na kalunu, heenzi aga mukoli! Mulandizi amigizu ginyu mu Jerusalemi mwosi, na mwenya koleta kisaalia chilikuza liu mundu uyu ku kunyi!”

Varumi 16:18

Kigira avandu vu lugano yilu sivatumikiraa Mwami wiitu Kristo mba, navuzwa vahenderaa zinda ziavo veene. Ku makuva gaavo malahi, na guvugadi, vagotiza avandu vataveeye ni mbala.

Vagalatia 4:16

Kunangwa, mali kugwa musigu winyu mu limuvoolera agiligali?

Likunula 11:7

Lwa vamala lilwaza liavo, king'ang'a kitulaa mugehena kilavalwaana, nu kuvaguuta, kandi kuviita.

1 Samweli 9:9

Ku maziambiri mu kivala cha Isiraeli niiva umundu yaazizaa koteeva Nyasaye kindu, yaavolanga, “Hamba kuzie ku muloli.” Kigira muporofeti wa Kalunu yalangangwa muloli.