Isaya 30:1 - KITABU KITAKATIFU

¹ Yahova umali kovora, “Kivi keveeye ku yavo avamiiha Ivuyuda kigira vamali kwibaala ku inzi. Valonda liloohiza lia inzi mburi kolomba, kandi valomba livugilizana liavo vugira inzi, nivameeda uvwoni ku vundi.

Isaya 30:1 Iomraidhean Croise

2 Avami 18:21

Usuviraa Egebeti valaza kokohonyia, navuzwa galava kuli kutumikira kidundu kuli imbimbu yokogendela. Lwivunika ilakotoza mu mukono gugwo. Nindio kuli mwami wa Egebeti aveeye lwu mundu woosi amusuuvira nu kwiidila kuye.”

2 Avami 18:24

Kali simunyala kuduukira ku avanene vi ikika cha haasi ligali cha vandu va Siria, na munyi mulindiliraa Vaegebeti vamutumiri vandu vu kunina ku zibarasi kandi magare gu vulwani!

Zaburi 61:4

Ndeka menye mu lihema liilio litakatifu mihiga ni mihiga; leka nyoore chukwivisa mu isi wi zimbaha zizio.

Isaya 1:2

Yahova yavoola, “O, munyi lirova ni ligulu, muhuliri cha mboraa! Avana va ndaavirukiza vamali kwibaala ku inzi.

Isaya 1:23

Aviimiliri vovo vaveeye aviibaali kandi avalina va aviivi; vuli kazozo vavugilira kuvugura vihaanwa kandi viambeti. Sivakingaa avavisandu mu viyaalo mba anoho lwa avakunzakali vahaana livaala lie kiyaalo chavo mba.

Isaya 1:4

Munyi mudivi, ihiiri yuvwoni, yuvwoneku kandi avandu vadamanu! Munyi muveeye avandu vataveeye avasuuvirifu. Munyi mumali koleka Yahova Nyasaye Mutakatifu wa Isiraeli nu kumusuura.

Isaya 1:5

Kigira ki muzizagiliraa kwibaala? Mwenya muhevwe mageri kali kuvita. Avandu va Isiraeli mitwi jinyu josi jizuyi zing'oma, kandi mioyo jinyu niziganagani zienyu zilwaaye.

Isaya 28:15

“Mwiyizominyaa ndi mwalomba lilagana liuvuhambani ni likuza, mwalomba livugilirizana ni kivala chavakuzu. Lwikivi kiiza sikilakakudiiri mba, kigira mwasuuvira mu vovehi nuvugadi kuva chukwivisamu chiinyu.”

Isaya 28:20

Mulakave kuli mundu mu zing'ano, ogerizaa kogona mu kidali keveeye chimbi gidi kuye kali sianyala kwiinyira vulungi kucho mba, numulingedi gutaveeye muvambalalu kali sianyala kwifuma mba.

Isaya 29:15

O, vayaayi, kivi keveeye ku munyi, avavisaa lienya liavo ku Yahova! Vakora gaveenya mu kisundi ma vaganagana ndi siaveeyeho numulala unyala kuvalola anoho kumanya agavakola mba.

Isaya 30:9

Avandu yava vibaaraa ku Nyasaye vuli kazozo, vaveeye vana vuvugadi, avana valivula kuhulira miigizu ga Yahova.

Isaya 31:1

Avandu vazizaa Egebeti konyoora ovokonyi vaveeye mu kivi! Vasuuvira mu liihi lia Egebeti lie zinguru, lie zibarasi ziu kunina ku lia magare gu vulwani kandi lia vasikari. Navuzwa si vasuuvira mu Yahova, Nyasaye Mutakatifu wa Isiraeli mba, anoho si vateevaa ovokonyi kutura kuye mba.

Isaya 32:2

Vuli mulala kuvo alakave kuli chukwikinga kutura kumbuuza kandi havundu hu kwivisa kutura kumbula yikiihi. Valakave kuli migera ja mazi jiturukaa kutura mu changarangwi, kandi kuli chiriri chu lwanda lonene mu kivala kitaveeye ni liama.

Isaya 4:5

Maku Yahova alakunika kiguru cha Ziyoni harara na vandu vosi avavugani mucho ni lilesi mu ing'inga yu muvasu, kandi umwochi ni ling'ereng'ana liolomemo vilavaho mu ing'inga yu vudiku. Vukumi vwa Nyasaye vulakunika nu kosoola lidaala linene liosi.

Isaya 5:18

O, vayaayi, kivi keveeye ku yavo avang'usaa uvwoni nimigoye jovovehi! Avang'usaa uvudamanu ni migoye ji ligale lie zing'ombe.

Isaya 63:10

Navuzwa vibaara nokovereriza Roho weve Mutakatifu; Kunangwa Nyasaye yaavikiruka nukugwa musigu wavo kandi nalwaana navo.

Isaya 65:2

Inzi mali kwetegeka vuli kazozo kwingiliza wange avandu vaveeye vibaali, avagendaa kuzinzira zitaveeye zindahi, kandi avalondaa iziganagani ziavo aveene.

Isaya 8:11

Yahova yanziganihiza ni zinguru zizie zinene mbule kolonda zinzira ziavandu valonda.

Isaya 8:12

“Utahambana mulilohiza liuvwivisu lia vandu mba, kandi utatia vindu viavatizaa mba.

Isaya 8:19

Navuzwa avandu valakovolera oteeve amakuva kutura ku vasigitiri, na valaguli kandi visohoro ni viganda. Valavoora, “Kali ndio avandu gavadukiraa vateeve amakuva kutura ku miroho midamanu kandi veenye zing'anagani kutura ku vakuzu muvogono vwayavo avaveeye mwoyo.”

Jeremia 17:5

Yahova avoora, “Ndakalagira oyo ugirung'anaa kutura ku inzi, kandi usuviraa mu mundu, kandi mu zinguru zizie.

Jeremia 2:18

Kalunu muganaganaa mulanyola ki lwa muzia Egebeti, kunwa amazi gu mugera gwa Naili? Muganaganaa mulanyola ki lwa muzia Asiria kunwa amazi gu mugera gwa Efurate?

Jeremia 37:7

mbolere Zedekia ndi, “Liihi liu mwami wa Egebeti liveeye nuvuha kokokonya, navuzwa lilirana yengo.

Jeremia 4:17

navalakumbiriza Jerusalemi kuli avasaza valindanga umulimi kigira avandu vaavo vamali kwibaala ku Yahova. Yahova umali kovora.

Jeremia 42:19

Maku ndaazizagilira kovora, “Munyi avandu vaatigara Ivuyuda, Yahova umali kovora muvuli kuzia mukivala cha Egebeti. Kunangwa mwiganihizaa kalunu

Jeremia 5:23

Navuzwa vandu munyi! Muveeye ni mioyo midinyu kandi avibaali; mumali kugirung'ana nukuzia halovega kandi muleki inzi.

Ezekieli 11:2

Nyasaye yambolera, “Mwana wu Mundu, avandu yava valomba lilohiza lidamanu kandi vahaana zing'anagani zindamanu mu lidaala linene yili.

Ezekieli 2:3

“Mwana wu Mundu, ngutumaa ku avandu va Isiraeli. Vamali kwibaala nukugirung'ana kutura ku inzi, kandi vakikiri avibaali kuli avaguuga vaavo vaali.

Ezekieli 24:3

Ovoole lugano yilu ku vandu vange avamali kwibaala, ulwa Inzi Yahova Wuvunyali mali kovora kigira yavo; Uviiki inyingu kumahiga ma witimu amazi gizuri mu du.

Ezekieli 29:16

Avandu va Isiraeli si naverede kumunyi kigira vokonyi mba. Lidivizwa lia vandu va Egebeti nalizulizi avandu va Isiraeli ndi, vaakora vudamanu kwereda ku vandu va va Egebeti. Maku avandu va Isiraeli navamanye ndi Inzi mbeeye Yahova Wuvunyali.”

Ezekieli 3:9

Ndakokola ove utanyala kusundwa kuli lwanda, mudinyu kuli ligina liuvuguli; utatia vibaali yavo mba.”

Hosea 11:6

Vulwani vuliva mu madaala gaavo manene, kandi navwononyie zitiru zievilivwa viavo nokoheliza lilohiza liavo.

Hosea 13:2

Avandu yava vazizagilira kokora uvwoni, valomba vifananyi vie ifeza nu kuvisigamira. Vifananyi yivi vialombwa na vandu vaveeye avasiza. Vavoola ndi, “Muhaane visiuviliru ku vifananyi yivi!” Avasaza vavusavusaa vifananyi vie vimoli.

Hosea 7:13

“O, vayaayi kivi keveeye kuvo! Vamala koleka inzi kandi nukwibaala kutura ku inzi. Valadivizwa. Inzi ndeenya kuvahonyia, navuzwa vangadaa.

Zekaria 4:6

Maku engelosi yambolera kuhaana makuva yaga ku Zerubabeli kutura ku Yahova: “Ulanyaliza, na si gaveeye kigira vunyali vuvwo anoho kigira zinguru zizio mba, navuzwa gaveeye kigira Roho wange Yahova wamahi avoora.

Livalidza 32:14

Kandi kalunu mumali kuvugura vwiyangu vwa vababa vinyu, likula lihia lia vandu voni aveetegeki kwilanyia vutima vululu vwa Yahova ku vandu va Isiraeli kandi.

Varumi 2:5

Navuzwa kigira oveeye nu mwoyo mudinyu kandi gutali ni lieganira, na ndio wivungiziraa uvutima umwene ku lidiku liu vutima vwa Nyasaye kandi likalaga lilie liu vulungi lilakaloleke.

Kwidzulitsa 29:19

“Lwu mundu kuli uyu ahuliraa makuva gi liesuuha yaga, yigaasizaa mumwoyo gwigwe, ma aganagana, ‘Ndava ni mirembe, kali niimba ninzizagilira kogenda mu zinzira ziange mwene.’ Yago galadiviza munyi mwosi, avalahi na vadamanu.

Kwidzulitsa 9:24

Kutura nimumanya, mwayibaala ku Yahova.

Kwidzulitsa 9:7

“Mwizurizi yaga kandi mutivilira kuli mwavihiliriza Yahova Nyasaye winyu muchangalangwe mba. Kutura ku lidiku liamwatula mu kivala cha Egebeti kuduuka lidiku lia mwaduuki hano, mwayibaala ku Yahova ligali.

Joshua 9:14

Avandu va Isiraeli vavugilira vilala ku viukulia, navuzwa sivateeva likuva kutura ku Yahova mba.