Isaya 3:24 - KITABU KITAKATIFU

²⁴ Muvogono vwukutumikira ivifunyaa mwayu, valafunya vugundu, mu vogono vwu kwevoha misibi mirahi, valevoha zimbunu, havogono hi liisu lilahi, valava ni chole, na havogono hi zinguvu zindahi, valivika zinguvu zia madali. Ligondo liavo lilahi lilagirunganywa kuva zisoni.

Isaya 3:24 Iomraidhean Croise

Esther 2:12

Imbiri wa vuli mukaana yaali nakikiri kuzia ku mwami Ahasuero, yaduukanaa amale muhiga mulala gwaviikwa ho ku vakali kwinihiza nukwelomba ligondo. Imieli sita jaali ju kwinihiza na maguta ga manemane, na imieli jindi 6 jaali ju kwinihiza na maguta gafunyaa umwayu gu kunihiza avakali.

Ayubu 16:15

Inzi siomaa ninziviki zinguvu zia magunia, nzikaye hano mu luguchi ninguutinywi.

Tsing'ano 31:24

Alombaa zinguvu kandi misibi, ma aziguliza ku vakiranyi.

Tsing'ano 7:17

Mali kuvaka kidali change vifunya mwayu kuli manemane, kimuli nu mudalasini.

Isaya 15:2

Avandu va Diboni vanina ku kiguru ukusiomera hatakatifu haavo. Avandu va Moabu vakuba zikwiri mu vovereri kigira Nebo kandi Medeba; vaavegi mitwi ni zinderu ziavo mu vovereri vonene.

Isaya 15:3

Avandu vaveeye mu zinzira viviiki zinguvu zia magunia. Ku visegese vie zinyumba kandi hagati ha madaala manene avandu vasiomaa nukulira.

Isaya 22:12

Mwami munene, Yahova Wuvunyali yamulanga muduuki kulira kandi musiome, muvege amasu ginyu kandi mwiviki zinguvu ziamagunia.

Isaya 3:23

kandi ni vielolero, ni zikatani zindahi, kandi ni zinguvu zindambi zinzasasu ziavevohaa ku mitwi jaavo.

Isaya 4:4

Yahova mu zinguru zizie, alakalagira kandi alatakasa ihiiri nukusamiiha mahiolo ga vandu va Jerusalemi kandi amasahi gataaza mu Jerusalemi.

Isaya 57:9

Mwivakaa amarashi namaguta gafunyaa umwayu ma muzia kusigamira umunyasaye Moleki. Mutumaa avatumwa venyu kuzia ihale na himbi, kali kuduuka mu kihadisi ukwenya avanyasaye va musigamira.

Jeremia 4:8

Kunangwa mwiviki zinguvu ziamagunia, muliri kandi musiome; kigira vutima vululu vwa Yahova vukikiri kugirung'ana kutura ku avandu vi Ivuyuda.

Jeremia 48:37

Avandu yava vosi vamali kovega amasu gaavo kandi zinderu ziavo mu lisioma. Vosi vamali kusalaga ku makono gaavo, kandi vuli mundu yiviiki inguvu yi ligunia.

Jeremia 49:3

Mukubi zikwiri munyi avandu va Heshiboni! Lidaala lia Ayi lidiviziywi! Avakali va Raba, musiome! Mwiviki zinguvu zia magunia kandi musiome. Munyaguli yiyi na yiyi muligoyana. Umunyasaye winyu Moleki alahirwa mulihaminywa harara navasaalisi veve na avanene veve.

Jeremia 6:26

Yahova avooreraa avandu veve, “Mwiviki zinguvu ziamagunia na mugalagale muligoke. Musiome vululu kuli unyala kusioma mwana muderwa, kigira oyo uzaa kudiviza munyi nonoho alamwingiira.

Lisyoma lya Jeremia 2:10

Avakulundu va Ziyoni viikara hasi ni vachiring'ani machiriri, niviiyuhiyi uluguchi ku mitwi jaavo kandi viviki zinguvu zia magunia. Avakaana va Jerusalemi vinaminyi mitwi jaavo hasi.

Ezekieli 27:31

Vavega masu gaavo kigira munyi, kandi viviika zinguvu zia magunia. Vaali nu vuliduhu mu mioyo jiavo lwa vasioma.

Ezekieli 7:18

Naviviiki zinguvu ziamagunia nukuva muvuti vonene ligali. Mitwi jaavo na jivegwe, kandi vosi vaza vave muzisoni.

Joeli 1:8

Avandu munyi muliri kuli mukaana usiomeraa likuza liu musaza wa yaali niyenya koserera.

Kyavalevi 26:16

Inzi ndamuha mageri. Ndaleta kivi kinene ku munyi kuli vulwaye vutahonaa mba kandi luhuuza lunyala kumukola muvakuli nokolomba livamwoyo lienyu kuva liavuzwa. Mulataga vitagwa vienyu, navuzwa sivilava novokonyi ku munyi mba, kigira avasigu vinyu valalia via mwatanga.

Amosi 8:10

Ndagirung'anyia madiku ginyu giliilia linene kugwa madiku gu kulira nukusioma, nizinyimbu zienyu ziuvusangali zigwi ziukulira novovereri. Ndamulomba muvege mitwi jinyu, na mwiviki zinguvu zia magunia, na mulava kuli aviivuli vasiomera muyaayi wavo muderwa. Lidiku lilava lilulu. Kuduuka ku keheri chalio!

Mika 1:16

Avandu vi Ivuyuda, muvege amasu ginyu mulisioma kigira vana va mwayaanza. Mwelombe iviole aveene. Kuli indizu, kigira avana vinyu valavugulwa kutura ku munye nukuhirwa mu lihaminywa.

Kwidzulitsa 28:22

Yahova alamuleetera zinguzu zihambizanaa, mavimba no lodegela, kandi kemeyu nuvukindu vuhiu kudiviza vitagwa vienyu. Kivi yiki kilava harara ni munyi kuduuka lwa mukuza.

Kwidzulitsa 32:24

Valakuza kigira inzara kandi luhuuza. Valakuza kigira zinguzu ziu kutihiza. Ndatuma zinyama zinduru ziu mumulitu kuvingilira kandi zinzoka ziu vusungu vululu kuvaluma.

1 Petro 3:3

Liesiaha lienyu litava iliesiaha lie ichova kuli linava amasu, nu kwivika ivindu vie zahabu, anoho kwivika zinguvu.

Likunula 11:3

Ndakatumi avalolekizi vange vaviri ni viviiki amagunia navo valilwaaze likuva liu mwami ku amadiku 1,260.”

Likunula 16:9

Avandu vasaambwa ligali nu kuhaka. Vaanyega lieta lia Nyasaye oveeye ni izingulu ku amaduywa yaga. Navuzwa vasuura kwiganira no koleka vwoni vwavo, nu kuha Nyasaye ilizominywa.

Likunula 18:9

Avami vilirova, avaheyaa naye na avaamenyaa naye vugira kwiyigalira, liegomba liu umuviri, valasioma nu kulira ing'inga valilola mwoki gwi lisaambwa lie lidaala yilio.