Isaya 29:9 - KITABU KITAKATIFU

⁹ Muzizagiliri kuva avasilu! Muzizagiliri kuva avavoku! Muhambiki vugira kunwa iwaini! Mwagenda muyekayeka vugira kunwa engelageriza yiwaini!

Isaya 29:9 Iomraidhean Croise

Isaya 1:2

Yahova yavoola, “O, munyi lirova ni ligulu, muhuliri cha mboraa! Avana va ndaavirukiza vamali kwibaala ku inzi.

Isaya 19:14

Yahova umali kuvakola kuhaana zing'anagani zio kogoyanyia. Kigira yago, avandu va Egebeti vakora vindu viosi vudamanu kandi vagenda ni vagoyana kuli mundu muhambiku agendaa naateleleka mu maluki geege mwene.

Isaya 29:1

Jerusalemi! Jerusalemi! Lidaala linene lia Daudi, kivi keveeye ku munyi! Leka muhiga gundi anoho giviri jiviti, harara ni lilia kandi masavo gajio,

Isaya 29:10

Yahova umali kumukola mutengeze kwetegeka kogona zindoolo zinene ligali. Avaporofeti vaduukana vave zimoni zia vandu, navuzwa Nyasaye uvavakurizi.

Isaya 49:26

Ndakora avadambizi vinyu viitane aveene naveene, kandi valahambika masahi gaavo aveene kuli iwaini; maku, avandu vosi valamanya ndi, inzi mbeeye Yahova, uwavahonyia kandi wavaha avovoholole. Valamanya ndi inzi mbeeye Nyasaye wi zinguru wa vandu va Isiraeli.”

Isaya 51:17

O, Jerusalemi, vuka! Vuka ivi mwene na usingiri vulungi! Ivi umali kunywa kutula mukekombe cha mageri icha Yahova amali kukuha mu vutima vwivwe; lwa mwakinywa mwagoyana.

Isaya 56:10

Aviimiliri vosi, avaadukana viiganihize avandu vange, vaveeye avavoku! Sivamanyi kindu kali hakuzu mba. Vaveeye kuli zimbwa zidimbidi, izitalokaa. Vagona hasi vuzwa nokoloota maloto. Vayaanza kogona zindoolo!

Isaya 6:10

Maku yambolera, “Lomba zing'anagani zia vandu yava kuluha, hanyia amatu gaavo, kandi vakuliza zimoni ziavo, kunangwa vavuli kolola, anoho kuhulira kinga kumanyiriza. Niiva vakakoli ndio, vakagirungani kuuza ku inzi ma vahonywe.”

Isaya 63:6

Ndaaduvagira hasi avandu vi zihiiri mu vutima vwange. Ndavakora vahambiki mu vutima vwange vululu. Ndasundura masahi gi livamwoyo liavo hasi ku lirova.”

Jeremia 13:13

Kunangwa uvavoolera ndi, Inzi Yahova, mboraa ndi, ndanwehiza vandu vikivala yiki iwaini kuduuka lwa vahambika: avami avaveeye visukululwi via Daudi, avasaalisi, avaporofeti kandi avandu vosi avamenyi mu jerusalemi.

Jeremia 2:12

Kulwayago, ndalaga ligulu kodegera ni litihiza linene ligali, kandi ni ligenya linene ligali,

Jeremia 23:9

Mwoyo gwange gusaliriziywi, kandi ndegeraa. Kigira Yahova, kandi kigira mang'ana geege matakatifu mbeeye kuli umundu umali kuhambika, umundu unweye Iwaini inyingi.

Jeremia 25:27

Maku, Yahova yambolera, “Ovoolere avandu ndi, Inzi Yahova Wuvunyali, Nyasaye wa avandu va Isiraeli, mbalagaa vanwi iwaini yiyi kuduuka lwa vahambika kandi valuki, valagwa hasi kandi si valavuka mba, kigira iliihi lia ndetaanga hagati haavo.

Jeremia 4:9

Yahova yavoola, “Kulidiku yilio avami kandi avanene sivalava nuvuluviliri mba; avasaalisi valegosa navaporofeti valagenya.”

Jeremia 51:7

Avandu va Babiloni vaali kuli kekombe chi zahabu mu mukono gwange, ichaloomba kivala choosi kuhambika. Zihiiri zianwa iwaini ma nivararuka.

Lisyoma lya Jeremia 4:21

Museke O, munyi avandu va Edomu, na avamenyi mu kivala cha Uzi, musangare kuli munyaliza. Navuzwa munyi kandi muladuuka mukivi; mulatuliza zinguvu nukutigara chahonyo.

Habakuk 1:5

Maku Yahova yavolera vandu veve, “Muzizagiliri kohenza zihiiri ziveeye ahimbi na munyi, na mulagenya ku gamulolaa. Nziza kokora kindu cha mulivula kusuuvira lwamulikihulira.

Matayo 26:45

Maku yirana ku aviigi veve, navateeva, “Mukegonaa kandi mukesosaa? Heenzi! Ing'inga iduuki, yu umwana wa Adamu amali kuvikwa mu makono ga avoni.

Marko 14:41

Lwa yirana lwa kavaga yavavolera, “Mukegonaa, kandi mukesosaa? Gaduuki! Ing'inga iduuki! Henza Mwana wu Mundu azizaa kuhaanwa mu makono ga avoni.

Likunula 17:6

Ndaalora kandi umukali zana nahambiki amasahi ga vandu va Nyasaye, kandi gayavo viitwa kigira vaali vasuuvirifu ku Yeso. Lwa ndaamulola, ndaali niligenya linene ligali.