Isaya 28:16 - KITABU KITAKATIFU

¹⁶ Yiki nicho cha yahova Wuvunyali avoora: “Mbikaa musingi mudinyu kandi gwizingulu mu Ziyoni. Mbikaa ligina liu mukoona lidinyu ligali ukwa makuva yaga gang'odwa, ‘Lisuuvira liveeye liezingulu liveeye liokwikuzira kandi.’

Isaya 28:16 Iomraidhean Croise

Litanga 49:10

Yuda alava ni imbimbu yu vwami, visukululwi vivie vilamiiha kazozo. Zihiiri zilaleta uvusuru kuye, kandi zihiiri zilinama imbiri weve.

Litanga 49:24

Navuzwa vuta vwivwe vwayetegeka, kandi zinguru zia Nyasaye Wuvunyali wa Isiraeli, kuvitira mumwayi kandi mukingi wa vandu va Isiraeli, zilomba makono geege kuva ni zinguru.

2 Kyetsinyinga 20:20

Mugambazuri lidiku lialonda ku, avandu vatura kuzia mwigendanyama lia Tekoa. Lwa vaali nivaziizaa, mwami Jehoshafati yasingira navavoolera, “Avasaza vi Ivuyuda na Jerusalemi; musuuviri Yahova Nyasaye winyu, kandi musingiri vudinyu. Musuuviri aga vaporofeti veve vamuvolera, na mulaguuta.”

Zaburi 118:22

Ligina liavumbaki vasuura, limali gugwa ligina linene liu mukoona.

Zaburi 87:1

Yahova yumbaka lidaala lilie linene ku kiguru kitakatifu;

Isaya 14:32

Mundu alativulira ki avatumwa vi zihiiri kutura Filisitia? Kulavavoolera ndi, “Yahova umali kusingiliza musingi gwa Ziyoni, na avandu veve avadambizwa valirukirayo nokonyoora ovohonyi.”

Isaya 30:18

Navuzwa Yahova alindiliraa kumuvererera zimbavasi. Aveeye mwetegeke kumanyia zimbavasi ku mwinye kigira akolaa agaveeye malungi kazozo. Vaveeye nu vugasu yavo avasuuviraa mu Yahova.

Isaya 54:11

Yahova avoora, “O, Jerusalemi Ivi usalirizangwa, lidaala linene litinyalizaa, vugira mundu wukuleminya mwoyo, ndumbaka vuhia imise jijo na magina guvuguli ovonene.

Danyeli 2:45

Walola kuli ligina liadika kutura ku lwanda vugira umundu kulidiira, kandi kuli liaduya kifananyi chalombwa kutura ku kivia, mugasa, madohi, ifeza, kandi izahabu. Nyasaye akovoleraa O, mwami wiitu ichawalota kandi ngovooleye kivuni cha maloto zana.”

Zekaria 10:4

Avamihi aviimiliri, na vahaani va malago, valakatuli muvo; avalakamiihi avandu vange.

Zekaria 3:9

Mbikaa imbiri wa Joshua ligina lilala liveeye ni zimoni 7. Ndang'ola kwigulu kwalio amang'oda, kandi mulidiku lilala ndakatulizi ho vwoni vwikivala yiki.

Matayo 21:42

Yeso yavateva, “Si mwasoma likuva yili mu Mang'oda Matakatifu? ‘Ligina liavumbaki vasuura limali kokolwa ligina linene liu mukoona. Mwami niyie wakola yaga; na gaveeye gokogenyia mu zimoni zietu!’

Marko 12:10

Munyi mu kikiri kosooma Mang'oda Matakatifu yaga? ‘Ligina liavumbaki vasuura, liakolwa ligina linene liu mukoona.

Varumi 10:11

Mang'oda Matakatifu gavoora, “Ku vosi umusuuvira sialiduuka mu zisoni mba.”

Varumi 9:33

ilia Mang'oda Matakatifu gamolomaa kulio; “Henza, mbikaa ligina mu Ziyoni ililikola avandu valikigitale, ulwanda lulikola avandu vagwi. Navuzwa oyo usuviraa muye sialiva esoni mba!”

1 Vakorintho 3:11

Siaveeye ho nu mundu unyala kolomba musingi gundi kuvita yigu, ugwamala kolombwa na Nyasaye, nagwo ni Yeso Kristo.

Vafeso 2:20

Munyi kandi mwumbakiywi ku musingi ugwalombwa na avatumwa kandi avaporofeti, Kristo mwene naveeye ligina liu mukoona.