Isaya 28:1 - KITABU KITAKATIFU

¹ O, vayaayi, kivi keveeye ku vwami vwa Isiraeli! Uvukumi vwavwo vukamulukaa kuli kimuli ku mitwi javimiliri vaavo vahambiku. Mitwi jaavo juluyayi jivakiywi maguta gafunyaa mwayu, navuzwa vaagoni hene yaho avahambiku kuvita kegero.

Isaya 28:1 Iomraidhean Croise

2 Avami 15:29

Mu madiku gi liamiiha lia Peka mwami wa Isiraeli, Tigilazi Pileseri mwami wa Asiria, yaza nagumira madaala manene ga Ijoni, Abe-Bezi Maaka, Jonoa, Kedeshi, Hazori, Gileadi, kandi Galilaya, harara ni kivala choosi cha Nafutali; yahira avandu mu vuhambe mu kivala cha Asiria.

2 Kyetsinyinga 28:6

Peka muyaayi wa Remalia yita avasikari valuviliri 120,000 vi Ivuyuda mu lidiku lilala; kigira avandu vi Ivuyuda vaali nivaleki Yahova, Nyasaye wa vaguugavavo.

Tsing'ano 23:29

Nivwaha oveeye nuvudinyu vunyingi? Nivwaha oveeye novovereri? Nivwaha oveeye nu vwigani? Nivwaha wigana? Nivwaha oveeye ni zingwagu vugira kindu chazileeta? Nivwaha oveeye ni zimoni zinzakanyu?

Isaya 28:7

Kali vaporofeti navasaalisi vaveeye vahambiku ligali kali vagenda nivayekayeka vanweeye iwaini namalwa malulu kali vikigitara mugoyana. Avaporofeti vaveeye vahambiku ligali kali sivanyala kumanyiriza malola ga Nyasaye atumaa mba, na vasaalisi navo kandi vaveeye vahambiku ligali kali sivanyala kukalaga viyaalo viletwaa kuvo mba.

Isaya 5:11

O, vayaayi, kivi keveeye ku munyi! Munyi muturaa mugambazuri nimuzia kunwa, kandi muhambikaa zing'inga zia mugolova.

Isaya 5:22

O, vayaayi, kivi keveeye ku yavo avizingulu mu linwa iwaini! Kandi avaluviriri mu lizuganyia vilulu viu kuhambikiza.

Isaya 8:4

Kigira, imbiri wu mwana uyu akikiri kuviruka kandi kumanya kovora, ‘Baba wange na Mama wange,’ mwami wa Asiria alaza kulanya uvuhinda vwosi vwa Damasiko na viosi via laanywa via Samaria.”

Isaya 9:11

Yahova umali kusingiriza avasigu vaavo kuvingilira.

Isaya 9:8

Yahova umali kutuma likalaga ku vwami vwa Isiraeli, ku visukululwi via Yakobo.

Isaya 9:9

Avandu vosi va Isiraeli, vuli mulala omenya mu lidaala linene lia Samaria, alamanya ndi Yahova umali kokora yaga. Kalunu vaveeye nilielora kandi niliegingira. Vavoola,

Hosea 4:11

Yahova avoora, “Iwaini inguru ni imbia ekolaa avandu vange kuvula kuva nilimanyiriza!

Hosea 5:5

Liegingira lia avandu va Isiraeli lilolekaa muvo. Uvwoni vwavo vuvakolaa vikigitara kandi kugwa, kali avandu vi Ivuyuda vikigitara ma vaagwa harara navo.

Hosea 5:9

Lidiku liu kuhaana mageri lizaa, na Isiraeli ilatigara mang'anye. Munyi avandu va Isiraeli, ligali yaga galakoleka ku munyi!

Hosea 6:10

Inzi mali kolola kindu chu kutihiza mu Isiraeli: Avandu vange vamali kweyonogonyia aveene mu lisigamira vifananyi.

Hosea 7:5

Ku lidiku lieliilia liumwami valomba umwami harara na vatumikiri vene kuhambika iwaini kisiru.

Kyavalevi 26:19

Ndatuliza ho luyaayi lwi zinguru zienyu; imbura silavaho kandi mba kivala chiinyu kilava chuumu kandi kidinyu kuli kivia.

Amosi 2:12

Navuzwa mwakora Avanaziri kunwa iwaini, kandi muvalage vaporofeti nimuvooraa, mutaporofeta mba.

Amosi 2:8

Vuli havundu hu kusigamira, avandu vagona ku zinguvu zindala nzere zia vamali kuvugura kutura ku vadaka kuli kihambiliru cha magovi. Mu Litembeli lia Nyasaye wavo, vanweraamu iwaini ya vamali kuvugura kutura ku yavo avaveeye namagovi ga mabesa gaavo.

Amosi 4:1

Muhuliri likuva yili, munyi vakali va Samaria, avaveeye vakomelu kuli zing'ombe zia Bashani; avanyangizaa avadedekere nu kudambiza avadaka, avavoolera avasaza vaavo, “Muleete malwa kunwi kuhambiki!”

Amosi 6:1

Oh, vayaayi, kivi keveeye ku yavo averemerizaa mu jerusalemi kandi ku munyi avalolaa muveeye ni mirembe ku kiguru cha Samaria, munyi avasaza vanene ava ihiiri enene yiyi, Isiraeli, munyi ava avandu vazizaa kuvo ukwenya ovokonyi!

Amosi 6:4

Oh, vayaye, ikivi keveeye ku munyi kuyavo avagonaa ku vidali via amiinu gi zinzogu, niviinyilira ku zindeve ziavo zie mido, nivalia zinyama zie vimeme vinetu kutura mu chayo, kandi ivimooli kutura mu lugala.

Amosi 6:6

Munweraa iwaini ku zibakuli kandi mwivakaa amaguta malahi agafunyanga mwanyu mulahi ligali, navuzwa simusiomeraa lidivizwa lia avandu va Isiraeli mba.

Amosi 6:8

Yahova Nyasaye Wanyala Viosi mu zinguru zizie umali kuhaana lieganihiza lie liesuha yili: “Mbihirirwa luyali lwa avandu va Isiraeli: Ndegelizaa zinyumba ziavo zie lielemeza. Ndahaana amadara gaavo manene harara na avandu vamenyi mugo ku avasigu vaavo.”