Isaya 27:11 - KITABU KITAKATIFU

¹¹ Zisia zie misaala ziayuma kandi ziavunika na avakali vazitenyaa kuli iziingu. Kigira avandu si vamanyi kindu mba, Nyasaye mulombi wavo sialavavera zimbavasi mba.

Isaya 27:11 Iomraidhean Croise

Zaburi 106:40

Kunangwa Yahova yaali nu vutima vonene ku vandu veve, kandi yavihilirizwa ligali navo.

Isaya 1:3

Zing'ombe ziamanya mwenezio kandi zibunda ziamanya mwenezio ahazilihizilaa. Navuzwa avandu vange Isiraeli sivamanyi mba, kandi sivahulira mba.”

Isaya 18:5

Imbiri wa mazabibu gagikiri kuvungizwa, lwa vimuli viosi vimali kuvunguluka kandi lwa mazabibu genga, musigu aladiviza avandu va Ezopia kuli muvano gukalagaa zisia kutura ku musaala gwu muzabibu.

Isaya 43:1

Yahova uwalomba munyi avoora, “Mutatia mba; kigira inzi ndamuhonyia. Inzi mali kumulanga ni lieta, na munyi muveeye avandu vange Isiraeli.

Isaya 43:7

Vaveeye avandu vange, ndaavalomba vaduuki koleta uvukumi ku inzi.”

Isaya 44:2

Inze ni Yahova wamulomba; ndaamukonya kutura ing'inga ya mwivulwa. Utatia mba; Ivi oveeye mutumikiri wange, avandu vange vatovole ava inzi nyanza.

Isaya 44:24

Yahova, muhonyi woovo, uwakolomba munda mwa mama woovo, “Inzi mbeeye Yahova walomba vindu viosi. Inzi nzieng'ine, ndaavambura ligulu; lwa ndalomba lirova, nivwaha wangonya?

Isaya 5:13

Kigira yaga mulahilwa ihale kuli avahambe. Aviimiliri vinyu valakuza kigira inzara, kandi avandu vandi avanyingi valakuza kigira uvuluhu.

Isaya 9:17

Kunangwa Yahova sialaleka avasoleri vahononoke mba; sialamanyia liverererwa ku vakunzakali navavisandu mba, kigira avandu vosi sivali nuvunyasaye mba, vaveeye avachamu na kindu choosi cha vavola keveeye uvudamanu uvwere. Na kali ndio, uvutima vwa Yahova sivulahera mba, navuzwa akinyiiyi vuzwa mukono gwigwe ukuhaana mageri.

Jeremia 11:16

Maziambiri ndaavalanga Muzeituni gwa amatu amavisi kandi ugwa makuyu amalahi, navuzwa kalunu, harara ni liatuluruka kuli lie inguba, ndahambiza umuliru mu amatu gagwo kandi ndavunanyia zisia ziagwo.

Jeremia 13:14

Kunangwa inzi ndavadunyanyia kuli zijuba, avasaakulu navasooleli harara. Livererera anoho zimbavasi sivilangora mburi kuvita mba.”

Jeremia 16:5

“Utingira muinyumba yavasiomaamu mba. Utaverereraku mundu kali mulala mba. Inzi sindagasiza avandu vange nimirembe anoho kuvamanyia uvuyanzi kandi zimbavasi mba.

Jeremia 25:37

Vigo viavo vie mirembe vilatigala hazwa, kigira uvutima uvululu vwa Yahova.

Jeremia 4:22

Yahova avoora, “Avandu vange vaveeye avasiru; sivamanyi mba. Vaveeye kuli avana vayingu; sivaveeye nilimanyiriza mba. Vaveeye avasiza mulikola uvudamanu, navuzwa sivamanyiriza kokora uvulahi mba.”

Jeremia 8:7

Kali amagungu gaamanya ing'inga yu kwirana; kali amakuulu, ziminyi na amang'oani gaamanya ing'inga yu kung'anya. Navuzwa avandu vange munyi, si mwamanya amalago gange aga mwamiihiraa mba.

Ezekieli 19:12

Navuzwa gwamanya nigwifwa muvutima vululu, kandi nigusiuvwa ku marova. Imbuza yi kivi yi Ivugwi yuminya makuyu gagwo. Zisia ziagwo ziavunanywa; ziamanya niziuma kandi nizisambwa.

Ezekieli 20:47

Ovolere avandu visavalu vahuliri aga inzi Yahova Wuvunyali mboraa: Henza! Ndahambiza muliru, kandi gulasamba nukudiviza vuli musaala muvisi kandi vuli musaala mwumu. Muliru yigu sigulakasiminywi mba, gulakalande kutura Isavaalu kuduuka Ivaale, na gulakasambe vuli mundu.

Ezekieli 9:10

Navuzwa si ndavavererera, anoho si ndavahonyia mba. Ndavaha mageri kuli vahaana mageri ku vandi.”

Hosea 4:14

Navuzwa inzi sindavaha mageri kigira yaga mba, kigira munyi aveene mukora ovoheyi namalaya gi Litembeli, kandi harara navo muhaanaa visiuviliru ku vifananyi. ‘Kuli lugano lovoolaa avandu vugira limanyiriza valaduuka mulidiva.’

Hosea 4:6

Avandu vange vadiviziywi kigira sivamanyiriza inzi mba. Munyi avasaalisi mumali kusuura kumanyiriza inzi kandi mumali kusuura miigizu gange, kandi kunangwa inzi musuyi kandi sindamanyiliza avana vinyu kuli avasaalisi vange mba.

Matayo 13:15

kigira mioyo ja vandu yava jigwiyi midamanu kandi amatu gaavo galiduhi ku lihulira kandi vamwolizi zimoni ziavo. Gase vakaloli ni zimoni ziavo kandi vakahuliyi na matu gaavo. Nu kumanya zing'anagani ziu mu mioyo jaavo n nu kwiganira vaaluhi viirane ku inzi, na inzi mbahonyie.’

Matayo 13:19

Ku vosi uhuliraa likuva liu vwami, na avula kulimanya, aveeye kuli uvuguza vwamizwa nivugwa kunzira. Mudamanu yazaa mamunyaga iliamiizwa mu mwoyo gwigwe.

Matayo 3:10

Kali kalunu imbaazi iviikiywi mu vitinya vie misaala. Musaala gwosi ugutaama makuyu amalahi gulatemagwa, ma goteevwe mu muliru.

Yohana 15:6

Mundu uvula komenya mu inzi, alateevwa ichova kuli lusia lusuvwa ichova ma lwuma. Avandu vavungiza zisia kuli yizio ma vazita mu muliru ziduuki kuhia.

Varumi 1:28

Kigira avandu yavo vasuura limanya lieligali lia Nyasaye, Nyasaye yavaleka muziganagani zionekaa, ku vaduuki kokora ivindu via vataduukanaa kokora.

Varumi 1:31

si vaveeye ni limanya, avatasuuvirwa, vataveeye nuvuyanzi, avatasamiihaa kandi avataveeraa avandi zimbavasi.

Kwidzulitsa 4:6

Mugalonde nokugakola nu vusuuvirifu kigira yaga galamanyia avandu vizihiiri zindi kuli muveeye avageri kandi avilimanya. Lwa vahulira malago yaga goosi, valavoora, ‘Ligali ihiiri enene yiyi veveeye no vogeri kandi ni limanya!’

1 Vatesalonike 2:16

Kali vageriza kukugaya kuvuli kwilwaza ku avandu vi Zihiiri likuva linyala kuvaletera ovohonyi. Munzira yiyi vavungizaa uvwoni vwavo vwa vakora kazozo kandi kalunu vutima vwa Nyasaye vuduuki kuvo ligali mu limaliriza.

Yakobo 2:13

Nyasaye sialimanyia livererera lwa alikalagira umundu uyu uwavula kuva ni zimbavasi; navuzwa zimbavasi ziveeye ni liguuta ku likalaga.