Isaya 27:1 - KITABU KITAKATIFU

¹ Lidiku yilio Yahova alakatumikiri kivavi chiche chugi chi zinguru kandi chukwita kuhaana mageri ku Leviazani, goyoka gwisiitasiitaa, ooveeye gunyama gonene gwukutihiza gomenyaa munyanza.

Isaya 27:1 Iomraidhean Croise

Ayubu 26:13

Ku mwika gwigwe Nyasaye yahuuza no kolomba ligulu kolengera, kandi numukono gwigwe yita goyoka gwu munyanza ugwali ni gwirukaa.

Ayubu 3:8

Volera avasigitiri valaame lidiku liene yilio, yavo avaveeye nilimanya liu kwamiiha Leviazani.

Ayubu 40:19

“Eveeye yokogenyia ligali ku vilombe viange viosi! Mulombi wayo yeng'ine niyie unyala kugiguuta.

Ayubu 41:1

“Unyala kulimbika inyama enene yumumazi ilangwa leviazani nendoani? Anoho kovoha lulimi lwayo nu mugoye?

Zaburi 104:26

Zimeri zielemaa kunyanza zana, kandi Leviazani, inyama enene yu munyanza ya ivi walomba, ikinaa mu.

Zaburi 45:3

Weevohe kivavi chicho, mwami wizingulu. Ivi oveeye wuvukumi kandi wuluyali.

Isaya 26:21

Yahova yaazaa kutura mu vomenyo vwivwe vwu mwigulu ukuhaana mageri ku avandu vu mulirova kigira uvwoni vwavo. Avandu aviita vandi mu vwivisu ku lirova valavulika, kandi lirova sililavisa yavo avamala kwitwa mba.

Isaya 51:9

Hamba, O, Yahova, na okokonye! Tumikira zinguru zizio na okohonyie; uzitumikiri kuli wazitumikira maziambiri. Yaali ivi uwakalaga ogoyoka gwu mu inyanza Rahabu mu vidonye.

Isaya 65:12

Munyi vosi muliitwa ni kivavi, mulinama na mulasinzwa, kigira, lwa ndamulanga si mwahaana amativuli mba, kandi lwa ndamoloma ku munyi, simwahulira mba, navuzwa mwakora agaveeye amadamanu imbiri wange, kandi mwatovora agandavula kuyaanzizwa nago.

Isaya 65:25

Vivwi na amagondi vilaaya harara, zisimba zilaaya uvunyasi kuli zigiriki, kandi zinzoka zilakomba uluguchi. Si vilasalirizana kandi si viladivizana mu kiguru change kitakatifu mba.”

Isaya 66:16

Yahova alaleeta likalaga lilie liu muliru kandi alahaana amageri gi kivavi ku vandu vosi. Yavo ava Yahova aliita valava vanyingi.

Jeremia 47:6

Munyi mwaniri, ‘Kivavi cha Yahova! Mulazizagilira kwiita kuduuka ing'inga ki? Mwirane muchura chiinyu mumenye mu ma musoose!’

Jeremia 51:13

Kivala yicho keveeye ni migera minyingi kandi amaviikiru guvutugi, navuzwa ing'inga yacho imali kuduuka, kandi livamwoyo liacho limali kohera.

Jeremia 51:34

Nebukadineza, mwami wa Babiloni amali kwononyia Lidaala linene lia Jerusalemi kandi kuliduvuranyia. Alikoli kuva hazwa kuli ikiju; alamili vugara kuli ogoyoka ogonene. Avuguyi viosi via yenya kandi asiuvi ivindi viosi vitigaye ihale.

Ezekieli 29:3

Omolome kandi ovoole, ndi yaga nigo aga Yahova Wuvunyali avooreraa Mwami wa Egebeti: Inzi mbeeye musigu woovo, ivi ingwina enene, egonaa mumugera. Ivi ovola ndi mugera gwa Naili nugwange kandi ndagolomba.

Amosi 9:3

Kali niviivisa igulu kondongozi yi kiguru cha Karimeli, ndavenyeleriza kuduuka mbagumiri. Kali ni vivisa hasi mu luliva lwi inyanza kutura ku inzi, ndalaga ogoyoka gonene gwu mu inyanza kuvaluma.

Likunula 12:3

Kelolekizu kindi chokogenyia chaloreka mwigulu. Henza, gwaali ho ogoyoka gonene gwakanyu, ni mitwi saba kandi ni zinziga likomi; ku mitwi jagwo gwaali ni zitaji kandi zisuywa saba.

Likunula 13:11

Ndaalora kandi iking'ang'a kindi nikizaa kutura mu lirova. King'ang'a zana chaali ni zinziga ziviri kuli zie kememe chi ligondi, kandi chamoloma kuli enzoka.

Likunula 13:4

Avandu vosi vaasigamira ogoyoka kigira gwaali nigumali kuhaana uvunyali vwagwo ku king'ang'a; vaasigamira kandi ni vavoola, “Nivwaha unyala kuva ni zinguru kuli king'ang'a yiki? Nivwaha unyala kulwaana nacho?”

Likunula 16:13

Ndaalora kandi roho jivaga midamanu ijifaanaa amakere nijitula mu munwa mwo ogoyoka, nu mwi king'ang'a kandi mwo umuporofeti wo ovovehi.

Likunula 17:1

Mulala ku zingelosi saba avaari ni zibakuli saba yaza, ku inzi navoora, “Hamba yinu, ngumanyie likalagirwa liu mukali wa malaya munene, lidaala iliumbakwa ahimbi ni imigera minyingi.

Likunula 17:15

Engelosi yambolera, “Amazi ga walola, gu umukali liraya yikaye ku, gaveeye vivala, avandu, zihiiri kandi zinimi.

Likunula 19:21

Amahi gaavo giitwa ni kivavi ikituraa mu munwa gwa uyu wahila barasi. Amanyonyi goosi gaalia zinyama zie miviri jaavo.

Likunula 2:16

Kalunu wiganiri kutura mu vwoni vuvwo. Nuuva nutiganira, ndaaza vwangu ku ivi nu kulwaana na avandu yavo ni kivavi kitulaa mu munwa gwange.

Likunula 20:2

Yagumira ogoyoka zana, ogoyoka gwa kale yigwo ogoveeye Lidemoni anoho Setani, naagovoha nu munyororo ku mihiga eletu ndala.