Isaya 26:7 - KITABU KITAKATIFU

⁷ Yahova, ulungikizaa zinzira ziavalungi, inzira ya vagenda ku eveeye inungi.

Isaya 26:7 Iomraidhean Croise

1 Kyetsinyinga 29:17

Inzi manya, O, Nyasaye wange, ivi ugerizaa mwoyo gwa vuli mundu na uyanzizwa na avandu vu vulungi nu vusuuvirifu. Na mu vulungi nu vusuuvirifu vwange, mali kuhaana vindu yivi viosi ku ivi, kandi mali kolola kuli avandu vovo avamali kuvunga hano vayanzi koleta vihaanwa viavo ku ivi nu mwoyo gwosi.

Ayubu 31:6

vwakaveeye vulahi Nyasaye yangere ku ziratiri zinndahi, na alanyoola ndi inzi simbeeye niimbala mba.

Zaburi 1:6

Kigira Yahova akingaa nukulinda valungi; navuzwa inzira ya avadamanu iladiva.

Zaburi 11:4

Yahova aveeye mu Litembeli lilie Litakatifu, endeve yeeye yu vwami eveeye mwigulu. Ahenzaa avandu havundu hoosi nukumanya via vakora.

Zaburi 11:7

Yahova aveeye mulungi, kandi ayaanza vikolwa viveeye viu vulungi; avaveeye avalungi, valamenya harara naye, mihiga ni mihiga.

Zaburi 25:4

O, Yahova, onzigize zinzira zizio; uzikole zimanyikane ku inzi.

Zaburi 25:5

Unzigize komenya kolondekana nagiligali googo. Kigira oveeye Nyasaye wange, ombonyia. Inzi suuviraa mu ivi kazozo.

Zaburi 27:11

O, Yahova, unzigize kokora aga wenyaa ngole, kandi unzimiliri kunzira yimirembe, kigira mbeeye na vasigu vanyingi.

Zaburi 5:9

Avasigu vange si vavola agiligali mba. Zing'anagani ziavo ziveeye ziu kwononyia, amakuva gaavo gaveeye gu vugadi kandi madoto, navuzwa galetaa likuza ligali ku vandu.

Tsing'ano 11:5

Vusuuvirifu volomba livamwoyo liu mundu mulungi kuva lilahi, navuzwa mundu muchamu yeletera ligwa mwene.

Tsing'ano 20:7

Avana vaveeye ni ingavi niiva vaveeye na baba oveeye musuuvirifu kandi okolaa gaveeye amalungi.

Tsing'ano 21:8

Inzira yumundu mudamanu eveeye yu vuchamu, navuzwa inzira yumundu mulungi eveeye inungi.

Tsing'ano 3:6

Wizulizi Yahova mu vindu viosi viokolaa, kandi alakumanyia inzira inungi.

Tsing'ano 4:18

Inzira ya valungi vagenda ku eveeye kuli litongaa lie liuva, enyooraa vulavu vuli ing'inga kuduuka lwu mbasu gwakaa.

Isaya 30:18

Navuzwa Yahova alindiliraa kumuvererera zimbavasi. Aveeye mwetegeke kumanyia zimbavasi ku mwinye kigira akolaa agaveeye malungi kazozo. Vaveeye nu vugasu yavo avasuuviraa mu Yahova.

Isaya 35:8

Halakaveho ninzira enene ilangwa, “Inzira yu Vutakatifu.” Umundu mwoni sialakagende kunzira yeyo mba; kandi mundu musiru sialimilira avandu valonda kunzira yeyo nu kuvagotiza mba.

Isaya 42:16

“Ndimilira avandu vange avavoku, kandi ndavamanyia inzira ya vakikiri kolonda ku. Ndagirung'anyia kisundi chavo kugwa uvulavu, kandi ndalungikiza kivala keveeye chamajichi kuva kilahi imbiri wavo. Yili nilio lisuuvirizwa liange ku vandu vange, kandi sindavaleka mba.

Isaya 52:12

Ing'inga yiyi simulatula kuzia vwangu vwangu; simulava nimugerizaa ukwiruka mba. Yahova Nyasaye winyu alamwimilira kandi alamukinga ku zimbega ziosi.”

Isaya 57:2

Yavo avagendaa mu vulungi vingira mu mirembe; vanyoola ovososi lwa vagona mu likuza.

Jeremia 10:23

O, Yahova, manya ligali livamwoyo liu mundu siliveeye lilie mba; sihaveeyeho nu mundu kali mulala oveeye nuvunyari kulimenya lilie mba.

Hosea 14:9

Yavo avaveeye novogeri gavadukiraa vamanyirizi vindu yivi, kandi vaviviki mu zing'anagani ziavo. Kigira zinzira zia Yahova ziveeye zinungi. Avandu vaveeye avoni valikigitara kandi valagwa. Avandu vaveeye avalungi valangenda kuzio.

Zefania 3:5

Navuzwa Yahova akikiri mu lidaala yili, akolaa agaveeye amalungi, siakolaa madamanu mba. Aletaa vulungi ku vandu veve vuli mugamba vugira kolekera. Navuzwa vandu vadamanu vameeda kokora vudamanu ligali, sivaveeye ni zisoni mba.

1 Vakorintho 4:5

Kunangwa mutakalagiri mundu wundi woosi ing'inga nikikiri kuduuka mba. Likalaga liu kumaliriza kuduuka lilindi lwu Mwami yaza. Alalang'aminya havulavu ivindu viaviswa viosi viu mu kisundi kandi alamanyia havulavu viaviswa mu zing'anagani zia vandu. Maku vandu vosi valakanyore lizoinywa lidukanaa navo kutura ku Nyasaye.

2 Vakorintho 1:12

Kwekonya kigira ziganagani zie mioyo jietu zikusuuvirizaa ndi ilimenya lietu mu lirova yili, mbitilira uvuhambani vwitu ni munyi, vumali kwamiifwa nu vutakatifu, uvusuuvirifu ni zimbavasi zia Nyasaye, na sigaveeye kigira vogeri vwa vandu mba.

Vafeso 2:10

Nyasaye umali kokolomba kuli koveeye, kandi mu lihambanywa harara na Kristo Yeso, yalomba kunyi kigira livamwoyo lie vikolwa vilahi, viamali kwetegekizira kunyi kuduuki kokora.

1 Yohana 3:10

Kunangwa, nindio kumanya yavo avaveeye avana va Nyasaye, kandi yavo avaveeye avana va Setani. Umundu woosi utakola uvulungi vwa Nyasaye, kandi utayaanzaa amwavo weve, siaveeye umwana wa Nyasaye mba.

1 Yohana 3:7

Avana vayanze vange, mutaleki mundu kali mulala amugaade mba. Mundu woosi okolaa agaveeye malungi aveeye umulungi, kuli Kristo mwene aveeye mulungi ligali.