Isaya 26:6 - KITABU KITAKATIFU

⁶ Kalunu lidaala linene yilio, liduvaganyirwa hasi ni virenge via vandu vadaka na vadambi.

Isaya 26:6 Iomraidhean Croise

2 Avami 9:33

Jehu yavavolera, “Musiuvi haasi!” Vamusiuva hasi kutura igulu na masahi geege guhuka ku lidigi nu ku zibarasi, kandi zibarasi ziamuduvaga.

Isaya 11:4

Alakalagira avadaka nuvulungi kandi alakinga avatinyaliza nuvulungi. Ku likuva lie lilaga lilie, avandu valahevwa mageri, kandi avandu vadamanu valitwa.

Isaya 25:10

Yahova alakakingi kiguru cha Ziyoni, navuzwa avandu va Moabu valakaduvagirwi hasi mu kivala chavo, kuli luvuva luduvagirwa hasi mu liliina lie siina.

Isaya 28:3

Itaji yi lielola lia vimiliri vahambiku va Isiraeli, iladuvagirwa hasi ni wivirenge.

Isaya 29:19

Avahocha valasangala vuhia mu Yahova; avadaka valasangala mu Nyasaye Umutakatifu wa Isiraeli.

Isaya 3:14

Alakalagira avakulundu kandi aviimiliri vavandu veve. Alombaa vivuni: “Mumali kulanya mulimi gwa amazabibu, kandi zinyumba zienyu ziizuye vindu via mwalanya kutura ku vadaka.

Isaya 3:15

Muvura vunyali kudambiza avandu vange, kandi mwenyoola uvuhinda kulwa avandu vadaka, Inzi mwami Yahova Wuvunyali mali kovora.”

Isaya 37:25

Ivi wigingira ndi wayava vidaho kandi nuunwa mazi mu vivala vigeni, ma kandi zinduvatiru zia vasikari vovo vuvulwani ziaduvaga migera josi ja Egebeti kuduuka nigikama.

Isaya 60:14

Avana avayaayi va yavo avamudambizaa valaza, kandi valinama imbiri winyu nu kumanyia luyali lwavo ku munyi. Yavo vosi avamuchaya maziambiri, valaza nu kwinama imbiri winyu nu kumusigamira. Valamulanga ‘Lidaala linene lia Yahova,’ ‘Ziyoni, Lidaala linene liu Mutakatifu wa Isiraeli.’

Jeremia 50:45

Kunangwa hulira lilohiza liamali kolomba kigira lidaala linene lia Babiloni, kandi chang'anagana kokolera avandu valio. Kali avana vaavo navakungwi, kandi vuli mundu naave nuvuti ligali.

Danyeli 7:27

Zinguru no vonene vwu vwamihi ku lirova vulakahevwe ku vandu va Nyasaye Wuvunyali. Zinguru ziavo ziu vukumi si zilakahere mba kandi vamiihi vosi vi kivala valakavatumikiri nu kuvatia.”

Zefania 3:11

Ing'inga yene yeyo avandu vange sivalakave mu zisoni ziu kuganagana ndi vayibaala kuinzi mba. Ndakadivizi vuli mundu woosi oveeye ni liegingira kandi lielola. Simulakibaale kuinzi kukigulu change kitakatifu kandi mba.

Malaki 4:3

Ku lidiku lia ndikola yaga mulakaguuti avandu vachamu kandi valakave kuli luguchi isi wi vilenge vienyu.

Luka 10:19

Henza, inzi mali kumuha uvunyali kuduvagira hasi zinzoka ni zing'e, kandi uvunyali vwosi vwu kuguutira zinguru ziosi ziu musigu oyo. Sikeveeye ho kindu ku viosi ikinyala kumusaliriza kali hakuzu mba.

Varumi 16:20

Nyasaye wi mirembe sialalindagilira kusionolanyia Setani isi wi virenge vienyu mba. Zimbavasi ziu Mwami wiitu Yeso Kristo zive ni munyi.

1 Vakorintho 1:26

Avaamitu vange, kalunu mwizurizi kuli mwaali lwa Nyasaye yamulanga. Kolondekana ni zing'anagani zia vandu, ni vakekeeke ku munyi avamwali vageri, anoho, aviivulwa munyumba yu vwamihi.

Yakobo 2:5

Muhuliri, avaamitu vange avayaanze! Nyasaye yatovola avadaka vu mukivala vave avatugi mu lisuuvira, kandi vanyoore vwami vwa yasuuviriza yavo ava muyanzaa.

Joshua 10:24

Lwa vaali nivakaleetwa ku Joshua, Joshua yalanga avasaza vosi va Isiraeli vaze kuye, kandi yalaga vimiliri vi liihi vazie harara naye, “Hambi imbiri yinu na muviiki virenge vienyu ku magoti ga vami yava.” Kunangwa vaza imbiri, kandi nivaviika zinduvatiru zie virenge viavo ku magoti gaavo.

Likunula 2:26

Yava avaguutaa, kandi yava avalindaa nu kugumira imiyinzi jange kuduuka ku keheri, ndavaha uvunyali ku izihiiri ziosi.

Likunula 3:9

Henza! Ndakora umuganda gwa Setani, vavola vaveeye Vayuda, navuzwa sivaveeye ndio mba giligali vavehaa; ndavakora vaze kusigama ha virenge vivio, kumanyia ndi inzi nguyaanzaa.