Isaya 26:20 - KITABU KITAKATIFU

²⁰ Avandu vange, muzie mu zinyumba zienyu, kandi muhaane viliango. Mwivisi ku ing'inga engekeeke kuduuka lwu vutima vwa Nyasaye vovomboloka.

Isaya 26:20 Iomraidhean Croise

Litanga 7:1

Maku Yahova yavolera Nuhu, “Zia mu Liato harara na vandu vinyumba yooyo vosi, kigira mali kolola ndi ivi oveeye mundu mulungi imbiri wange hagati hi likula yili.

Litanga 7:16

kuli Nyasaye yaali yamulaga. Maku Yahova yahaana muliango gweliato lwa vaali ni vakingiramu.

Ayubu 14:13

“Vwakaveeye vulahi, ngano wakambisa mu kivala chavakuzu; vwakaveeye vulahi numbisi kuduuka lwu vutima vuvwo vufwa, maku kuvikiho ing'inga yu kunzizuliza.

Zaburi 143:9

O, Yahova, nziza ku ivi osoore, ombonyie kutura ku vasigu vange,

Zaburi 17:8

Uniindi kuli unyala kulinda emoni yooyo mwene. Umbisi kuli engoko ivisaa ivimiinyu viayo isi wi zimbaha

Zaburi 27:5

Mu ing'inga yi kivi alakinga inzi. Yahova alambiika vulahi mu litembeli lilie. Nokongola singiri vudinyu igulu kulwanda.

Zaburi 30:5

Uvutima vwivwe voveeye vuzwa ku ing'inga ngekeeke. Navuzwa uvulahi vwivwe vuhindiraa mihiga ni mihiga. Amaliga ganyala kwidoroka mu vudiku, navuzwa uvusangari vuuzaa mugamba.

Zaburi 31:20

Ivi uvavisaa havundu hi mirembe imbiri woovo, aha ivi mwene oveeye; ihale kutura ku vandu valohiza kuvakolera uvudamanu mu vwivisu. Uvavisaa mu mirembe, kutura ku manyego gavasigu vaavo.

Zaburi 32:7

O, Yahova Ivi oveeye havundu hange hu kwivisa, ulambonyia kutura mu vudinyu vwange vwosi. Ndimba vudinyu zinyimbu ziu kwizominya ovohonyi vuvwo kigira ukingaa inzi.

Zaburi 57:1

O, Nyasaye, ombere zimbavasi kigira nzizanga ku ivi osoore. Nzivisaa mu ivi kuli engoko ivisaa viminyu viayo isi wi zimbaha ziayo kuduuka lwa imbuza yi chihi elekela.

Zaburi 57:2

Inzi nzanira ku Nyasaye oveeye mwigulu ligali, ku Nyasaye uhaanaa ku inzi viosi ivia nyenya.

Zaburi 91:1

Uyu omenya isi wi likingwa lia Nyasaye oveeye Igulu Ligali, uyu omenyaa isi wi chiriri cha Yahova Wuvunyali,

Zaburi 91:4

Alakukunika ni zimbaha zizie; ulanyora mirembe mu vulindi vwivwe, uvusuuvirifu vwivwe vulakukinga kandi vulakosoola.

Zaburi 94:13

Ivi umuhezaa vosoosi kutura mu madiku gu vudinyu, Kuduuka lwovogo vuyavwa kotega avachamu.

Tsing'ano 18:10

Yahova aveeye kuli munara gwizingulu gwumulungi yirukira mu anyoore vohonyi.

Tsing'ano 22:3

Mundu mugeri alolaa vuhimwa mayeleha, navuzwa mundu musiru azizaa maduuka mu vudinyu inyima yiduli.

Isaya 10:25

Ku ing'inga engekeeke, lihaana mageri liange ku munyi lilahera, maku ndavadiviza.

Isaya 10:5

Yahova yavoola, “Ivi Asiria! Ndumikila avandu va Asiria kuli imbimbu kuhaana amageri kuyavo avambeeye nu vutima navo.

Isaya 13:5

Amahi yaga galaaza kutura mu kivala chihale, kali kutura ku keheri chi lirova. Yahova alaza nu vutima harara ni viugi vivie kudiviza kivala choosi.

Isaya 34:2

Yahova aveeye nu vutima ni zihiiri ziosi harara na mahi gaavo goosi. Umali kuvakalagira likuza.

Isaya 51:16

Mali kuviika makuva gange mu munwa gugwo, nguvisi mu chiriri chu mukono gwange; ndaavambura ligulu niinzava muse gwi lirova, mbolera munyi avandu va Jerusalemi: ‘Munyi muveeye avandu vange.’ ”

Isaya 51:4

“Mumbulirizi, munyi avandu vange, muhulirize ku ichambolaa. Mbana amigizu gange ku zihiiri; malago gange galavaletera uvulavu.

Isaya 66:14

Lwa muloraa yaga nigekoleka, mulasangale. Galamukola muve nizinguru kandi avalamu. Maku mulamanya ndi inzi Yahova, ngonyaa yavo avambuliranga, kandi manyianga uvutima vwange ku vasigu vange.”

Jeremia 31:14

Inzi ndaha avasaalisi viukulia vinolu, kandi ndigutiza avandu kolondekana ni lienya liavo liosi. Inzi, Yahova mali kovora.”

Jeremia 7:23

Navuzwa ndaavalaga vaduuki kutia inzi, kunangwa inzi nduuki kuva Nyasaye wavo navo vaduuki kuva avandu vange; kandi ndaavavoolera vamenye kuli wandaali nindaavalaga, kunangwa vaduuki komenya vulahi.

Ezekieli 11:16

“Kalunu ovoolere avandu vilihaminywa vache agambooraa. Ni inzi wavahila komenya mu zihiiri zie ihale kandi nimbasalanyira muvivala vindi. Nitali, ku ing'inga engekeeke ndava harara navo muvivala via vazia mu.

Danyeli 11:36

“Mwami wa Siria alakakole kuli aliyaanza. Alakigingiliri no kovora ndi oyo, aveeye munene kali kuvita munyasaye Wundi woosi, munene kali kuvita Nyasaye Wuvunyali. Alakave nuvunyari kokora ndio kuduuka lwi ing'inga iliduuka lwa Nyasaye alakahaane kuye mageri. Nyasaye alakakole kuli yamali kolohiza.

Zefania 2:3

Mwilane ku Yahova, munyi avandu vosi vegehiza mu kivala, avatizaa malago geege. Mukore agaveeye amalungi kandi mwegehizi aveene imbiri wa Yahova. Hawundi mulahononoka kutura ku linyola mageri lidiku lia Yahova amanyia vutima vwivwe.

Matayo 23:37

“Jerusalemi, O, Jerusalemi! Ivi uwiita avaporofeti, nukulasa amagina va Nyasaye atumaa ku ivi. Ni haali kanga niingerizaa kuvuungiza avana vovo harara, kuli engoko inyavuli ivungizaa ivimiinyu viayo mu zimbaha ziayo, navuzwa siwenya mba?

Matayo 6:6

Navuzwa lwa usaala, wingiri munyumba yooyo, ma niwakahana kiliango, usaale ku Baba woovo utalolekaa; na Baba woovo ololaa agivisa, alakuha amadanyi.

2 Vakorintho 4:17

Lidambizwa lia konyoora lie ing'inga ngekeeke, kandi ni likekeeke vuzwa; lilakakoletere vukumi vonene vwi mihiga ni mihiga kuvita vudinyu vwakonyoolaa.