Isaya 26:12 - KITABU KITAKATIFU

¹² O, Yahova, ulakuha ligasizwa; vindu viosi viakonyoolaa viveeye miyinzi ja makono googo.

Isaya 26:12 Iomraidhean Croise

Zaburi 29:11

Yahova ahaanaa zinguru ku vandu veve, kandi avagasizaa ni mirembe.

Zaburi 57:2

Inzi nzanira ku Nyasaye oveeye mwigulu ligali, ku Nyasaye uhaanaa ku inzi viosi ivia nyenya.

Zaburi 57:3

Alativuli kutura mwigulu na alambonyia, alaguuta avadambizi vange. Nyasaye alamanyia vuyanzi vwivwe vutali nekeheri.

Zaburi 68:28

Manyia zinguru zizio O, Nyasaye, zinguru zia umali kutumikira muvogono vwitu

Zaburi 90:17

O, Yahova Nyasaye wiitu, leka uvugasu vuvwo vove ku kunyi. Okohe liguuta ni ligasizwa mu vindu viosi via kokora!

Isaya 26:3

Ivi, Yahova, uhaane mirembe midukiru ku yavo aviziganagani ziveeye zindukiru. Kandi vaviika lisuuvira liavo mu ivi.

Isaya 27:5

Navuzwa niiva avasigu va vandu vange valeenya likingwa kutura ku inzi, leki valombe mirembe ninzi. Yee, leki valombe mirembe ninzi.”

Isaya 29:23

Lwa muloraa avana va ndimuha, hene yaho mulamanya ndi, Inzi mbeeye Nyasaye, Mutakatifu wa Isiraeli. Mulaamba luyali nukutia inzi ligali,

Isaya 32:18

Avandu va Nyasaye valava avavoholore kutura mu lihenda mwoyo liavo. Hango haavo halava hovomenyo vwi likingwa kandi hi mirembe.

Isaya 57:10

Munyi mwiluhizaa aveene kigira zing'endo zindambi zia mugendagendaa nimwenya avanyasaye vandi va musigamira, navuzwa simutulizaa ku mwoyo mba. Muganaganaa ndi vifananyi viukuvihiliriza vienyu vimuhezaa zinguru, na kigira yaga, simudedekeraa mba.

Isaya 57:19

Mbana mirembe ku vosi, vombi vaveeye ihale na avaveeye ahimbi! Inzi ndahonyia avandu vange.

Isaya 9:6

Mwana wivuliiywi ku kunyi! Koheveeywe mwana muyaayi! Naye alakave mwamihi wiitu. Alalaangwa, “Wokogenyia, umwideeri,” “Nyasaye Wuvunyali,” “Baba wimihiga ni mihiga,” “Mwami wi mirembe.”

Jeremia 33:6

Navuzwa ndahonyia lidaala yili kandi ndilanyia avandu valio nu kuvaha uvulamu. Valamenya mu mirembe kandi mu likingwa liange.

Ezekieli 20:14

Navuzwa si ndaakola ndio mba, kigira yaga gaali ganyala kwikiza luyali lwange hagati hi zihiiri zialola ninyimiliraa avandu va Isiraeli kutura mu kivala cha Egebeti.

Ezekieli 20:22

Navuzwa si ndaakola ndio mba, kigira yaga gaali ganyala kwikiza luyali lwange hagati hi zihiiri zialola ninyimiliraa vandu va Isiraeli kutura mu kivala cha Egebeti.

Ezekieli 20:9

Navuzwa sindaakola ndio mba, kigira yaga gaali ganyala kwikiza luyali lwange, kandi imbiri wi ihiiri yavamenyi hagati haavo, avandaali ninandizi mu vandu va Isiraeli ndi, nziza kuvatuliza mu kivala cha Egebeti.

Ezekieli 36:25

Ndasundura mazi malahi ku munyi, na ndamukora kuva avanifu kutura ku vudamanu vwosi vwi vifananyi via mwononyia.

Livalidza 6:26

Yahova ayaanze amanyie liyaanzilira lilie ku munyi, kandi ahaane mirembe ku munyi.

Yohana 14:27

“Mirembe nijo ja inzi mulekeraa. Mirembe jange inzi mwene muheezaa. Simuhezaa kuli avumukivala vahaana mba. Mutahenda mioyo jinyu anoho kuhayahaya, kandi mutava nuvuti mba.

Vafeso 2:10

Nyasaye umali kokolomba kuli koveeye, kandi mu lihambanywa harara na Kristo Yeso, yalomba kunyi kigira livamwoyo lie vikolwa vilahi, viamali kwetegekizira kunyi kuduuki kokora.

Kwidzulitsa 30:6

Yahova Nyasaye winyu alamuha mioyo jukuhulira nukwegehiza harara ni visukululwi vienyu, kunangwa muduuki kumuyaanza nimioyo jinyu josi, na roho jinyu josi kandi mulazizagilira komenya mu kivala yicho.

Vahebraina 13:20

Nyasaye umali kusimugukiza Mwami wiitu Yeso Kristo kutura mu vakuzu, oveeye Mwayi Munene wa magondi kigira lisundula lia masahi geege agadinyirizaa lilagana lie mihiga ni mihiga.