Isaya 26:10 - KITABU KITAKATIFU

¹⁰ Kali niiva oveeye ni zimbavasi na vandu vadamanu, sivigaa kokora uvulungi mba. Kali hano, mu kivala cha vandu valungi, vandu vakekola vuzwa uvudamanu. Vasuura kuvugilira ovonene vuvwo.

Isaya 26:10 Iomraidhean Croise

2 Avami 13:6

Kali ndio sivalekela likora uvwoni vwa Jeroboamu yavalomba vakole, navuzwa vazizagilira kovokola; kandi kifananyi chu munyasaye wi kikali Ashera chatigara mu Samaria.

Zaburi 106:43

Yahova yahonyia avandu veve haali kanyingi, navuzwa vatovora kwibaala kuye, kandi vazizagilira kwiyingiriza mu vwoni vunyingi ligali.

Zaburi 143:10

Ivi oveeye Nyasaye wange; unzigize kokora uvulariri vuvwo. Roho gugwo umulahi gunzimiliri kunzira yu vulungi.

Zaburi 69:27

Uvameede amageri ligali ku vudamanu vwavo, utaleka vanyoore ovohonyi vuvwo mba.

Kutwula 8:15

Lwu Mwami yalora amakere gamali kukuza, yadinyia mwoyo gwigwe ligali, kandi kuli Yahova yaali niyavoola ndi Mwami siyalahulira Musa na Haruni mba.

Kutwula 9:30

Navuzwa inzi manya ndi ivi harara na vatumikiri vovo simutizaa Yahova Nyasaye mba.”

Kutwula 9:34

Lwu Mwami yalora agaali nigekoleki, yaazizagilira kokora uvwoni. Oyo harara na vatumikiri veve vadinyia mioyo jaavo kuli kazozo.

Tsing'ano 1:32

Avandu vasiru vakuza kigira vasuura ovogeri, na vayingu vadivaa kigira liesuuviriza liavo.

Kohelethu 3:16

Komeeda ku yaga, ndaalora ndi mu kivala yiki, ulanyora uvuchamu nivoveeye ha vundu hi likalaga lirungi lienyekanaa live.

Kohelethu 8:11

Lwi likalaga liu vudamanu livulaa kwekoleka vwangu, vandu vetegeka kokora vudamanu.

Isaya 1:21

Lidaala linene iliali ing'inga indala lisuuvirifu kalunu liveeye ni miima kuli ji liraya! Ing'inga ndala liizula vandu valungi, navuzwa kalunu avalumindi vatigaye mulio.

Isaya 2:10

Valingira mu zimbangaywa zie vigulu kwivisa mu, anoho valayava malina kunangwa vagelizi kwiluka kutura ku vutima nukwivisa kutura kuzinguru zia Yahova, nuvukumi vwivwe.

Isaya 24:5

Avandu vononyi lirova mu livunanyia lilaga lia Nyasaye kandi kuvula kolonda lilaga lilie liayalomba kuva ho mihiga ni mihiga.

Isaya 27:13

Lwilidiku yilio liliduuka, kisiriva kilakakubwi ukulanga avandu vosi va Isiraeli avaari nivahaminyirwa mu vivala via Asiria na Egebeti, viirane. Valakaze kusigamira Yahova mu Jerusalemi, ku kiguru chiche kitakatifu yiki.

Isaya 32:6

Mundu musiru alavoora uvusiru, kandi aganagana kokora vindu vidamanu. Goosi agakolaa kandi agaavoola gaveeye gu kuvihiliriza ku Yahova, kandi si ahaanaa viukulia ku avaveeye ninzara anoho siahaanaa ku avaveeye nu vuluhu kindu chu kunwa mba.

Isaya 32:7

Mundu muyingu aveeye mudamanu kandi akolaa vindu vidamanu. Alohizaa mu vwivisu aduuki kudiviza avadaka na amakuva gu vugadi, kandi ahingiraa vadaka vavuli konyoora uvulungi vwavo.

Isaya 5:12

Mu lilia lienyu musangalaa nimukuba uvukana, amadungu, amarere, kandi zisugudi, kandi ni munwa iwaini. Navuzwa simuveeye ni limanyiriza miyinzi ja Yahova Nyasaye akola mba.

Jeremia 2:7

Ndaavaleta mukivala kigunamu, kusangalira ligesa lia cho kandi vindu via cho vilahi. Navuzwa lwa vaza mukivala yiki, ni vakekola kuva hazwa, kandi ni vachononyia, kivala chandaali ndahana kuvo.

Jeremia 31:23

Yahova Wuvunyali, Nyasaye wa avandu va Isiraeli avoora, “Lwa naziranyie avandu mukivala chavo, vaza viraniri kovora mukivala chi Ivuyuda kandi namadaala gayo gene, ‘Yahova agaasizi kiguru kitakatifu cha Jerusalemi, havundu hatakatifu ahamenyaa.’

Hosea 11:7

Avandu vange vasaviyi kugirung'ana kutura ku inzi. Navaaniri kigira iniira eveeye kuvo, navuzwa umundu kali mulala si alivagingira mba.

Hosea 13:6

Navuzwa lwa mwaduuka mu kivala kilahi yiki, mwalia kuduuka ni mwiguta. Maku mwatanga liegingira kandi ni munzivilira.

Hosea 9:3

Si mulamenya mu kivala cha Yahova mba, navuzwa mulirana mu kivala cha Egebeti, kandi mulalia viukulia vidamanu mu kivala cha Asiria.

Mika 2:10

Muturi yaaha na muzie; hano sihaveeyeho ni likingwa kandi mba. Uvwoni vwinyu vumali kwononyia havundu hano nu kuhadiviza.

Matayo 4:5

Maku Setani yamuhira mu lidaala litakatifu lia Jerusalemi, naamusingiriza ku kesegese chi Litembeli,

Kwidzulitsa 32:15

“Avandu va Yahova vaagwa avatugi, navuzwa avibaali. Vakomera kandi vaali ni viukulia vinyingi. Valeka Nyasaye wavo uwavalomba, kandi nivasuula muhonyi wavo wi zinguru.

Likunula 2:21

Mali kumuha vwiyangu aduuki kwiganira ovoheyi vwivwe, naye siyenya kwiganira no koleka ovoheyi mba.

1 Samweli 15:17

Samweli yativura, “Kali nuwiganagana kuva mukekeeke, ivi oveeye mwimiliri wi zihiiri zia Isiraeli. Yahova yakuvaka maguta ove mwami wa Isiraeli.