Isaya 26:1 - KITABU KITAKATIFU

¹ Lidiku liizaa lwa vandu valakimbi lwimbu yilu mu kivala chi Ivuyuda: Lidaala linene lietu liveeye lie zinguru! Nyasaye mwene akingaa madigi galio nizimbinga zialio!

Isaya 26:1 Iomraidhean Croise

Ezara 3:11

Vimbira Yahova nilizominya kandi nilisandiza: “Yahova aveeye mulahi; uvuyanzi vwivwe ku avandu va Isiraeli vuhindiraa mihiga ni mihiga.” Vuli umundu yahanzuka nizinguru zizie ziosi: Vizominya Yahova kigira miyinzi jumusingi gwi Litembeli jaali nijimali kutanga.

Zaburi 31:21

Yahova yizominywe! Lwa ndaakumbirizwa nu kwingilirwa kuli lidaala linene lingilirangwa, yamanyia uvuyanzi vwivwe vwokogenyia uvutali ne keheri.

Zaburi 48:12

Munyi avandu va Nyasaye, muvodong'ane lidaala linene lia Ziyoni nukuvaliza minaara jalio.

Zaburi 48:4

Avami viivungiza harara ma ni vaza kwingilira avandu vi kiguru cha Ziyoni.

Isaya 12:1

Lidiku liizaa lwa vandu valimba, “Nzizominyaa ivi, Yahova! Ivi waali nu vutima ninzi, navuzwa uvutima vuvwo vutuli ho, na kalunu umali koneminya mwoyo.

Isaya 14:31

O, munyi avandu vi lidaala linene lia Filisitia, mulire kandi mwanire ovokonyi! Uluguchi luzaa kutura Ivaale, oveeye iliihi litaveeye mu na vandu vataveeye nu vuti.

Isaya 2:11

Ing'inga yiza lwu luyaayi lwu mundu lulakahere, kandi liegingira liu mundu liradivizwa. Maku Yahova yeng'ine alakahevwe luyali.

Isaya 2:20

Lwa lidiku yilio liliduuka, valakasiuvi vifananyi vie izahabu ni ifeza via velombera aveene kuvisigamira, valakavilekele zimbuku na manyinya.

Isaya 25:9

Lwi lidiku yilio liduka, avandu vosi valakavoole, “Uyu niyie Nyasaye wiitu! Kumali kuviika lisuuvira lietu muye, kandi umali kokosola. Aveeye Yahova, kandi kwamala kuviika lisuuvira lietu muye, kandi kalunu koveeye nuvuyanzi kandi nuvusangali ligali kigira umali kukohonyia.”

Isaya 31:5

Inzi Yahova Wuvunyali ndakinga kandi ndahonyia avandu va Jerusalemi, kuli linyonyi likumberiza nokohonyia avana valio.” Kunangwa inzi Yahova Wuvunyali ndakinga kiguru cha Ziyoni.

Isaya 31:9

Mwami wavo aliruka mu vuti vonene, na vatumikiri valatiihizwa nokoleka ibendera yaavo yu vulwani.” Yahova wukusigamirwa mu Jerusalemi, kandi wu muliru gwadukaa yo kigira visiuviliru - Yahova umali kovora.

Isaya 33:5

Yahova aveeye munene ligali! Yamiha vuli kindu. Alahana ku Jerusalemi likalaga lirungi kandi nuvulungi

Isaya 33:6

na alahaana mirembe ku ihiiri. Yahova akingaa avandu veve kazozo, kandi avaheezaa ovogeri ni limanya. Livikiru liavo linene kuvita liveeye liitia Yahova.

Isaya 4:2

Ing'inga yiza lwa Yahova alakakole vuli kitagwa kandi umusaala mu kivala kuviruka ligali nukuva umulahi. Avandu vosi va Isiraeli, avatigara, valalia nu kusangalira amakuyu malahi gi lirova.

Isaya 5:1

Huliriza lwa ngwimbira lwimbu yilu. Lwimbu lwu mulina wange harara nu mulimi gwi kizabibu chiche: Mulina wange yaali nu mulimi gwi kizabibu ku kiguru cha malova magunamu.

Isaya 56:5

hene yaho, lieta liilio lilizulizwa mu Litembeli liange kandi mu vandu vange ku ing'inga indambi kuvita lwa waali ove na vayaayi kandi navakaana. Siulivilirwa kali hakuzu mba.”

Isaya 60:18

Mwoyo gwa vikilage sigulahulika mu kivala chiinyu kandi mba. Lidiviza anoho kwononyia si vilavaho mu kivala chiinyu kandi mba. Ndamukinga kandi ndamusoola kuli lidigi, mulahaana lizominya ku inzi kigira mali kumuhonyia.

Isaya 62:10

Munyi avandu va Jerusalemi, muzie mu lidaala linene mulombe inzira ku vandu vinyu avilanaa! Mwetegekize inzira enene, mutulizi amagina muyo! Mugiingi ebendera kuva kuli ekelolero, kunangwa zihiiri ziduuki kumanya;

Isaya 62:11

Yahova alandizaa ku vandu vosi vi lirova ndi: “Muvoolere avandu va Jerusalemi, ndi Yahova yazaa kumuhonyia, kandi alaza harara na vandu va yamala kosoola.”

Jeremia 33:11

lihanzuka liu vuyanzi kandi liu vusangali vwa oyo osererwa kandi osereranga. Avandu valimba nokoleta vihaanwa vie lisaandiza mu Litembeli liange; valavoora, ‘Muhaane lisaandiza ku Yahova Wuvunyali, kigira aveeye mulahi, kandi vuyanzi vwivwe vutali nekeheri vuhindiraa mihiga ni mihiga.’ Ndakora kivala yiki kuva chu vugasu kuli chaalange maziambiri. Inze Yahova, mali kovora.”

Ezekieli 40:5

Ivugwi wi kirivwa, ndaalora lidigi ni likumberizi litembeli. Mundu oyo yavugula kidundu chokogelera chaali mu makono geege, ichaali zimita 3 uvutambi ma nagera lidigi. Liali zimita 3 kuzia igulu kandi vuvambalaru vwalio vwali zimita zivaga.

Zekaria 2:5

Yahova umali kulaga ndi mwene alava lidigi liu muliru kulikumbiriza kandi kulikinga. Alamenya mu lidaala yili nu vukumi vwivwe vwosi.”

Zekaria 2:9

“Yahova mwene alamulwaana, kandi avandu vaali vatumikiri vovo maziambiri, valamuhira mu vuhambe.” Lwayaga galiekoleka, vuli mundu alakamanye ndi Yahova Wuvunyali yanduma.

Livalidza 21:17

Ing'inga yene yeyo, avandu va Isiraeli viimba lwimbu yilu: “Vidaho muleete amazi ginyu; Nakunyi kulasangala ni kwimba.

Matayo 16:18

Nainzi ngovolera Petero; ivi oveeye ulwanda, na ku lwanda yilu ndumbaka ku ilikanisa linage, nizinguru zie likuza sizinyala kuliguuta.