Isaya 24:9 - KITABU KITAKATIFU

⁹ Sivalanwa iwaini nukwimba zinyimbu ziu vusangali kandi mba; Amalwa gagwiyi amalulu ku yavo avaganwezaa.

Isaya 24:9 Iomraidhean Croise

Zaburi 69:12

Vamoloma makuva gange kuzinzira, kandi avahambiku valomba zinyimbu ku inzi.

Kohelethu 9:7

Uzizagiliri kulia chukulia chicho kandi usangale; Unwi iwaini yooyo kandi ove nu vusangali. Goosi gaveeye malahi ku Nyasaye.

Isaya 5:20

O, vayaayi, kivi keveeye ku yavo avalangaa uvudamanu kuva uvulahi, na avalangaa uvulahi kuva uvudamanu! Mugirung'anyia kisundi kuvo uvulavu, nu uvulavu kuva kisundi. Mukoraa yicho ekeveeye kilulu ligali kuva kenoru kuli uvwuki, na yicho ekeveeye kenoru kuva ikilulu ligali.

Isaya 5:22

O, vayaayi, kivi keveeye ku yavo avizingulu mu linwa iwaini! Kandi avaluviriri mu lizuganyia vilulu viu kuhambikiza.

Ezekieli 26:13

Ndaheriza zinyimbu zienyu zieliyoga, kandi zinyimbu zienyu ziuvukana; si zilahulirika kandi mba.

Amosi 8:10

Ndagirung'anyia madiku ginyu giliilia linene kugwa madiku gu kulira nukusioma, nizinyimbu zienyu ziuvusangali zigwi ziukulira novovereri. Ndamulomba muvege mitwi jinyu, na mwiviki zinguvu zia magunia, na mulava kuli aviivuli vasiomera muyaayi wavo muderwa. Lidiku lilava lilulu. Kuduuka ku keheri chalio!

Amosi 8:3

Ku lidiku liene yilio, zinyimbu mu Litembeli zilagwa izinyimbu zie lisioma. Halava ni miviri ja vakuzu minyingi havundu hoosi. Na jilateevwa makiriri.”

Zekaria 9:15

Yahova Wuvunyali alakakingi avandu veve, kandi alakadivizi avasigu vaavo. Valakahanzuki mu liihi kuli vahambiku, kandi valakatahizi avasigu vaavo masahi, galakidoleke kuli masahi gi visiuviliru, gasundulwa ku vwali kutura ku ibakuli.