Isaya 24:5 - KITABU KITAKATIFU

⁵ Avandu vononyi lirova mu livunanyia lilaga lia Nyasaye kandi kuvula kolonda lilaga lilie liayalomba kuva ho mihiga ni mihiga.

Isaya 24:5 Iomraidhean Croise

2 Samweli 23:5

Kandi nindio Nyasaye aligasiza kisukururwi change, kigira umali kolomba lilagana lie mihiga ni mihiga ninzi, lilagana ililivula kuvunanywa, lisuuvirizwa ililivula kugirung'anywa. Yicho nicho choosi (ichanzegombaa); ikiliva liguuta liange, Na Nyasaye alakakitwekizi.

2 Avami 21:12

Na kigira yaga, Inzi, Yahova Nyasaye wa Isiraeli, ndaleta ikivi ku Jerusalemi kandi Ivuyuda, na mundu woosi uhulira amakuva gi kivi yiki alahuga.

2 Avami 21:15

Ndakora yaga ku vandu vange kigira vamali konzonela, kandi vamali kuvukiza vutima vwange kutura ing'inga ya vaguuga vaavo vatura lwa vaatura Egebeti kuduuka lero.”

2 Kyetsinyinga 33:9

Manase yaachaminya avandu vi Ivuyuda kandi avaamenya mu Jerusalemi okokora vwoni vonene kali kuvita uvwakolwa ni zihiiri zia Yahova yadiviza imbiri wavo.

Zaburi 105:10

Yahova yalomba lilagana na Yakobo, nalio lilava ku Isiraeli mihiga ni mihiga.

Zaburi 55:5

Inzi mbeeye nu vuti kandi ni lidegera linene; mbeeye mu vuti vonene ligali.

Isaya 10:6

Nduma avandu va Asiria kuzia kwingilira ihiiri ya vandu vataveeye na Nyasaye, avandu vaangora kuva nu vutima. Mbatumaa kuzia kulanya nu kwiva kandi kuduvagira vandu hasi kuli madohi kuzinzira.”

Isaya 30:9

Avandu yava vibaaraa ku Nyasaye vuli kazozo, vaveeye vana vuvugadi, avana valivula kuhulira miigizu ga Yahova.

Isaya 33:8

Zimbarabara ziveeye nuvuhimwa ligali kali sihaveeye ho nogendanga kuzio mba. Vuhambani hagati hi vivala vutuliziywi ho, kandi livugilirizana liononywi. Siaveeye ho numulala ohevwa luyali mba.

Isaya 50:1

Yahova avoora, “Muganaganaa ndakunga avandu vange kuzia ihale, kuli musaza akungaa mukali weve? Eveeye hayi ibarwa ya ndaamukungira? Muganaganaa ndaamuguliza mu kivala chu vutugwa kuli mundu agulizaa avana veve kuli vatugwa? Kandi mwagulizwa kuli avatugwa kigira amahiolo ginyu. Kandi kigira uvwoni vwinyu mama winyu yakungwa.

Isaya 9:17

Kunangwa Yahova sialaleka avasoleri vahononoke mba; sialamanyia liverererwa ku vakunzakali navavisandu mba, kigira avandu vosi sivali nuvunyasaye mba, vaveeye avachamu na kindu choosi cha vavola keveeye uvudamanu uvwere. Na kali ndio, uvutima vwa Yahova sivulahera mba, navuzwa akinyiiyi vuzwa mukono gwigwe ukuhaana mageri.

Jeremia 11:10

Vamali kwirana kokora uvwoni vwa avaguuga vaavo, avasuuraa kuhulira amakuva gange. Vamali kugirung'ana kuzia kusigamira kandi kutumikira avanyasaye vandi. Avandu va Isiraeli na vandu vi Ivuyuda vamali kuvunaga lilagana lia ndaalomba na avaguuga vaavo.

Jeremia 50:5

Navalateeve inzira izizaa Ziyoni ma navazie mulovega lwene yilwo. Valalomba ninzi lilagana litaveeye nekeheri kandi sivaaza valivunanyie mba.

Ezekieli 16:59

Yahova Wuvunyali avoora, “Inzi ndamukolera kuli gamuduukira, kigira mwaregeliza lilagana lienyu kandi nimuvunanyia Lilagana Liandalomba.

Ezekieli 20:13

Navuzwa avandu va Isiraeli vibaara ku Inzi mwigendanyama. Sivagumira lilago liange mba, kandi vasuura malago gange agaleetaa livamwoyo ku mundu woosi wegehiza kugo. Vamali kwononyia lidiku liange lie Lisabato. Ndavika kuva nu vutima vwange vululu mwigendanyama kandi ndavadiviza ligali.

Ezekieli 20:24

Ndaakola yaga kigira vaali nivavunamyi lilago liange kandi nivasuyi amalago gange, kandi vaali nivononyi lidiku liange lie Lisabato, kandi nivasigamiri vifananyi vilala viere via vaguuga vaavo vaasigamira.

Ezekieli 37:26

Inzi ndakalombe lilagana harara navo liukuvasuuviliza mirembe mihiga ni mihiga. Inzi ndakavasingilizi kandi ndakameede ulwivulu lwavo, kandi ndakaviiki Litembeli liange mu kivala chavo uwa lilakamenye mihiga ni mihiga.

Danyeli 7:25

Alakachaye Nyasaye wu mwigulu kandi kudambiza vandu veve. Alakagelizi kugirung'anyia malago gi dini kandi masavo. Alakimiliri vandu va Nyasaye ku mihiga givaga ni nusu.

Danyeli 9:10

O, Yahova Nyasaye wiitu, si kwahulira lwa wakovolera komenye kolondekana na malago gawahaana kuvitira mu vatumikiri vovo avaporofeti mba.

Danyeli 9:5

“Kumali kokora uvwoni, koveeye avadamanu, kumali kokora vuchamu, kwaleka guwakulaga kokole, kandi kwagirung'ana kutura ku gawakumanyia agaveeye malungi.

Hosea 6:7

“Navuzwa ha Adamu vaavunaga lilaga liange, ahene yayo vavura kuva vasuuvirifu kuinze.

Kyavalevi 20:22

Mulagumira miima jange josi na malago gange goosi nokugakola, kunangwa kivala cha muhiraa komenya mu kivuli kumusura.

Kyavalevi 26:35

Kulohoono lwa kemenya king'anye, kilava nilisoosa lia chavula kuva nalio mu masabato ginyu lwa mwali nimumenyi mu.

Mika 2:10

Muturi yaaha na muzie; hano sihaveeyeho ni likingwa kandi mba. Uvwoni vwinyu vumali kwononyia havundu hano nu kuhadiviza.

Luka 1:6

Vosi vaali avalungi imbiri wa Nyasaye, kandi vaatia ligali nokolonda malago na makuva gu Mwami vugira imbara.

Kwidzulitsa 32:15

“Avandu va Yahova vaagwa avatugi, navuzwa avibaali. Vakomera kandi vaali ni viukulia vinyingi. Valeka Nyasaye wavo uwavalomba, kandi nivasuula muhonyi wavo wi zinguru.

Kwidzulitsa 32:20

Yavoola, ‘Sindavakonya kandi mba’ kandi ndalora ichaaza chekoleke kuvo kigira vaveeye likula lie kirage, kandi sivaveeye vasuuvirifu mba.

Vahebraina 13:20

Nyasaye umali kusimugukiza Mwami wiitu Yeso Kristo kutura mu vakuzu, oveeye Mwayi Munene wa magondi kigira lisundula lia masahi geege agadinyirizaa lilagana lie mihiga ni mihiga.

Vahebraina 9:1

Lilagana liu kutanga liali namalago gu kusigamira Nyasaye, kandi havundu hatakatifu hukusigamira Nyasaye mu lirova.

Joshua 23:16

Niiva simulalinda lilagana lia Yahova Nyasaye winyu yalaga munyi mulindi, kandi niiva mu latumikira nukusigamira avanyasaye vandi, maku alamuha amageri mu vutima vwivwe, alamuha amageri, na alamudiviza ligali. Muturi mu kivala kilahi yiki icha amali kuhaana ku munyi.”

Joshua 24:25

Kunangwa Joshua yalomba lilagana na avandu va Isiraeli ha Shekemu lidiku yilio. Lilagana yilio liali mu na malago kandi miima ja vandu vaduukana valonde.