Isaya 24:16 - KITABU KITAKATIFU

¹⁶ Kutura ihale ku zinduru zie lirova kuhulira zinyimbu: “Vukumi voveeye ku oo mulungi wengine.” Navuzwa ndavoora, “Inzi mbeeye vuzwa, Inzi mbeeye vuzwa! O, vayaayi kivi keveeye ku inzi! Umugadi azaama! Nuvugaadi umugadi azaama!”

Isaya 24:16 Iomraidhean Croise

Zaburi 106:15

Kunangwa Yahova yavaha cha vamuteeva, kandi yatuma uvulwaye vudamanu hagati haavo.

Zaburi 119:158

Lwa ndolaa avazami yavo, mbihirirwa ligali, kigira si valinda amalago googo mba.

Zaburi 2:8

Ondeeve, na inzi ndakuha zihiiri ziosi ni vindu vie lirova liosi kuva iviivio.

Zaburi 58:10

Avalungi valasangala lwa valora avoni nivahevangwa mageri; Valasiena virenge viavo kuvitira mu masahi gavadamanu.

Zaburi 65:8

Avandu vosi vi lirova vagenyaa ku vikolwa vivio vinene via umali kokora. Vikolwa vivio viokogonyia vileetaa uvusangari kutura ku keheri kilala chi lirova kuduuka ku ikindi.

Zaburi 67:7

Nyasaye umali kugasiza kunyi; leka avandu vosi ku lirova vamuhe luyali

Zaburi 98:3

Yaduukiza lisuuviriza lilie ku vandu va Isiraeli nu vusuuvirifu kandi nuvuyanzi vwivwe vutaveeye nekeheri kuvo. Avandu vosi havundu hoosi vamali kolola liguuta lia Nyasaye wiitu.

Kutwula 15:11

“O, Yahova, nivwaha munyasaye oveeye kuli yivi? Nivwaha oveeye kuli ivi, wokogenyia mutakatifu? Nivwaha unyala kokora vilolekizu iviokogenyia ni vinene kuli vivio?

Isaya 10:16

Kigira yaga, Yahova Wuvunyali alatuma lukuzu kuhaana amageri ku yavo avaveeye avatugi kandi avalizaa vulahi. Miviri jaavo jilasaambwa nu muliru gwolomemo.

Isaya 11:12

Yahova alasingiriza kelolero chebendera ukumanyia zihiiri ndi avungiza avandu veve harara ulwa kaviri, avandu vasalanywa va Isiraeli ni Ivuyuda, na aviiranyiaa kutura mu zikona zine zie lirova.

Isaya 17:4

Yahova yavoola, “Lidiku liizaa lwa ovonene vwa Isiraeli vulahera, na uvudaka vulavugula vogono vwu vutugi vwavo.

Isaya 21:2

Mali kolola malola gi vindu viukusaliriza ligali, malola gavandu vukuzama nukudiviza. Liihi lia Elamu, mwingiliri! Liihi lia Media, kumbirizi madaala manene! Nyasaye alakaherizi lisalirizwa liosi lia vandu va Babiloni vamali koleta.

Isaya 26:15

O, Yahova, umali kuvirukiza ihiiri yitu; umali komeeda zinzako zie kivala chayo zimbega ziosi, na yaga gakoleeteye uluyali.

Isaya 28:5

Lidiku liizaa lwa Yahova Wuvunyali alakave kuli itaji yuvukumi vwikimuli kigira avandu veve avalihononoka.

Isaya 33:1

Kivi keveeye kumunyi avadiviza, na munyi aveene mukikiri kudivizwa; munyi avagaadi vu mundu akikiri kumugadaa. Lwa mumala kolekera kudiviza mulakadivizwi kandi lwa muduuka ku keheri chu vugadi, munyi kandi mulakagadwi.

Isaya 42:10

Mwimbiri Yahova lwimbu luhia; avandu vosi, mwizominye Yahova, avandu vosi aveelemaa ku inyanza, mwizominye Yahova. Vilombe viosi viu munyanza, mwizominye Yahova, avandu vosi avamenyi mu visulu mwimbi nu kwizominya Yahova.

Isaya 48:8

Munyi simwahulira, kandi simwamanya kutura mu madiku gakale mba. Inzi ndaamanya ndi munyi muveeye avagaadi, kandi muveeye avibaali kutura mu liivulwa lienyu.

Isaya 52:10

Yahova umali kumanyia mukono gwigwe mutakatifu imbiri wi zihiiri ziosi. Keheri choosi chi lirova kilalola ovohonyi vwa Nyasaye wiitu.

Isaya 6:5

Inzi ndavoora, “O, vayaayi, kivi keveeye ku inzi! Choosi cha mboraa keveeye chu vwoni, kandi menyaa hagati havandu va vuli likuva liavo liveeye liuvwoni. Navuzwa mali kolola mwami, Yahova Wuvunyali!”

Isaya 60:21

Avandu vinyu vosi valava avalungi, kandi valavugula miandu ji kivala chavo mihiga ni mihiga. Inzi ndaavaleta kandi nimbaviiki mu kivala yiki; ndakora ndio kandi nduuki kukuminywa.

Jeremia 12:1

“O, Yahova, ivi oveeye mukalagi mulungi kazozo lwa ndeta amakuva gange imbiri woovo. Nitali kuduuka ndeve ivi ivindu kigira uvulungi. Kigira ki avandu vachamu vagasizwa? Kigira ki avandu vataveeye vasuuvirifu vaguuta?

Jeremia 12:6

Kali avamwavo vovo, avandu vinyumba yooyo yene, vamali kukuzaama; vasanga mulingililwa liilio. Utavasuvira mba kali niiva vamoloma amakuva malahi.”

Jeremia 3:20

Navuzwa kuli mukali utaveeye musuuvirifu, simuveeye avasuuvirifu ku inzi mba. Inzi Yahova mali kovora.”

Jeremia 5:11

Avandu va Isiraeli na Ivuyuda si vaveeye avasuuvirifu ku inzi mba. Inzi Yahova mali kovora.”

Lisyoma lya Jeremia 1:2

Avandu va Jerusalemi vasioma vululu vudiku vwosi, amaliga gidolaa kutura mu zimoni ziavo. Siaveeye ho nu mundu kali mulala ku avalina vaavo unyala kuvaleminya mwoyo mba. Avalina vaavo vosi vamalikuvazama, kandi vamali kugwa avasigu veve.

Hosea 5:7

Si vaveeye avasuuvirifu ku Yahova mba. Avana vaavo sivaveeye aveeve. Kalunu ku ing'inga yi lisavo mu mweli muhia, valadivizwa harara ni milimi jaavo.

Hosea 6:7

“Navuzwa ha Adamu vaavunaga lilaga liange, ahene yayo vavura kuva vasuuvirifu kuinze.

Kyavalevi 26:39

Avakeekeke ku munyi vatigara mwoyo, mu kivala cha avasigu vinyu valadedekera kigira uvwoni vwinyu vene kandi kigira uvwoni vwa vaguuga vinyu.

Mika 5:4

Lwa aliiza, alakamiihi avandu veve nizinguru zitulaa ku Yahova kandi nuvunyari vwa Yahova Nyasaye mwene. Avandu veve valakamenyee mu mirembe kigira vandu kutura mu lirova liosi valakamanya ovonene vwivwe, kandi alaleeta mirembe.

Habakuk 1:13

Navuzwa ivi unyala kuhulirizana ndi na vandu vaveeye vagadi kandi vadamanu kuli yava? Ivi oveeye mutakatifu ligali kolola vudamanu, kandi wikuziraa kolola vandu ni vakora vudamanu. Kigira ki ukiring'anaa lwa vandu yava vadiviza vandu vovo avaveeye valungi ligali kuvita yavo.

Habakuk 1:3

Kigira ki ondeki ndore vudinyu kuli yivu? Wikuzira ndi kolola vudamanu kuli yivu? Vwoneku ni kivihiri vimali kungumberiza. Volembani kandi vulwani viveeye havundu hoosi.

Marko 13:27

Maku Kristo alatuma zingelosi veve kuvungiza avatovole veve kutura mu zimbega ziosi zine zie lirova kutura ku keheri chi lirova kuduuka ku kindi.

Vikolwa 13:47

Kigira Mwami yakulaga navoora ndi: ‘Mali kukotovola ove uvulavu vwi Zihiiri, uduuki koleta vohonyi ku lirova liosi.’ ”

Likunula 15:3

Vaali nivimba ulwimbu lwa Musa umutumwa wa Nyasaye, kandi ulwimbu lwu Mwana wi Ligondi, ni vavoola: “Mwami Nyasaye Wuvunyali, miyinzi jijo jiveeye minene kandi jokogenyia! Ivi Mwami wizihiiri ziosi, zinzira zizio ziveeye ziu uvulungi ni zieligali!