Isaya 24:10 - KITABU KITAKATIFU

¹⁰ Vindu viagoyana mu lidaala linene, vuli mundu yihaniyi munyumba avuli kusalilizwa.

Isaya 24:10 Iomraidhean Croise

Litanga 11:9

Lidaala yili lialangwa “Babiloni” kigira Yahova yaagoyanyia lulimi lwa vandu vosi ku lirova, na kutura lwene yilwo, yaavasalanyia ku lirova liosi.

2 Avami 25:4

Madigi gi lidaala linene gafudulwa umuluhu kali niiva avandu va Babiloni vaali ni vakumberizi lidaala linene, avasikari vosi viruka ing'inga ya vudiku kuvitira kunzira yu mmulimi gwu vwami, ni vavitira mu kirivwa chahambanyia madiji, ni vazia ha livona lio mugera gwa Jorodani.

Isaya 23:1

Yili ni likuva kigira Lidaala linene lia Tiro. O, munyi aveelemi va amato ga Tarishishi, mukubi zikwiri ni liverera, kigira havundu ha amato ginyu gasingiraa mu Tiro hamali kwononywa, zinyumba kandi hokososera hatigaye amang'anye. Likuva yili livuliywi ku munyi lwa mato ginyu gilanaa kutura Saipurasi.

Isaya 24:12

Lidaala linene lilekeywe mu vwoneku uvwere, na virivwa vialio vivunagiywi.

Isaya 25:2

Umali kokora madaala manene kuva mang'anye nukwononyia zimbiga ziago. Zinyumba ziuvwami zia vasigu viitu vumbaka zituliho mihiga ni mihiga.

Isaya 26:5

Umali kugehiza yavo avaari avigingiri; umali kudiviza lidaala linene liavaamenyaa mu; umali kusambulanyia nukutuura madigi galio hasi mu luguki.

Isaya 27:10

Lidaala linene liembinga litigaye mang'anye. Liing'anyiywi kuli ligendanyama iliere. Ligwiyi uvwayiru vwi mitugu, aha ginyala kososera nukwaaya.

Isaya 32:14

Kali inyumba yu vwami ilakalekwe, kandi lidaala liveeye linene ligali lilakang'anywi. Hango ho vomenyo kandi, minaara jaavakinga vilava amang'anye mihiga ni mihiga. Zibunda ziu mumulitu zilagendagenda mu, kandi amagondi galakanyole yo uvwayiru.

Isaya 32:19

Navuzwa imbura ya magina ilakuba mu militu, kandi lidaala linene liradivizwa ligali.

Isaya 34:11

Navuzwa amave, amakuure, amajikoro, vilungu kandi zinyama zindi zio muvulimu zilamenya mu kivala yiki. Yahova alakekola kuva chere kuli chaali mulitanga.

Jeremia 39:4

Lwa mwami Zedekia harara na avasikari veve valora iliihi lia avandu va Babiloni ni vazaa, vaageriza kwiruka kutura mu lidaala linene mu vudiku. Virukira kunzira yu mulimi gwu mwami, nivavitira mu kirivwa cha hagati cha madigi gaviri, ni vazia kuduuka mu livona lia Jorodani.

Jeremia 39:8

Inyima wa yaga, avandu va Babiloni vasamba inyumba yu vwami kandi zinyumba zia avandu ma nivaasambula amadigi gi lidaala linene lia Jerusalemi.

Jeremia 52:7

amadigi gilidaala linene gafudulanywa mu. Kali niiva avandu va Babiloni vaali ni vakumberizi lidaala linene, avasikari vosi viruka ing'inga yu vudiku. Vavitira mu inzira yu mulimi gwu vwami, nivavitira mu kirivwa chahambanyia amadigi, kandi ni virukira mulovega lwilivona liumugera gwa Jorodani.

Mika 2:13

Nyasaye alavigulira inzira, nukuvimilira vatuli mu lihaminywa. Valavunaga nu kuvitira mu virivwa vie lidaala linene kandi vazie novovoholore. Mwami wavo, Yahova Wuvunyali alavimilira.

Mika 3:12

Kunangwa, kigira munyi, Ziyoni ilalimwa kuli umulimi, Jerusalemi lilava kitumi cha amang'anye na kiguru chi Litembeli kilagwa umulitu.

Luka 19:43

Ing'inga ilaaza ku munyi lwa vasigu vinyu valimukumbiriza nulugaga, kandi valamwigalira nukumwingilira kutura muzimbega ziosi.

Luka 21:24

Avalala valakitwi nikivaavi, na avandi valagumirwa kuli avahambe nukuhirwa muvivala viosi. Lidaala linene lia Jerusalemi liladuvagwa na Avandu vizihiiri avatamanyi Nyasaye kuduuka lwi zing'inga ziavo ziliduukizwa.

Likunula 18:2

Kandi yahanzuka nu mwoyo gwi zinguru navoora, “Limali kugwa! Lidaala linene lia Babiloni limali kugwa ovomenyo vwa mademoni, kandi ugwiyi ovomenyo vwa amanyonyi madamanu na gukuvihiliriza goosi.