Isaya 23:11 - KITABU KITAKATIFU

¹¹ Yahova umali kunyiira mukono gwigwe kunyanza nukwononyia uvwami. Umali kuhaana lilaga kwononyia havundu hu vukala mu Foenisia.

Isaya 23:11 Iomraidhean Croise

Litanga 9:25

Yavoola, “Kilaamo keve ku Kanaani! Alakave mutugwa ku avamwavo veve.

Zaburi 46:6

Zihiiri zihumaa mu vuti, zitihizwa nu vwami vodengeyizwa; Nyasaye amolomaa nu mwoyo kuli gwi inguba yatulukaa, lirova lisalulukaa.

Zaburi 71:3

Ove kuli lwanda lwu vuhaliru vwange. Ove imbinga yange yizingulu yokombonyia ivi oveeye lwanda lwange kandi imbinga yange.

Kutwula 14:21

Musa yanyira mukono gwigwe kunyanza, kandi Yahova yakola inyanza niyiirana inyima harara ni imbuza enene yikivihiri kutura Ivugwi. Yahuuza uvudiku vwosi ma nigirung'anyia inyanza kugwa lirova liumu. Amazi gavukana,

Isaya 10:6

Nduma avandu va Asiria kuzia kwingilira ihiiri ya vandu vataveeye na Nyasaye, avandu vaangora kuva nu vutima. Mbatumaa kuzia kulanya nu kwiva kandi kuduvagira vandu hasi kuli madohi kuzinzira.”

Isaya 13:13

Kulwayago, ndakora ligulu kodegera, kandi ndasung'usa lirova kutura mu vogono vwalio ku lidiku lia inzi, Yahova Wuvunyali manyia uvutima vwange.

Isaya 14:26

Yili ni lilohiza liange ku lirova liosi, kandi nanyiira mukono gwange kuhaana amageri ku zihiiri ziosi.”

Isaya 19:5

Amazi galageha mu mugera gwa Naili, na guluma galaha ligali.

Isaya 2:19

Avandu valakingiri mu zimbangaywa zia magina gi vigulu, kandi mu malina gu mu lirova kunangwa vahononoke kutura ku vutima vwa Yahova, kandi kwivisa kutura kuzinguru zizie nu vukumi vwivwe, lwa yaza kodegeriza lirova.

Isaya 23:10

O, munyi avandu va Tarishishi; mwizuli mu kivala kuli mugera gwa Naili, kigira sihaveeye ho nu mundu unyala kumukinga kandi mba.

Isaya 23:3

Kuzia kukiranyia uvuswage vwameraa mu kivala cha Egebeti, kandi kukiranyia ni zihiiri zindi ziosi.

Isaya 25:2

Umali kokora madaala manene kuva mang'anye nukwononyia zimbiga ziago. Zinyumba ziuvwami zia vasigu viitu vumbaka zituliho mihiga ni mihiga.

Isaya 5:25

Kigira yaga, Yahova aveeye nu vutima na vandu veve na umali kunyiira mukono gwigwe ukuvaha amageri. Ivigulu viladegera, miviri ja yavo avakuzaa jilalekwa muzinzira kuli mavivi. Na kali ndio uvutima vululu vwa Yahova sivulalekera mba; navuzwa alanyiira mukono gwigwe kuhaana amageri.

Isaya 50:2

“Kigira ki nivavula kundivulira lwa ndaazia kuvo kuvahonyia? Ndakaminya amazi mu zinyanza ku lilaga liange, kandi ndakaminya amazi mu migera jiosi nu kujikola jumi kuli changarangwi, kunangwa zisuzi ziduuki kukuza kigira uvuluhu vwa mazi.

Jeremia 47:7

Navuzwa kivavi kinyala ndi kosoosa, lwa inzi mali kukiha miyinzi kokora? Inzi mali kukilaga kwingilira vandu va Ashikeloni kandi avandu vamenyi ku visulu.”

Ezekieli 26:10

Zibarasi ziavo nazive zinyingi ligali kuduuka luguchi lwazio nalumukuniki. Madigi ginyu nagadegere kigira liyoga lie zibarasi ziu vulwani, kandi magare gu vulwani lwa nagingiri mu virivwa vienyu kuli avandu vingira mu lidaala linene lia madigi galio gamali kufudulanywa.

Ezekieli 26:4

Valakadivizi madigi gi lidaala lienyu linene, kandi navaturi hasi minaara jinyu. Maku nanduliziho vindu viosi ma nalitigale iliere.

Ezekieli 31:16

Lwu musaala yigu gulakakuzi nukuzia mu kivala cha vakuzu, lihulirika lie liigwa liagwo lilakadegerizi zihiiri. Misaala josi ja Edeni kandi misaala josi mitovole kandi milahi ja Lebanoni, ijasamwa mazi vulahi, ijiveeye hasi ku lirova, jilakasangaliri liigwa liu musaala yigu.

Nahum 1:14

Yaga nigo ga Yahova amali kulaga kolondekana na vandu va Asiria. Sivalakave ni visukululwe vilizizagiliza lieta liavo mba. Ndakadivizi vifananyi viveeye mu matemberi ga vanyasaye vaavo. Nombaa kilindwa cha vandu va Siria; sivadukanaa komenya mba!

Haggai 2:7

Ndakaguuti zihiiri ziosi, kandi vutugi vwavo vulakaletwe hano. Litembeli lilakave nu vutugi vunyingi.

Zekaria 14:21

Vuli inyingu yo kodekera mu, mu lidaala lia Jerusalemi kandi Ivuyuda woosi ilakatakaswe nu kugitumikira mu lisigamira Yahova Wuvunyali. Avandu vahaana visiuviliru valakadekere mu inyama yi visiuviliru. Lwi ing'inga yeyo ilakaduuki avakiranyi sinavaveho kandi mu Litembeli lia Yahova Wuvunyali mba.

Marko 11:17

Lwinyima yaviigiza navoora, “Gang'odwa, ‘Litembeli liange lilalangwa inyumba yu kusaala ku zihiiri ziosi!’ Navuzwa munyi mugekoli kuva luhangaywa lwa vanuuri.”

Yohana 2:16

Yavolera avagulizaa amakuulu, “Tulizi vindu yivi yimu. Mutakoli inyumba ya Baba wange kuva havundu hi ichiitu mba!”