Isaya 23:1 - KITABU KITAKATIFU

¹ Yili ni likuva kigira Lidaala linene lia Tiro. O, munyi aveelemi va amato ga Tarishishi, mukubi zikwiri ni liverera, kigira havundu ha amato ginyu gasingiraa mu Tiro hamali kwononywa, zinyumba kandi hokososera hatigaye amang'anye. Likuva yili livuliywi ku munyi lwa mato ginyu gilanaa kutura Saipurasi.

Isaya 23:1 Iomraidhean Croise

Litanga 10:4

Visukululwi via Javani viali avandu va Elisha, Sipeini, Saipurasi na Rode.

1 Avami 10:22

Solomoni yaali ni zimeri kunyanza Nene harara nizimeli zia Huramu. Vuli mihiga jivaga zimeri zizie ziranaa nizileeta izahabu, ifeza, amiinu gizinzogu, zingugi nivikondo.

1 Avami 22:48

Mwami Jehoshafati yalomba zimeri zie viasara kuzia mu kivala cha Ofura koleta izahabu, navuzwa sizielema kuduuka yo mba - ziavunanyirwa ha Ezionigeberi.

1 Avami 5:1

Mwami Huramu wa Tiro yalange mulina wa Daudi kazozo, kandi lwa yahulira ndi Solomoni uvuguyi vogono vwa baba weve Daudi kuli mwami, yatuma vatumikiri veve kuye.

2 Kyetsinyinga 9:21

Mwami Solomoni yaali nizimeli ziukwelema ku nyanza enene, kandi zielemaa harara ni zimeri ziu mwami Huramu. Vuli mihiga 3 zimeri zizie ziranaa ni ziletaa izahabu, ifeza, amiinu gi zinzogu, zingugi ni vikondo.

Zaburi 48:7

wa vadiviza kuli zimeri zia Tarishishi, agahunzulanywa nukuvunanywa ni imbuza yi kiihi kutura ivugwi.

Isaya 15:8

Havundu hoosi ku zinzako zia Moabu, mwoyo gwi lilira linene guhulilikaa. Guhulilikaa mu madaala ga Egilaimu na Beerelimu.

Isaya 2:16

Yahova alakakole zimeri ziosi zinene zia Tarishishi kandi ziveeye zindahi ligali kwiyina mu mazi.

Isaya 23:12

Avandu vi lidaala linene lia Sidoni vuyanzi vwinyu vokoti, na vandu vinyu vaveeye mu lidambizwa. Kali niiva valirukira mu kivala cha Saipurasi, si valanyora vosoosi mba.

Isaya 23:6

Munyi avandu vamenyi muvisuru vie inyanza, mukubi zikwiri ni liverera! Mugerizi mwirukiri mu lidaala lia Tarishishi!

Isaya 24:10

Vindu viagoyana mu lidaala linene, vuli mundu yihaniyi munyumba avuli kusalilizwa.

Isaya 60:9

Vaveeye kuli zimeri zia Tarishishi izitulaa mu visulu vie inyanza, ziletaa avandu va Nyasaye kutura muvivala vie ihale. Valaleta ifeza kandi izahabu kuhaana luyali ku lieta lia Yahova, Nyasaye Mutakatifu wa Isiraeli, uwa lomba zihiiri ziosi kuhaana uluyali ku vandu veve.

Jeremia 2:10

Muzie kuduuka imadioli mu visulu via Kitimu, anoho mutume mundu azie kuduuka ivugwi mukivala cha Kedari ahenzerizi ligali; mulalora ndi kindu kali kilala kuli yiki si chekoleka ku maziambiri mba.

Jeremia 25:15

Yahova, Nyasaye wa avandu va Isiraeli, yambolera, “Mbeeye nu vutima uvunyingi kuli kekombe chizuuyi iwaini. Vugula kekombe yiki chuvutima vwange uhili ku zihiiri ziosi zia Inze ngutumaa kuzio, na uvakole kunwa iwaini yiyi.

Jeremia 25:22

Avami vosi va Tiro, Sidoni kandi na avami vosi vi visulu viveeye mu inyanza ya Meditareniani,

Jeremia 47:4

Ing'inga yimali kuduuka yu kudiviza avandu va Filisitia vosi, kandi kwita vosi avahononoka avaari vanyara kokonya Tiro na Sidoni. Yahova aveeye ahimbi kudiviza vandu va Filisitia, avatigara kutura muvisuru via Kerete.

Ezekieli 26:1

Yahova yamoloma na Inzi ku lidiku liu kutanga liu mweli, kumuhiga gwi likomi na mulala gwi lihaminywa lietu.

Ezekieli 26:2

Yavoola, “Mwana wu Mundu,” Yiki nicho kigira vandu va Tiro vasangala. Vahanzuka nivavoora, “Jerusalemi imali kudivizwa! Likiranyia lialio lie zinguru limali kohera! Si valahingana kandi nikunyi mba.”

Ezekieli 27:30

Vosi vasioma vululu kigira munyi, vuhulanyia luguchi ku mitwi jiavo, kandi nivagalagala mu ligoke.

Ezekieli 27:6

Vaavugura misaala ji miduguyu kutura Bashani nivalomba mivango ja maato. Valomba uvwaliru kutulaku musaala gwu munazi; kutura Saipurasi ahimbi ni inyanza, kandi ni valomba na miinu geenzogu.

Danyeli 11:30

Avandu kutura Roma valakazili mu zimeri nu kumwigalira; kandi alakave nu vuti ligali. “Maku alakagirungane mu vutima no kogeliza kudiviza idini ya vandu va Nyasaye. Alakalonde amigizu ga vandu valeka idini.

Jona 1:3

Navuzwa Jona yiruka kutura ku Yahova nazia Tarishishi. Yasulunguta kuzia Jopa, uwa yanyoora iliato iliali nilizizaa Tarishishi. Yahaana mitungu jije ma naniina harara na vavinziri yu muliato yilio kuzia Tarishishi, niyiruka kutura ku Yahova.

Livalidza 24:24

Aviguliri valaza kutura Saipurasi valaguuta vandu va Siria na vandu va Eberi, Navuzwa yavo valakadivizwi mihiga ni mihiga.”

Luka 10:13

“O, vayaye, kilaamo keveeye ku ivi Korazini! O, vayaye kilaamo keveeye ku ivi Bezisaida! Miyinzi minene jivilolekizu ijakolwa mu munyi, jilava nijakolwa mumadala ga Tiro na Sidoni, ngano avandu yavo vigamira kale, ni viviiki amagunia kandi nivikaye mu ligoke.

Joshua 19:29

Lwako lwamanya nilovodong'ana kuzia kulidaala linene lia Rama, kuduuka ku lidaala linene liavodong'anwa nulugaga lwi lidigi litambi lia Tiro; ma nilugirung'ana kuzia kuduuka Hosa kandi nilohera munyanza ya Meditareniani. Kivala yicho chaali harara na madaala manene ga Mahalabu, Akizibu,