Isaya 22:5 - KITABU KITAKATIFU

⁵ Yiyi ni ing'inga yu vuti liguutwa kandi yiligoyana mu Livona lia malola. Amadigi gi Lidaala Linene lietu gamali kusambulwa kandi lianira lio ovokonyi vwitu lihuliriki ku vigulu. Mwami munene Yahova Wuvunyali umali koleta yaga goosi ku kunyi.

Isaya 22:5 Iomraidhean Croise

2 Avami 19:3

Yili nilio likuva lia Hezekia yavavolera vahane ku Isaya: “Lero liveeye lidiku lio vovereri vonene ligali kunyi kohevwa amageri kandi koveeye mu zisoni zinene ligali. Koveeye kuli mukali oveeye ni inumwa, navuzwa siaveeye ni zinguru ziu kwekema umwana aduuki kwivulwa.

2 Avami 25:10

na vasikari veve vaduya nu kuvasambula madiji gi Lidaala linene lia Jerusalemi.

Esther 3:15

Ku lilaga liu mwami ililago yili lialandizwa mu lidaala linene lia Susa, na avanyaguli vaahira amakuva yaga muvivala viosi via Ahasuero yamiha. Umwami na Hamani viikara harara ni vanwa iwaini lwi lidaala lia Susa liali niliveeye mu ligoyana ni ligenya linene ligali.

Isaya 10:6

Nduma avandu va Asiria kuzia kwingilira ihiiri ya vandu vataveeye na Nyasaye, avandu vaangora kuva nu vutima. Mbatumaa kuzia kulanya nu kwiva kandi kuduvagira vandu hasi kuli madohi kuzinzira.”

Isaya 22:1

Yili ni Likuva lia Yahova kigira Livona lia Malola. Ni kindiki chekoleka? Kigira ki avandu vosi vi lidaala linene lia Jerusalemi valomba lilia nu kusangalira igulu kwi visegese vie zinyumba ziavo?

Isaya 25:10

Yahova alakakingi kiguru cha Ziyoni, navuzwa avandu va Moabu valakaduvagirwi hasi mu kivala chavo, kuli luvuva luduvagirwa hasi mu liliina lie siina.

Isaya 37:3

Navo vaavoolera Isaya, Mwami Hezekia avoora ndi, “Lero ni lidiku lie kivi, lidiku liokogondokerwa kandi lie zisoni. Kunyi koveeye kuli mukali wing'inga yeye eveeye ahimbi yu kwivura umwana, navuzwa siaveeye ni zinguru ziukwivula mba.

Isaya 5:5

“Kalunu ndamuvolera aganzizaa kokora ku kizabibu change; Ndatuliza ho lungaga lwacho, kandi ndasambura lidigi liakinga zimbega ziacho ziosi, na ndaleka zinyama ziu muvulimu kulia nu kuduvagira hasi mizabibu.

Isaya 63:3

Yahova yativura, “Inzi mali kuduvaga zihiiri kuli mazabibu, na siali ho nu mulala waza kongonya. Ndaziduvaga ligali mu vutima vwange, na amasahi gaavo giivaki ku zinguvu ziange ziosi.

Isaya 63:6

Ndaaduvagira hasi avandu vi zihiiri mu vutima vwange. Ndavakora vahambiki mu vutima vwange vululu. Ndasundura masahi gi livamwoyo liavo hasi ku lirova.”

Jeremia 30:7

Lidiku liuvudinyu lizaa; sihaveeyeho nilidiku linyala kufwanana nalio mba, ing'inga yuvudinyu ku avandu va Isiraeli, navuzwa valahona.”

Lisyoma lya Jeremia 1:5

Avasigu vaavo vaguuta, vavaviiki mu zinguru ziavo. Yahova uvakoli kusalira kigira uvwoni vwavo vunyingi. Avana vaavo vamali kugumirwa nukuhirwa ihale muvuhambe.

Lisyoma lya Jeremia 2:2

Yahova amali kudiviza visukululwi via Yakobo viosi vugira livererera. Mu vutima vwivwe, amali kuvunanyia zimbinga zie lidaala lie Ivuyuda; yikiza uluyali lwu vwami harara na vamiihi vavwo nukuvaviika mu zisoni.

Lisyoma lya Jeremia 2:8

Yahova amali kusaavira kusambula madigi gi lidaala lia Ziyoni. Yavika kimanyiru kolola ndi amadigi goosi gadiviziywi. Minaara harara na madigi, kalunu vitigaye mang'anye.

Ezekieli 7:7

Kivi kimali kuduuka ku munyi, avandu vamenya mu kivala. Ing'inga eveeye ahimbi lwi lisangala lilakavuli kuva ho Ha kiguru hu kusigamira vifananyi navuzwa ligoyana.

Hosea 10:8

Havundu hadiguluku ha Bezi Aveni, ha vandu va Isiraeli vasigamira vifananyi haladivizwa. Amafa kandi zindavati vilamera ku vwali vwavo.Avandu valavoolera vigulu ndi, “Mukuvisi!” Kandi valavoolera utugulu ndi, “Mukukingi!”

Mika 7:4

Kali mulahi kuvita vosi kandi musuuvirifu kuvita vosi vuzwa vaveeye kuli indiva. Lidiku limali kuduuka lwa Nyasaye nahaane mageri ku avandu, kuli yaviganihiza kuvitira mu avasikari veve, avaporofeti. Kalunu vaveeye mu vogoyani.

Zefania 1:15

Lilakave lidiku liu vutima vululu, lidiku lie kivi kandi lidiku liu vudinyu; lidiku liu kwononya kandi kudiviza, lidiku lie kisundi kenene ligali, lidiku limwamu kandi lia malesi manyingi.

Matayo 24:16

Avandu vaveeye mu Vuyuda virukiri mu vigulu.

Luka 23:30

Ing'inga yeyo niyio ya avandu valitanga kovoolera vigulu, ‘Mukugwiri!’ Na ku tugulu, ‘Mukukuniki!’