Isaya 22:4 - KITABU KITAKATIFU

⁴ Kalunu, mundeke siomere vululu, avandu vange vosi avamali kukuza. Mutagelizi koneminya mwoyo mba.

Isaya 22:4 Iomraidhean Croise

Esther 4:1

Lwa Modekai yahulira goosi agaali nigakoleeywi yatandula zinguvu zizie mu vovereri niyiviika zinguvu zia magunia nu kwibuuga ligoke. Yazia naavitira hagati hi lidaala linene nakubaa izikwiri zinene nuvuzunu,

Zaburi 77:2

Inzi saalaa ku Yahova mu ing'inga yu vudinyu vwange; ng'ingaa amakono gange igulu ku Nyasaye uvudiku vwosi vugira kuluha, navuzwa sinyoolaa lileminywa mwoyo nu mundu wundi woosi mba.

Isaya 15:3

Avandu vaveeye mu zinzira viviiki zinguvu zia magunia. Ku visegese vie zinyumba kandi hagati ha madaala manene avandu vasiomaa nukulira.

Isaya 33:7

Valuviliri vanira ovokonyi. Avatumwa avagerizaa koleta mirembe valilaa nu vuzunu ligali.

Jeremia 13:17

Niiva simulahulira, inzi ndakaliri mu vwivisu kigira liegingira lienyu ndakaliri nuvululu kandi maliga gange galakidoreke, kigira avandu va Nyasaye vamali kuhirwa ihale mu avahambe.

Jeremia 31:15

Yahova avoora, “Mwoyo gwahulirika mu Rama, lihulirika lie lisioma linene ligali Raheli asiomeraa avana veve; vosi vamali kukuza, kandi asuuyi koleminywa mwoyo.

Jeremia 4:19

Uvuzunu! Sinyala kwikuzira kuvuzunu mba! Mwoyo gwange! Mwoyo gwange gukubaganaa vudinyu ligali! Sinyala kuchiring'ana mba; mbulira visiliva kandi liyoga lie liihi.

Jeremia 6:26

Yahova avooreraa avandu veve, “Mwiviki zinguvu ziamagunia na mugalagale muligoke. Musiome vululu kuli unyala kusioma mwana muderwa, kigira oyo uzaa kudiviza munyi nonoho alamwingiira.

Jeremia 8:18

Ovovereri vwange si vunyala kohonywa mba; mwoyo gwange gulwaye.

Jeremia 9:1

Ndakayanzi niiva mutwi gwange gwakaveeye kidaho cha mazi, kandi zimoni ziange kisinukiru chamaliga, kunangwa ndakaliri mbasu nu vudiku, kigira avandu vange vamali kwitwa.

Jeremia 9:18

Avandu vavoola, “Vavooleri vakole vwangu vakwimbiri zinyimbu zielikuza, kuduuka lwizimoni zietu zizura maliga, kandi kuduuka lwi zimoni zietu ziituruka maliga. ”

Lisyoma lya Jeremia 2:11

Zimoni zietu ziiluhi kigira lisioma, mioyo jiitu jizuuyi ovovereri; koveeye novovereri vunyingi kigira lidivizwa lia vandu viitu. Avana kandi zindanya vakuziraa kuzinzira zie lidaala linene.

Ezekieli 21:11

Kivavi kishagaliywi kiduuki kutumikirwa. Kishagalilwi, kiduuki kuvikwa mu makono gumwiti.

Ezekieli 27:31

Vavega masu gaavo kigira munyi, kandi viviika zinguvu zia magunia. Vaali nu vuliduhu mu mioyo jiavo lwa vasioma.

Mika 1:8

Maku Mika yavoola, “Kigira yaga ndalira nu kusioma. Kumanyia liverera liange, ndagenda ku virenge viere kandi chahonyo. Ndaasama kuli kivwi, na ndaasioma kuli lihudu.

Matayo 2:18

“Mwoyo gwaahulirwa mu lidaala lia Rama, lilira ni lisioma linene. Raheli asiomeraa avana veve, kandi yasura koleminywa mwoyo, kigira vosi vaali ni vakuzi.”

Matayo 26:75

na Petero yizuliza amakuva ga Yeso yamuvolera, “Idaywa nikikiri kulagula, ivi ulanyambakana haali kavaga.” Yatura nazia ichova nalira ligali no vovereri.

Luka 1:2

Vang'oda ivindu via kwavolerwa na yavo avaari avaloli va moni na moni vi vindu yivio kutura mulitanga, kandi avilwaazi vi likuva yilio.

Luka 19:41

Lwa yaduuka ahimbi Jerusalemi yalora lidaala zana, nalililira,