Isaya 22:2 - KITABU KITAKATIFU

² Avandu vi lidaala linene liosi vaveeye ni lihanzuka kandi liyoga liu vusangali vonene. Avasaza vinyu vakuzira mu vulwani yivu sivakuza nivalwana mba.

Isaya 22:2 Iomraidhean Croise

Isaya 10:4

Munyi mulakitilwi muvulwani anoho mulakahilwi kuli avahambe. Kali ndio uvutima vwa Yahova si vulahera mba, navuzwa alanyira mukono gwigwe kuhaana amageri ku munyi.

Isaya 23:7

Yili linyala kuva lidaala linene lia Tiro liu vusangali, lianyoreka mu madiku gakale? Yili ni lidaala linene lia avandu valio vaambuka inyanza kuzia kolomba ovomenyo muvivala vindi vie ihale?

Isaya 32:13

Visaka viamafwa kandi nivigunzanguvu vimera mu kivala cha vandu vange. Musiome kigira zinyumba ziosi zia vandu vaali nu vusangali kandi musiome kigira lidaala linene iliali liovomenyo vuduukiru.

Isaya 32:14

Kali inyumba yu vwami ilakalekwe, kandi lidaala liveeye linene ligali lilakang'anywi. Hango ho vomenyo kandi, minaara jaavakinga vilava amang'anye mihiga ni mihiga. Zibunda ziu mumulitu zilagendagenda mu, kandi amagondi galakanyole yo uvwayiru.

Isaya 37:33

“Yaga nigo ga Yahova amali kovora kigira Mwami wa Asiria: ‘Sialingira mu lidaala linene yili anoho kulasa losele lulala lwuvuta ku lidaala linene yili mba. Avasikari vatumikira zikuuti sivalaza ahimbi ni lidaala linene yili mba; kandi si valumbaka vitumi viamalova viukukumbirizira lidaala yili mba.

Isaya 37:36

Engelosi ya Yahova yazia hokososa ha vandu va Asiria ma ni yita avasikari 185,000. Mugambazuri lidiku lialonda ku, vosi vaali avakuzu.

Jeremia 14:18

Lwandulanga kuzia mumilimi, ndolaa miviri mikuzu ja avandu viitirwa mu vulwani; lwandulaa kuzia mu madaala, ndolaa avandu ni vakuza kigira inzara. Avaporofeti na avasaalisi vakora miyinzi jaavo, navuzwa sivamanyi chavakola mba.”

Jeremia 38:2

aga Yahova yaali navooye, “Oyo amenyaa mu lidaala yili, aliitwa ni liihi, inzara anoho vulwaye. Navuzwa yavo avaazia kwihana ku avandu va Babiloni si valitwa mba. Valahononoka mu likuza na valava mwoyo.”

Jeremia 52:6

Ku lidiku lia tisa, mu mweli gwa kane mu muhiga gwene yigwo, lwi nzara yaali inyingi na sihaali ho ni chukulia ku avandu,

Lisyoma lya Jeremia 1:1

Henza kuli Lidaala linenelia Jerusalemi litigaye iliere, lidaala liali ni liizula avandu vanyingi! Lidaala liali liuluyali ligali hagati hi zihiiri, kalunu limali kugwa kuli mukunzakali. Lidaala liali kuli mukaana wu mwami hagati ha madaala, limali kugwa kuli mutugwa.

Lisyoma lya Jeremia 2:20

Muporofeti avoora: O, Yahova, henza na uganagane! Nivwaha wa ivi wakolera ku yaga? Avakali vanyara kulia lwivulu lwi zinda ziavo, avana va valinda aveene? Musaalisi kandi muporofeti vanyara kwitirwa mu Litembeli lia Yahova?

Ezekieli 22:5

Yavo avaveeye ahimbi kandi avaveeye ihale kutura ku munyi valamukolera ekehenyahenye, munyi avaveeye ni liiva lidamanu kandi aviizula kivihiri.

Zefania 2:15

Yaga nigo galiekoleka ku lidaala liu kwigingira kigira zinguru zialio, niliganagana ndi liveeye mu mirembe. Avandu vi lidaala yili vagagana ndi lidaala liavo liveeye linene ligali mu kivala. Lidaala yili lilakave havundu haveeye vuzwa, havundu hi zinyama ziu muvulimu zilakasosere! Vuli mundu woosi ulivitira ahimbi nalio alakegose nuvuti.