Isaya 21:9 - KITABU KITAKATIFU

⁹ Nonoho, avandu vazaa! Avandu vanini ku zibarasi, vaviri ku vaviri; Mulindi ahaanaa makuva, “Lidaala lia Babiloni limali kugwa! Vifananyi viosi viavaasigamiraa vigwiyi hasi.”

Isaya 21:9 Iomraidhean Croise

Isaya 13:19

Lidaala linene lia Babiloni liveeye lilahi ligali kandi liu vukumi vwu uvwami uvulahi kuvita amadara gandi goosi, liveeye lidaala liu kuyaanziza avandu valio. Navuzwa inzi, Yahova ndalidiviza kuli ndakora ku amadara manene ga Sodoma na Gomora.

Isaya 14:4

Lwakola yaga, avandu va Isiraeli valakolera mwami wa Babiloni kehenyahenye nokovoora, “Umwami umudambizi umali kugwa! Sialadambiza mundu kandi mba!

Isaya 2:18

Kandi vifananyi viosi vilakatulizwiho ligali.

Isaya 21:7

Niiva alalola avandu nivaazaa nivanini ku zibarasi, vaviri ku vaviri, kandi avandu nivanini ku zibunda kandi ku zing'amia, kuduuka avahenzerizi vulahi ligali.”

Isaya 47:5

Yahova avooreraa lidaala lia Babiloni, “O, munyi avandu va Babiloni, mwikale mu kisundi muchiring'ane, simulalangwa kandi mwami wi kikali wi zihiiri mba.

Isaya 47:9

Navuzwa mu ing'inga indala kandi mu lidiku lilala, mulakuza harara na avana vinyu vosi, kali niiva muveeye ni zinguru zinene kandi zinyingi ziu vukumu kandi uvusigitiri.

Isaya 48:14

“Muvugane mwosi harara, kandi mu mbulirizi munyi mwosi! Avulaho mulala ku avanyasaye vinyu uwaali unyala kuvuula ndi umundu wa inzi mali kotovola alingilira lidaala linene lia Babiloni; alakola aga inzi mali kusaavira gakolwe ku vandu va Babiloni.

Jeremia 50:29

“Vooleri avasaza vukulasa vuta vingiliri avandu va Babiloni. Mutumi vuli mundu uwamanya kutumikira vuta ni mivano. Mukumbilizi lidaala linene kandi mutaleka mundu kali mulala yiruki mba. Muvanze kisaalia ku avandu valio ku goosi aga vamali kokora, kandi muvakolere kuli vaakolera avandi, kigira vaakolera inzi mu lierora, Mutakatifu wa Isiraeli.

Jeremia 50:38

Muleete kemeyi mukivala chavo kandi mwuminyi migera jaavo. Babiloni nikivala keveeye nivifananyi viukutihiza, iviamala kokora avandu kugwa avasilu.

Jeremia 50:42

Vamali kuvugura uvuta vwavo nivivavi; vaveeye avalulu kandi vugira zimbavasi. Vahulirika kuli inyanza ihuuma, lwa vahiraa zibarasi ziavo. Vaveeye avetegeke kulwaana vandu va Babiloni.

Jeremia 50:9

Nziza koleta muganda gwizihiiri ziezingulu kutura Ivaale kandi ndazikola kwingilira avandu va Babiloni. Navalombe zimbaso muliihi nukwingilira kivala nukukiguuta. Vaveeye avahizi vuvusiza, mivano jukulasa sijizizaa halovega mba.

Jeremia 51:27

“Muhaane kimanyiru chu kwingilira! Mukubi kisiriva kunangwa zihiiri zihuliri! Mwetegekizi zihiiri kulwaana Babiloni! Muvoolere uvwami vwa Ararati, Mini, na Ashikenazi vingiliri Babiloni. Mutovole munene ave mwimiliri wi liihi. Muleete zibarasi kuli muganda gwi zisigi.

Jeremia 51:44

Inzi ndahaana amageri ku Beli, umunyasaye wa Babiloni, kandi ndamukora ahaane vindu viosi via yavugula. Zihiiri si ziramusigamira kandi mba. “Madigi gi lidaala lia Babiloni gamali kugwa.

Jeremia 51:47

Kulwayago, ing'inga yiza lwa nambane amageri ku vifananyi via Babiloni. Ndaviika kivala choosi mu zisoni; kandi ndiita avandu vosi avamenyi mukivala yiki.

Jeremia 51:52

Kunangwa inzi mboraa ndi ing'inga yiza lwa nambane amageri ku vifananyi via Babiloni, kandi yavo avaazaa vatozwe valakaliri mukivala choosi.

Jeremia 51:64

Maku ovoole, ‘Kivala cha Babiloni kilagwa, na si kilasingila kandi mba, kigira lidiviza lia Yahova azizaa koleta kucho.’ ” Makuva ga inzi Jeremia gaheri yaaha.

Jeremia 51:8

Nonoho avandu va Babiloni vamali kugwa kandi kudivizwa! Muvasiomele! Muhenze zinyasi ku vulwaye yivu, hawundi vanyara kohonywa.

Likunula 14:8

Engelosi wa kaviri yavoola, “Ligwiyi, ligwiyi, lidaala linene lia Babiloni lianwehiza zihiiri iwaini yalio, iwaini induru yi likayirwa lio ovoheyi.”

Likunula 18:2

Kandi yahanzuka nu mwoyo gwi zinguru navoora, “Limali kugwa! Lidaala linene lia Babiloni limali kugwa ovomenyo vwa mademoni, kandi ugwiyi ovomenyo vwa amanyonyi madamanu na gukuvihiliriza goosi.

Likunula 18:21

Maku engelosi yi zinguru yaginga ligina kuli ulugina lonene, ma naalilasa munyanza navoora, “Ivi lidaala linene lia Babiloni lilakalaswe vudinyu hasi kandi sililakaloleke mba.