Isaya 21:3 - KITABU KITAKATIFU

³ Aga ndalora nukuhulira mu malola gamali koleta uvuti vonene kandi uvuzunu vwizuli mu inzi; uvuzuunu vululu kuli vwu mukali oveeye mu lilumwa liu kwivura.

Isaya 21:3 Iomraidhean Croise

Zaburi 48:6

Uwene yeyo vatanga kodegera ligali kigira uvuti kandi vahulira uvuzunu kuli mukali oveeye mu lilumwa;

Isaya 13:8

Vosi valava nu uvuti kandi valava nu vuzunu, kuli mukali aveeye mu vuzunu vwililumwa liu mwana. Vuli mundu alahenza wache nuvuti, kandi valava mu zisoni.

Isaya 15:5

Mwoyo gwange guliliraa Moabu! Avandu virukiyi mu lidaala lia Zoari, kandi kuduuka Egilazi Shelishiya. Valala vanigira kunzira izizaa Luhizi, nivasioma lwa vaziza; valala virukira Horonaimu nivasioma ligali.

Isaya 16:11

Kunangwa, siomeraa Moabu na Kiri Heresi novovereri vonene ligali.

Isaya 16:9

Kalunu siomeraa mizabibu ja Sibuna kuli siomeraa Jazeri. Maliga gange gidorokaa kigira munyi madaala ga Heshiboni na Eleyale, kigira sihaveeye ho niligesa kokora avandu Vasangale mba.

Isaya 26:17

O, Yahova, ivi okoli kunyi kuliri vudinyu, kuli mukali aliraa mu vuzunu mu lilumwa liu mwana.

Jeremia 4:19

Uvuzunu! Sinyala kwikuzira kuvuzunu mba! Mwoyo gwange! Mwoyo gwange gukubaganaa vudinyu ligali! Sinyala kuchiring'ana mba; mbulira visiliva kandi liyoga lie liihi.

Jeremia 48:41

amadara kandi zimbinga zilagumilwa. Ku lidiku liene yilio, avasikari va Moabu valatiihizwa kuli umukali oveeye mu lilumwa liumwana.

Jeremia 49:22

Musigu na yingiliri avandu va Bozira kuli indizu yika hasi nivavambalizi zimbaha. Ku lidiku yilio avasikari va Edomu navatihizwi kuli mukali oveeye mulilumwa liu mwana.”

Jeremia 50:43

Mwami wa Babiloni uhuliyi makuva mageni, kandi makono geege sigaveeye nizinguru kali hakuzu mba. Umali kugumirwa muvuzunu, uvuzunu kuli vwumukali oveeye mu lilumwa liu mwana.

Jeremia 6:24

“Kumali kuhulira amakuva amageni,” avandu va Jerusalemi vavoola, “Kandi amakono giitu gavula zinguru; koveeye nuvuzunu vululu kuli mukali oveeye mulilumwa liu mwana.

Habakuk 3:16

Lwa mbulira yaga goosi, ndegeraa ligali, minwa jange jidegeraa nu vuti. Muviri gwange gwatanga kuguunda kandi ndikigitara vilenge viange. Ndaalindilira galaha ku ing'inga iduuki, lwa Nyasaye ahaanaa mageri ku vandu vakwingilira.

Yohana 16:21

Ing'inga yu mukali alumwa aveeye novovereri kigira ing'inga yuvusaliri iduuki; navuzwa niyakamara kwivura umwana, siyizuliza kandi uvusaliri yivwo mba kigira vuyanzi vwu mwana wivuliiywi mu kivala.

Kwidzulitsa 28:67

Mioyo jinyu jilakubagana nuvuti ku vuli kindu cha muloraa. Vuli mugamba mulegomba gove mugolova. Vuli hamugorova mulegomba gove mugamba.

1 Vatesalonike 5:3

Lwa vandu vava nivakevoola ndi, “Jiveeye mirembe kandi vindu viosi viveeye vulahi kandi liveeye lielemeriza,” nonoho kivi kilakaduuki kuvo vwangu kuli lilumwa liduka ku mukali oveeye inda, kandi avandu si vahononoka ligali mba.