Isaya 21:2 - KITABU KITAKATIFU

² Mali kolola malola gi vindu viukusaliriza ligali, malola gavandu vukuzama nukudiviza. Liihi lia Elamu, mwingiliri! Liihi lia Media, kumbirizi madaala manene! Nyasaye alakaherizi lisalirizwa liosi lia vandu va Babiloni vamali koleta.

Isaya 21:2 Iomraidhean Croise

Litanga 10:22

Avayaayi va Shemu vaali, Elamu, Ashuri, Aripakishadi Ludi na Aramu.

2 Avami 17:6

Mu muhiga gwa tisa gwi liamiiha lia Hoshea, mwami wa Asiria yagumira Samaria, kandi yaahira Visiraeli mu kivala cha Asiria kuli vahambe. Yaavika valala kuvo vamenye mu lidaala lia Hala, kandi Gozani lidaala liali ahimbi ku Mugera gwa Habori, kandi vandi mu madaala manene ga Medesi.

Zaburi 119:158

Lwa ndolaa avazami yavo, mbihirirwa ligali, kigira si valinda amalago googo mba.

Zaburi 12:5

Yahova avoora, “Navuzwa kalunu inzi ndaza, kigira avadaka vadambizwa, kandi avasalirizwa vakenya mu vuzunu. Inzi ndavaha likingwa liavenyaa.”

Zaburi 25:3

Utaleka yavo avasuuviraa mu ivi vanyoore zisoni kigira liguutwa. Navuzwa oleke yavo avaveeye vwangu ukwiibaala ku ivi, vave soni.

Zaburi 60:3

Ivi umali kokora avandu vovo kusalira vululu ligali. Kuguyaguyaa vuzwa yiyi ni yiyi kuli avandu vahambiki iwaini.

Zaburi 79:11

Huliriza likenya lia vahambe avaaniraa ku ivi, na kuzinguru zizio zinene voholora yavo avakalagiywi likuza.

Tsing'ano 13:15

Limanya lilahi lileeta luyali, navuzwa yavo avatanyala kusuuvilwa valadivizwa.

Isaya 11:11

Lwa ilidiku yilio liduka, Yahova alakatumikiri zinguru zizie kandi koleta avandu veve yengo, avandu vaatigara mu kivala cha Asiria na Egebeti, kandi muvivala via Panzurosi, Ezopia, Elamu, Babiloni; Hamazi, kandi kutura mu visulu vie inyanza.

Isaya 14:4

Lwakola yaga, avandu va Isiraeli valakolera mwami wa Babiloni kehenyahenye nokovoora, “Umwami umudambizi umali kugwa! Sialadambiza mundu kandi mba!

Isaya 14:7

Kalunu lirova liosi liveeye mu vusangali vwo vosoosi kandi ni mirembe, na vuli mundu yimbaa zinyimbu ziu vusangali.

Isaya 22:6

Avasikari kutura mu kivala cha Elamu vaza ni vanini ku Zibarasi, ni viyavali uvuta ni mivano ju vuta. Avasikari kutura Kiri vaali nivetegeki ni zikuuti ziavo.

Isaya 24:16

Kutura ihale ku zinduru zie lirova kuhulira zinyimbu: “Vukumi voveeye ku oo mulungi wengine.” Navuzwa ndavoora, “Inzi mbeeye vuzwa, Inzi mbeeye vuzwa! O, vayaayi kivi keveeye ku inzi! Umugadi azaama! Nuvugaadi umugadi azaama!”

Isaya 33:1

Kivi keveeye kumunyi avadiviza, na munyi aveene mukikiri kudivizwa; munyi avagaadi vu mundu akikiri kumugadaa. Lwa mumala kolekera kudiviza mulakadivizwi kandi lwa muduuka ku keheri chu vugadi, munyi kandi mulakagadwi.

Isaya 35:10

Valaduuka mu Jerusalemi nu vuyanzi, ni vimba nivakuba isango yu vusangali. Valava nu vuyanzi kandi nuvusangali mihiga ni mihiga, kandi sivalava ni liverera kandi nilihenda mwoyo mba.

Isaya 47:6

Inzi ndaali nu vutima na vandu vange; ndaavakolera kuli sivali vandu vange mba, ndaavaviika mu zinguru ziu vwami vwa Babiloni, kandi siwavavererera mba. Kali avasaakulu avakulundu vaali mulilindika lidinyu ligali.

Jeremia 25:25

na avami vosi va Zimuri, Elamu na Media,

Jeremia 31:20

“Isiraeli, munyi muveeye kuli mwana wange wandayanza, mwana wandayanza ligali. Ing'inga lwa ndalanga lieta lienyu, Inzi muganaganyiaa nuvuyanzi. Mwoyo gwange goveeye ku munyi; ndava nizimbavasi.

Jeremia 31:25

Inzi ndakahane zinguru kuyavo avaliva nivaluhi kandi ndakigutizi vuli mundu uliva mudedekere kigira inzara.

Jeremia 45:3

ivi ovola, ‘Inzi ndeke! Yahova amali komeeda ovovereri ku uvudinyu vwange. Inzi nduhi kigira likenya, kandi sinyala konyoora ovososi mba!’

Jeremia 49:34

Nonoho inyima wa Zedekia yaali niyakava mwami wi Ivuyuda, Yahova Wuvunyali yamoloma ninzi kigira kivala cha Elamu.

Jeremia 49:35

Yavoola, “Inzi ndiita avasaza vosi vukulasa uvuta avamali kokora Lidaala lia Elamu kuva nizinguru.

Jeremia 50:14

“Vasaza vukulasa uvuta, muzie mulwaane avandu va Babiloni kandi muvakumbilizi. Muvalase mivano jinyu josi, kigira vamali kokora uvwoni ku inzi, Yahova.

Jeremia 50:34

Navuzwa mulala uwaza avasoole aveeye nizinguru wi lieta lilie liveeye Yahova Wuvunyali. Mwene alavakolera kekolwa nokoleta milembe ku kivala, navuzwa uvudinyu vulava ku vandu va Babiloni.”

Jeremia 51:11

Yahova amali kusinyikiza avami va Media, kigira asaaviyi kudiviza Babiloni. Alakola ndio kuvanza kisaalia kigira vayononyia Litembeli lilie. Avanene vi Liihi liukwingilira vamali kulaga ndi, “Muhiagale mivano jinyu ju vuta! Mwetegekizi zinguva zienyu!

Jeremia 51:44

Inzi ndahaana amageri ku Beli, umunyasaye wa Babiloni, kandi ndamukora ahaane vindu viosi via yavugula. Zihiiri si ziramusigamira kandi mba. “Madigi gi lidaala lia Babiloni gamali kugwa.

Jeremia 51:53

Kali niiva avandu va Babiloni valakanine muligulu, nu kwumbakayo zimbinga zie zinguru ligali, navuzwa ndakatumi avandu kuvadiviza. Inzi Yahova mali kovora.”

Lisyoma lya Jeremia 1:22

“Uvakalagiri kigira likora liavo lidamanu; uhaane amageri kuvo kuli wahaana amageri ku kunyi kigira uvwoni vwitu. Kunyi kokenya haali kanyingi kandi mioyo jietu jiveeye midedekere.”

Danyeli 5:28

PERISI livoora ligavula: vwamihi vuvwo vumali kugavulanywa kandi vumali kuhanwa ku vandu va Medisina vandu va Pasia.”

Danyeli 5:9

Maku mwami Belishaza yaali niligenya linene, ligodo lilie liagirung'ana, kandi avandu vi inyumba yu vwamihi si vaali ni chavanyala kokora mba.

Danyeli 8:2

Mu malola yaga, ndalora ndi ndanyora nimbeeye mu lidaala lia Susa lia kumbelizwa ni lidigi, mu kivala cha Elamu. Ndaali nisingiyi ahimbi nu mugera gwa Ulai.

Danyeli 8:20

“Ligondi lia walola niliveeye ni zinziga ziviri, limanyiaa vami vaviri va Media na Pasia.

Likunula 13:10

Mundu wenyaa kugumirwa, alagumirwa. Mundu wenyaa kwitwa nikivavi kuduuka yitwi ni kivavi. Yili nililangwa liu kwikuzira kandi liu kusuuvira kolovega lwa vandu va Nyasaye.

1 Samweli 24:13

Ivi umanya chu lugano lovoolaa, ‘Uvudamanu vokolangwa vuzwa na vandu vadamanu veng'ine’ Kandi ndio sindakusaaliriza mba.