Isaya 20:4 - KITABU KITAKATIFU

⁴ Mwami wa Asiria alahila ihale avahambe vayagumira kutura Egebeti na Ezopia. Avayaayi kandi avahindira, valagenda ni virenge viere kandi nichahonyo, na amadako gaavo kuvulavu, nokoleta zisoni ku Egebeti.

Isaya 20:4 Iomraidhean Croise

2 Samweli 10:4

Haruni yagumira avatumwa va Daudi, naakara lovega lulala lwi zinderu zia vuli musaza, naakara zinguvu ziavo hagati kutura ku kisindi ma navakuunga.

1 Kyetsinyinga 19:4

Kunangwa Hanuni yagumira avatumwa va Daudi, navega zinderu ziavo kandi nataandula zinguvu ziavo kutura kwigoti kuduuka ku kisindi, ma navakunga.

Isaya 19:4

Ndahaana avandu va Egebeti ku vandu valulu, ku mwami mululu ulivaamiha. Inzi Yahova Wuvunyali mali kovora.”

Isaya 3:17

Navuzwa ndavaha amageri, ndavega mitwi jiavo, na valatigala nu luhale.”

Isaya 31:2

Yahova amanyi agaakolaa, kandi aletaa ikivi ku avadamanu. Adukizaa litihiza lilie kandi ahaanaa mageri ku vadamanu na yavo avakingaa vadamanu.

Isaya 31:3

Avandu va Egebeti sivaveeye vanyasaye mba, navuzwa vaveeye vuzwa avandu. Zibarasi ziavo si ziveeye roho mba, navuzwa ziveeye izinyama. Lwa Yahova ahaanaa amageri, ihiiri eveeye yi zinguru ilikigatala, kandi ihiiri eveeye endedekele yakonywa ilagwa. Vombi valadivizwa.

Isaya 47:2

Muvuguli zing'ina musie uvusie! Mutulizi zinguvu zifuumi mu zimoni zienyu! Mutanduli zinguvu zienyu zindahi. Mukunyi zinguvu ku virenge vienyu ma mwambuki migera ja mazi!

Isaya 47:3

Avandu valalola chahonyo chiinyu, kandi mulava mu zisoni. Ndatunga kisaalia, na sindaleka mundu kali mulala mba.”

Jeremia 13:22

Nimuva nimuteeva kigira ki ivindu yivi viosi vimali kwekoleka ku munyi, kigira ki zinguvu zienyu zimali kutanduka kandi mumali kwonogonywa, gaveeye kigira vwoni vwinyu voveeye vudamanu ligali.

Jeremia 13:26

Yahova mwene alamutuliza zinguvu nukumuviika muzisoni.

Jeremia 46:19

Mwetegeke kuva avahambe, munyi avandu va Egebeti! Mefisi lilakolwa changalangwi, amang'anye hu mundu atamenyaa mba.

Jeremia 46:26

kandi ndavaviika mu zinguru zia yavo avenya kuvita, ku mwami Nebukadineza wa Babiloni ni liihi lilie. Navuzwa lwinyuma avandu navamenye mu Egebeti kandi, kuli vakora mu zing'inga ziavita. Inzi, Yahova mali kovora.”

Ezekieli 30:18

Kisundi kilakakuniki Tahapanesi lwa ndakakole avandu va Egebeti kuva vugira zinguru kandi nokoheliza zinguru ziavakola kuva niligingira. Kisundi nakikuniki Egebeti, kandi avandu vamadaala gacho vosi navahilwi muvuhambe.

Amosi 9:7

Yahova avoora, “Avandu va Isiraeli, simuveeye kuli avandu va Ezopia ku inzi? Sindaleeta munyi avandu va Isiraeli kutura mu kivala cha Egebeti? Sindaleeta Kandi vandu va Filisitia kutura mu kivala cha Kerete na avandu va Siria kutura mu kivala cha Kiri?”

Mika 1:11

Munyi avandu va Shafira, muzie mubuhambe ni chahonyo kandi zisoni. Yavo avamenyi mu zaanani mutagerizi kutura mu lidaala lienyu mba. Lwamuhulira vandu va Bezezeli nivasiioma, mulamanya ndi sihaveeyeho nuhukwirukira mba.

Nahum 3:10

Navuzwa vandu va Zebesi vaahirwa mu vuhambe. Avana vaavo vaakuywa nivakuzira muvuli zikona zie zinzira. Aviimiliri valio avasaza vavugulwa nivavoheywe minyororo ni vagavulanyirwa hagati ku vasigu vaavo.

Zefania 2:12

Yahova alakiti avandu va Ezopia ni kivavi.

Likunula 3:18

Kulwa yaga, ngovolera amakuva yaga nukukwiganihiza ndi uguli ku inzi izahabu isiyiiywi nu muliru, uduuki kuva umutugi. Gula kandi zinguvu zindavu ku inzi uduuki kwivika, kunangwa uduuki kufuma izisoni zie chahonyo chicho. Uguli kandi ku inzi ulunyasi lwa maguta lwu kuvaka ku zimoni zizio kunangwa uduuki kolola.