Isaya 20:2 - KITABU KITAKATIFU

² Lwi mihiga jivaga jaali nijiviti, Yahova yaali niyavoolera Isaya mwana wa Amozi atulizi virato mu virenge vivie, kandi atulizi zinguvu zizie ziamagunia zia yaali niyiviiki. Isaya yalonda lilago lia yahova, na yagenda chahonyo kandi vugira vilato.

Isaya 20:2 Iomraidhean Croise

2 Samweli 15:30

Daudi yanigira kiguru cha mizeituni nasiomaa; yaali vugira vilato mu virenge. Yaali nafuumi mutwi gwigwe kuli kelolero chovovereri. Avandu vosi avaari avamulonda vaakunika mitwi jaavo kandi ni vasioma.

2 Samweli 6:20

Inyima wa yaga, Daudi yazia yengo kugasiza vandu avinyumba yeeye, Mikali yatura ichova kumwaganira. Yamuvolera, “Mwami wa Isiraeli yelombeeye lieta linene mwene kalunu kumanyia chahonyo chiche umwene kuli musiru imbiri wi zimoni zia vatumikiri vakali va vanene veve!”

2 Avami 1:8

Vaativura, “Yaali niyiviiki likoti lialombwa ku visero vie zinyama, niyevohi musibi gwo lokova mu kekenge chiche.” Mwami yavoola, “Ni Elija kutura Tishibe!”

Zaburi 30:11

Ivi umali kugirung'anyia ovovereri vwange kuva vusangali; umali kutuliza ho ovovereri vwange na ungumbirizi nuvusangali.

Kutwula 3:5

Nyasaye yamuvolera, “Utisuunda ahimbi ligali mba. Tuliza vilato vivio mu virenge, kigira ha usingiyi hano haveeye ahatakatifu.

Isaya 1:1

Kitabu yiki keveeye mu na makuva kigira Ivuyuda na Jerusalemi aga Nyasaye yavulira Isaya muyaayi wa Amozi, ing'inga lwa Uzia, Jozamu, Ahazu na Hezekia vaali avami vi Ivuyuda.

Isaya 13:1

Yaga na makuva ga Nyasaye yavulira Isaya mwana wa Amozi kigira Babiloni.

Isaya 37:2

Yatuma Eliakimu, mutumikiri wasingilira inyumba yu vwami, Shebuna, mung'odi wi kiyaalo, kandi harara na vasaalisi vaduukiru ligali ku Muporofeti Isaya muyaayi wa Amozi. Navo kandi vaali niviviiki zinguvu zia magunia.

Jeremia 48:37

Avandu yava vosi vamali kovega amasu gaavo kandi zinderu ziavo mu lisioma. Vosi vamali kusalaga ku makono gaavo, kandi vuli mundu yiviiki inguvu yi ligunia.

Ezekieli 24:17

Utaleka likenya liilio lihuliriki mba. Uviiki virato mu virenge vivio kandi uviiki igudwa ku mutwi gugwo keve kuli kelolero chu kusioma. Utafuuma mumoni mumwo anoho umanyie ovovereri vuvwo mba, kandi utalia chukulia cha yavo avasioma mba.”

Ezekieli 24:23

Si mulakagende vugira virato anoho vugira zigudwa ku mitwi jienyu mba, anoho mutasioma anoho muliri mba. Navuzwa mulang'aha kigira uvwoni vwinyu, kandi mulakakenye aveene na vene.

Ezekieli 4:1

Nyasaye yavoola, “Ivi Mwana wu Mundu, uvuguli lidafari, ma uliviiki imbiri woovo, ma ong'oreku ipicha yi lidaala lia Jerusalemi.

Ezekieli 4:5

Mali kuhaana ku ivi madiku 390, galalengana ni mihiga ja mageri gaavo. Kunangwa ivi ulaginga uvwoni vwa vandu va Isiraeli.

Mika 1:11

Munyi avandu va Shafira, muzie mubuhambe ni chahonyo kandi zisoni. Yavo avamenyi mu zaanani mutagerizi kutura mu lidaala lienyu mba. Lwamuhulira vandu va Bezezeli nivasiioma, mulamanya ndi sihaveeyeho nuhukwirukira mba.

Mika 1:8

Maku Mika yavoola, “Kigira yaga ndalira nu kusioma. Kumanyia liverera liange, ndagenda ku virenge viere kandi chahonyo. Ndaasama kuli kivwi, na ndaasioma kuli lihudu.

Zekaria 13:4

Ku lidiku liene yilio, vuli muporofeti aladuuka mu zisoni na malola geege lwava naporofetaa. Muporofeti sialiviika inguvu yu vwoya yu voporofeti kunangwa aduuki kugaada vandu.

Matayo 16:24

Hene yaho Yeso yavolera aviigi veve, “Mundu ku vosi ni yenya yanonde, gamudukira yigaye umwene, ma avuguli umusalaba gwigwe anonde.

Matayo 3:4

Yohana yiviika inguvu yanavwa ku uvwoya vwi ing'amia, nayeevoha musibi gwe kesero mu kekenge chiche. Viukulia vivie viali zisigi nu uvwuki vwu mu mulitu.

Yohana 21:7

Mwigizi wa Yeso yayanza, yavolera Petero, “Nu Mwami!” Lwa Simoni Petero yahulira ndi yaali Mwami, yiviika likoti lilie kigira yaali nakikiri kwivika, natuma mu mazi.

Vikolwa 19:16

Mundu waali niyagumirwa ni lidemoni oyo yavatuumira naavavita ni zinguru, navaguuta vosi. Avana va Sikeva viruka kutura munyumba yeyo nivaveeye chahonyo kandi nivizuuyi zing'oma.

Vikolwa 21:11

Yaza ku kunyi, navugura musibi gwa Paolo niyevoha virenge na makono, na avoora, “Roho Mutakatifu avoora ndi: ‘Avayuda va Jerusalemi valakavohe ndi mundu mwene musibi yigu, nu kumuviika mu makono ga avandu vi Zihiiri!’ ”

Joshua 5:15

Na munene wi liihe lia Yahova yamuvolera, “Tuliza vilato vivio; kigira usingiyi ku marova matakatifu.” Joshua yakola kuli yavolerwa.

Likunula 11:3

Ndakatumi avalolekizi vange vaviri ni viviiki amagunia navo valilwaaze likuva liu mwami ku amadiku 1,260.”

1 Samweli 19:24

Yaatuliza zinguvu zizie kandi naaporofeta imbiri wa Samweli, naagona hasi chahonyo mbasu yigwo gwosi nuvudiku yivwo vwosi. Yiki nicho chagira avandu nivavoora, “Saolo naye kandi ugwiyi muporofeti?”