Isaya 2:5 - KITABU KITAKATIFU

⁵ Kalunu, ivisukulurwi via Yakobo, hambi kogende mu vulavu vwa Yahova akuheezaa!

Isaya 2:5 Iomraidhean Croise

Zaburi 36:10

O, Yahova, uzizagili komeeda zimbavasi ziu vuyanzi vuvwo ku avandu vamanyi ivi, kandi uhaane uvugasu ku vandu vaveeye avalungi.

Zaburi 89:15

O, Yahova, vaveeye nuvugasu yavo avasigamiraa ivi ku liemba zinyimbu ziu kukwizominya, kandi avamenyaa mu vulavu vwu vulahi vuvwo;

Zaburi 89:16

vasangala lidiku liosi kigira ivi; kandi vizominyaa ivi kigira uvulahi vuvwo.

Isaya 2:3

Avandu avanyingi valaza nivavoora, “Gendi kuzie ku Kiguru cha Yahova, ku Litembeli lia Nyasaye wa avandu va Isiraeli. Alakwigiza agayenya kunyi kokole. Kulagenda kuzinzira ziamali kotovola, kigira amalago ga Yahova gaturaa Jerusalemi. Kandi amolomaa ku avandu veve kutura Ziyoni.”

Isaya 58:1

Yahova avoora, “Hanzuka vudinyu ligali kuli unyala! Kuba ulwanga kuli kisiriva! Wilwaziri avandu vange - Isiraeli mahiolo gaavo. Volera visukululwi via Yakobo uvwoni vwavo.

Luka 1:79

Vong'ereng'ane ku yavo vosi avamenyaa mu kisundi kenene chi chiriri chilikuza; kwimilira virenge vietu munzira yi mirembe.”

Vafeso 5:8

Maziambiri, munyi mwali mu kisundi, navuzwa kalunu muveeye nu vulavu mu mwami; kunangwa kuduuka mumenye kuli vana vu vulavu.

1 Yohana 1:5

Yili nilio likuva lia kwahulira kutura ku Yeso Kristo, na nigo gakumwilwaziraa, Nyasaye aveeye uvulavu, kandi muye sihaveeye ni kisundi mba.

1 Yohana 1:7

Navuzwa ni kogenda mu vulavu kuli mwene aveeye mu uvulavu, kunyi koveeye ni lisanga aveene na aveene; kandi amasahi ga Yeso Kristo mwana weve gakwogizaa uvwoni vwosi.