Isaya 2:2 - KITABU KITAKATIFU

² Mu madiku gaaza, kukigulu kwi Litembeli lia Yahova liumbakwa kilava igulu ligali kuvita vigulu vindi viosi. Na zihiiri zinyingi valagenda kuzia kucho.

Isaya 2:2 Iomraidhean Croise

Litanga 49:1

Yakobo yalanga vayaayi veve navavoolera, “Hambi harara na ndamuvolera chaza chekoleke ku munyi mu madiku ga hambiri:

Ayubu 19:25

Inzi manya ndi muhonyi wange aveeye mwoyo, alaza lwukumaliriza kung'inga.

Zaburi 102:23

Yahova umali kongola mudedekere lwa ngikiri muyaayi; umali kwimbihiza livamwoyo liange.

Zaburi 2:8

Ondeeve, na inzi ndakuha zihiiri ziosi ni vindu vie lirova liosi kuva iviivio.

Zaburi 22:27

Zihiiri ziosi zielirova valizuliza Yahova. Valagirung'ana kuyeeka kuye kutura havundu hoosi mu lirova avandu vizinimi ziosi kulirova valasigamira Yahova.

Zaburi 22:28

Yahova aveeye mwami, kandi yamiha zihiiri.

Zaburi 48:2

Ziyoni, kiguru cha Nyasaye, keveeye kitambi kandi kilahi ligali, lidaala linene liu mwami munene, keletaa vusangali ku vandu vosi mu kivala.

Zaburi 68:17

Yahova yaazaa kutura ku kiguru cha Sinai kuduuka havundu hatakatifu, harara ni zielefu zizie zinyingi zia magare geege gizingulu.

Zaburi 72:8

Uvwami vwivwe vuladuuka kutura kunyanza kuduuka kunyanza, kutura ku mugera gwa Efurate kuduuka ku keheri chi lirova.

Zaburi 86:9

O, Yahova, zihiiri ziosi zia walomba, zilaza nu kukusigamira ivi; valizominya ovonene vuvwo.

Zaburi 87:1

Yahova yumbaka lidaala lilie linene ku kiguru kitakatifu;

Zaburi 87:2

Yahova yayanza avandu vi lidaala linene lia Jerusalemi, kuvita havundu handi hoosi mu Isiraeli.

Isaya 11:10

Lidiku lizaa lwu mwami muhia kutura munyumba yu vwami vwa Daudi alava kelolero ku zihiiri ziosi. Valavunga harara mu lidaala lilie liu vwami nukumuha luyali.

Isaya 25:6

Ku kiguru cha Ziyoni, Yahova Wuvunyali alaketegekizi iliilia linene kigira zihiiri ziosi zie lirova, iliilia lie viukulia vinolu ni iwaini indahi ligali.

Isaya 27:13

Lwilidiku yilio liliduuka, kisiriva kilakakubwi ukulanga avandu vosi va Isiraeli avaari nivahaminyirwa mu vivala via Asiria na Egebeti, viirane. Valakaze kusigamira Yahova mu Jerusalemi, ku kiguru chiche kitakatifu yiki.

Isaya 30:29

Navuzwa munyi avandu va Nyasaye, mulimba zinyimbu ni musaangara kuli mukoraa mu ing'inga yu vudiku vwe lilia litakatifu. Mulimba ni musaangara kuli mundu agendaa kunzira niyimba nilirere kuzia mu Litembeli lia Yahova, mukingi wa avandu va Isiraeli.

Isaya 49:6

Yahova yambolera, “Mbeeye ni miyinzi minene ku ivi, mutumikiri wange. Sigaveeye nu kwilanyia avandu va Isiraeli avatigara mba, navuzwa ndakokola kandi ove kuli uvulavu ku zihiiri ziosi, kunangwa avandu vosi ku lirova vaduuki kohona.”

Isaya 56:5

hene yaho, lieta liilio lilizulizwa mu Litembeli liange kandi mu vandu vange ku ing'inga indambi kuvita lwa waali ove na vayaayi kandi navakaana. Siulivilirwa kali hakuzu mba.”

Isaya 56:7

“Ndamuleeta muduuki mu Ziyoni, kiguru change Kitakatifu, ndamuha uvusangari munyumba yange yilisaala, kandi ndavugilira visiuviliru vienyu via muhaanaa ku vwali vwange. Litembeli liange lilalangwa inyumba yilisaala ku vandu vi zihiiri ziosi.”

Isaya 60:3

Zihiiri zilaza ku vulavu vwinyu, kandi avami valaza ku vwaku vwi lidiku lienyu lihia.

Isaya 65:11

“Navuzwa munyi mwaleka inzi, Yahova winyu, kandi mwayivirira kiguru change Kitakatifu Munyi mwalomba viukulia niviukunwa nimuhaana ku avanyasaye vu vutugi kandi vi livamwoyo liekeheri.

Isaya 66:20

Valaleta avamwavo vinyu vosi kutura mu zihiiri ziosi vave kuli kihanwa ku inzi. Valaletwa ku kiguru change kitakatifu mu Jerusalemi, ni vagingiywi ku zibarasi, amagare gu vulwani, zibunda, zisukiri, kandi zing'amia, kuli avandu va Isiraeli valeta uvuswage mu viju ivilahi kuli kihanwa mu litembeli liange.

Isaya 66:23

Ku vuli lilia liu mweli muhia, kandi ku vuli lisabato, avandu vosi vi ihiiri valaza kusigamira mu lidaala linene lia Jerusalemi,” Yahova avoora.

Jeremia 16:19

Yahova, ivi niyie ukingaa inzi kandi ombeezaa zinguru; ongonyaa mu ing'inga yuvudinyu. Zihiiri zilaza ku ivi kutura ku zinduru zielirova nokovoora, “Avaguuga viitu valii vuzwa navanyasaye vuvugadi kandi nivifananyi viavuzwa.

Jeremia 23:20

kandi sikililekera mba kuduuka lwa alikola goosi agaganagana kokora. Mumadiku gaaza avandu valakamanyirizi yaga vulahi.”

Jeremia 26:18

“Lwa Hezekia yaali mwami wi Ivuyuda, muporofeti Mika wa Moreshezi yavolera avandu vosi ndi Yahova Wuvunyali amali kovora, ‘Ziyoni yaza ilimwi kuli mulimi, Jerusalemi neeve kuli kitumi cha mang'anye, kandi kiguru chi Litembeli nakigwi mulitu!’

Jeremia 3:17

Lwa ing'inga yeyo iliduuka, Jerusalemi ilakalangwe ‘Endeve yu vwami vwa Yahova’, kandi izihiiri ziosi zilakavuganiri wene yeyo kusigamira. Kunangwa sivalalindagilira nokolonda uvudamanu vwimioyo jiavo mba.

Jeremia 30:24

Uvutima vwa Yahova vululu sinavugirung'ane mba kuduuka lwa naduukizi ilienya liezing'anagani zizie. Mumadiku gaaza mulakamanye yaga.

Jeremia 31:12

Valakaze kandi valakimbi nuvusangali ku kiguru cha Ziyoni kandi valayanzilira vihaanwa viange - vihaanwa viu vuzwage ni iwaini na maguta, vihaanwa via amagondi ni zing'ombe. Navave kuli mulimi gwa samwa vulahi; valanyora vuli kindu choosi cha venya.

Jeremia 48:47

Navuzwa mu madiku gaaza Yahova alilanyila Moabu uvutugi kandi. Yaga goosi nigo aga Yahova amali kovora ndi, galakoleka ku kivala cha Moabu.

Jeremia 49:39

Navuzwa ing'inga yiza inzi ndakagasizi avandu va Elamu. Inzi Yahova mali kovora.”

Jeremia 51:44

Inzi ndahaana amageri ku Beli, umunyasaye wa Babiloni, kandi ndamukora ahaane vindu viosi via yavugula. Zihiiri si ziramusigamira kandi mba. “Madigi gi lidaala lia Babiloni gamali kugwa.

Ezekieli 38:16

Ivi nuwingiliri avandu vange va Isiraeli kuli ikiihi kikuguta ku kivala. Lwi ing'inga iliduuka, ndakakutumi kwingilira kivala change, kunangwa umanyie zihiiri ndi, inzi mbeeye vwaha, nukumanyia vutakatifu vwange agandaza ngole kuvitira mu ivi.

Ezekieli 40:2

Mu malola, Nyasaye yambira mu kivala cha Isiraeli ma niyaambika ku kiguru kitambi. Ndaalora zinyumba imbiri wange zialoleka kuli Lidaala linene.

Danyeli 10:14

Mali kuduuka kunangwa ivi uduuki kumanya agazizaa kwekoleka ku vandu vovo mu madiku gaaza.” Yaga namalola kigira makuva gaaza.

Danyeli 2:28

Navuzwa aveeye ho na Nyasaye wu Mwigulu, uvula viokogenyia viaviswa. Akovoleraa O, mwami wiitu agazizaa kwekoleka mu madiku gaaza. Kalunu ndakovolera maloto googo, amalola ga walola lwa waali nogonaa.

Danyeli 2:35

Nonoho kivia, lidohi, mugasa, ifeza kandi izahabu viavunguluka nivigwa kuli luguki ku loze mu madiku gu muvasu. Imbuza yaginga luguki yilu lwosi, na yaleka loze lwere. Navuzwa ligina liamera niliviluka ni ligwa kiguru kenene chafuma lirova liosi.

Danyeli 2:45

Walola kuli ligina liadika kutura ku lwanda vugira umundu kulidiira, kandi kuli liaduya kifananyi chalombwa kutura ku kivia, mugasa, madohi, ifeza, kandi izahabu. Nyasaye akovoleraa O, mwami wiitu ichawalota kandi ngovooleye kivuni cha maloto zana.”

Hosea 3:5

Navuzwa ing'inga yiza lwa avandu va Isiraeli valakagirung'ane nukuzia ku Yahova Nyasaye wavo, kandi ku kisukururwi cha Daudi mwami wavo. Maku valatie Yahova kandi valakanyore vihaanwa vivie vilahi.

Zekaria 14:10

Losoma lwosi kutura Geba kolovega lwi Ivaale wa Rimoni kolovega lwi Isavaalu vilakaleng'anywe. Jerusalemi ilakave igulu wi kivala cha kikumbeliza; lidaala liene yili lilakatuli mu kirivwa cha Benjamini kuduuka ha kirivwa chu mukoona, hi kirivwa kindi chaalange; kandi hu munara gwa Hananeli kuduuka ha vaminiraa iwaini yu vwami.

Zekaria 14:9

Maku Yahova alakave mwami wi kivala choosi; vuli mundu alakamusigamiri kuli Nyasaye kandi nu kumanya lieta lilie.

Zekaria 8:22

Avandu vanyingi kandi zihiiri zie zinguru zilakaze mu Jerusalemi kusigamira Yahova Wuvunyali kandi koteva vugasu vwivwe.

Zekaria 8:3

Inzi ndirana mu Jerusalemi lidaala liange litakatifu nokomenya mulio. Lilakalangwe lidaala lisuuvirifu kandi kiguru cha Yahova Wuvunyali, kilakalangwe kiguru kitakatifu.

Malaki 3:12

Maku avandu vi zihiiri ziosi valakamuguliki, ‘Vuyanzi’ kigira kivala chiinyu kilakave havundu halahi ho komenya.”

Livalidza 24:14

Baalamu yavolera Balaki, “Kalunu nzirana ku vandu vange, navuzwa ningikiri kuzia, ngovolera ga vandu va Isiraeli valikolera vandu vovo mu zing'inga ziza.”

Vikolwa 2:17

‘Mu madiku ge keheri, Nyasaye avoora: Ndazuka Roho wange ku avandu vosi. Avana vinyu, avayaayi na vakana, valaporofeta makuva gange; vasoleri vinyu valalola malola, na vasakulu vinyu valalota maloto.

Vahebraina 1:2

Navuzwa mu madiku gu kumaliriza yaga umali kovolerana ni kunyi kuvitira mu Mwana weve wayatovola kuva mwene vindu viosi mu limalirika, kandi kuvitira muye yalomba ligulu ni lirova.

2 Petro 3:3

Kindu chu kutanga, gamudukira mumanye ndi mu madiku ge keheri yaga, vandu valala valaloleka kuva vilivamwoyo liavo iliamiifwi ni likayirwa lie miviri jiavo valakamunyage kandi

Likunula 11:15

Kunangwa engelosi wa saba yakuba kisiriva chiche kandi ndaahulira zingelosi nivamoromaa uvudinyu ligali mwigulu nivavoora, “Izingulu ziu kwamiiha ku lirova ziveeye ziu Mwami wiitu Nyasaye, kandi zia Mesia weve; Naye alamiiha imihiga ni mihiga.”

Likunula 20:4

Maku ndaalora zindeve ziu uvwami, kandi avandu viikara kuzio, na vahevwa uvunyali vwi likalaga. Kandi ndaalora imioyo ja avandu viitwa kigira vilwaza likuva lia Nyasaye. Sivali nivasigamiyi iking'ang'a anoho kifananyi chacho mba, anoho mu makono gaavo kandi sivali nivaduyiywi umuhuri mu uvweni vwavo kuva ikimanyiru chi king'ang'a yicho mba. Vasimuguka kandi vamiiha harara na Kristo ku mihiga elefu.